ದುಬೈ: ಪಾಕಿಸ್ತಾನ ವಿರುದ್ಧ ಸೋಲು ಕಂಡು ಅಂಕಪಟ್ಟಿಯಲ್ಲಿ ಕುಸಿತ ಕಂಡಿದ್ದ ಭಾರತ ತಂಡ ಮತ್ತೆ ಅಗ್ರಸ್ಥಾನ ಪಡೆದುಕೊಂಡಿದೆ. ಮಂಗಳವಾರ ನಡೆದ ಎಸಿಸಿ ಅಂಡರ್-19 ಪುರುಷರ ಏಷ್ಯಾ ಕಪ್(U19 Asia Cup) ಕ್ರಿಕೆಟ್ ಟೂರ್ನಿಯ ಲೀಗ್ ಪಂದ್ಯದಲ್ಲಿ ಭಾರತ ತಂಡ ನೇಪಾಳ(India U19 vs Nepal U19) ವಿರುದ್ಧ 10 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿದೆ.
ಪಾಕಿಸ್ತಾನ ತಂಡ ಅಫಘಾನಿಸ್ತಾನ ವಿರುದ್ಧ 303 ರನ್ ಗಳಿಸಿ ಸವಾಲೊಡ್ಡಿದೆ. ಪಾಕ್ ಗೆದ್ದರೆ ಮತ್ತೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಲಿದೆ. ಆಗ ಭಾರತ ದ್ವಿತೀಯ ಸ್ಥಾನಕ್ಕೆ ಜಾರಲಿದೆ. ಆದರೂ ಸೆಮಿಫೈನಲ್ ಪ್ರವೇಶಕ್ಕೆ ಅಡ್ಡಿಯಾಗದು. ‘ಎ’ ವಿಭಾಗದಿಂದ ದ್ವಿತೀಯ ತಂಡವಾಗಿ ಸೆಮಿ ಟಿಕೆಟ್ ಪಡೆಯಲಿದೆ.
In a resounding victory, India-U19 triumphed over Nepal-U19 by 10 wickets, effortlessly achieving the target, showcasing an outstanding display of skill and dominance on the ground today.#ACCMensU19AsiaCup #ACC pic.twitter.com/R7pPvdeGxD
— AsianCricketCouncil (@ACCMedia1) December 12, 2023
ಇಲ್ಲಿನ ಐಸಿಸಿ ಅಕಾಡೆಮಿ ಕ್ರಿಕೆಟ್ ಮೈದಾನದಲ್ಲಿ ನಡೆದ ‘ಎ’ ಗುಂಪಿನ ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭಾರತ ತನ್ನ ಆಯ್ಕೆಯನ್ನು ಸಮರ್ಥಿಸಿಕೊಂಡಿತು. ಘಾತಕ ಬೌಲಿಂಗ್ ದಾಳಿ ನಡೆಸಿ ನೇಪಾಳವನ್ನು ಕೇವಲ 52 ರನ್ಗಳಿಗೆ ಕಡೆವಿ ಹಾಕಿತು. ಈ ಮೊತ್ತವನ್ನು ಭಾರತ ಒಂದು ವಿಕೆಟ್ ನಷ್ಟವಿಲ್ಲದೆ 7.1 ಓವರ್ಗಳಲ್ಲಿ 57 ರನ್ ಬಾರಿಸಿ ಭರ್ಜರಿ ಗೆಲುವು ತನ್ನದಾಗಿಸಿಕೊಂಡಿತು.
ಇದನ್ನೂ ಓದಿ U19 Asia Cup: ಪಾಕಿಸ್ತಾನ ವಿರುದ್ಧ ಭಾರತಕ್ಕೆ 8 ವಿಕೆಟ್ ಸೋಲು
7 ವಿಕೆಟ್ ಕೆಡವಿದ ಲಿಂಬಾನಿ
ಭಾರತ ಪರ ರಾಜ್ ಲಿಂಬಾನಿ ಘಾತಕ ಬೌಲಿಂಗ್ ದಾಳಿ ನಡೆಸಿ ಬರೋಬ್ಬರಿ 7 ವಿಕೆಟ್ ಕಿತ್ತು ನೇಪಾಳ ತಂಡವನ್ನು ಹೆಡೆಮುರಿ ಕಟ್ಟಿದರು. ಅವರ ಮೊನಚಾದ ಬೌಲಿಂಗ್ ದಾಳಿಯ ಮುಂದೆ ನೇಪಾಳ ಬ್ಯಾಟರ್ಗಳು ರನ್ಗಳಿಸಿ ಪರದಾಡಿ ಸತತವಾಗಿ ವಿಕೆಟ್ ಕಳೆದುಕೊಂಡರು. 9.1 ಓವರ್ ಎಸೆತದ ಅವರು ಮೂರು ಮೇಡನ್ ಮಾಡಿ ಕೇವಲ 13 ರನ್ ಬಿಟ್ಟುಕೊಟ್ಟು 7 ವಿಕೆಟ್ ಉರುಳಿಸಿದರು. ಉಳಿದಂತೆ ಆರಾಧ್ಯ ಶುಕ್ಲಾ ಅವರು 31 ರನ್ ನೀಡಿ 2 ವಿಕೆಟ್ ಕಿತ್ತರು. ನೇಪಾಳ ಪರ ಆಡಿದ ಎಲ್ಲ ಬ್ಯಾಟರ್ಗಳು ಒಂದಂಕಿಗೆ ಸೀಮಿತರಾದರು. ಯಾರಿಂದಲ್ಲೂ ಕೂಡ ಡಬಲ್ ಡಿಜಿಟ್ ರನ್ಗಳಿಸಲು ಸಾಧ್ಯವಾಗಲಿಲ್ಲ.
Raj Limbani achieves a remarkable milestone, scalping 7 wickets for just 13 runs in a stellar performance, delivering it in just 9.1 overs.#ACCMensU19AsiaCup #ACC pic.twitter.com/jXmbM6G7eC
— AsianCricketCouncil (@ACCMedia1) December 12, 2023
ಚೇಸಿಂಗ್ ನಡೆಸಿದ ಭಾರತ ಪರ ಆಂಭಿಕರಾದ ಆದರ್ಶ್ ಸಿಂಗ್(13) ಮತ್ತು ಅರ್ಶಿನ್ ಕುಲಕರ್ಣಿ(43) ಅಜೇಯ ಆಟವಾಡುವ ಮೂಲಕ ತಂಡಕ್ಕೆ ಗೆಲುವು ತಂದುಕೊಟ್ಟರು. ಕುಲಕರ್ಣಿ ಆಟ ಅತ್ಯಂತ ಬಿರುಸಿನಿಂದ ಕೂಡಿತ್ತು. ಬರೋಬ್ಬರಿ 5 ಸಿಕ್ಸರ್ ಮತ್ತು ಒಂದು ಬೌಂಡರಿ ಸಿಡಿಸಿ ಮಿಂಚಿದರು.
ಆಡುವ ಬಳಗ
ಭಾರತ: ಅರ್ಶಿನ್ ಕುಲಕರ್ಣಿ, ಆದರ್ಶ್ ಸಿಂಗ್, ಉದಯ್ ಸಹರಾನ್ (ನಾಯಕ), ಸಚಿನ್ ಧಾಸ್, ಪ್ರಿಯಾಂಶು ಮೊಲಿಯಾ, ಮುಶೀರ್ ಖಾನ್, ಅರವೆಲ್ಲಿ ಅವನೀಶ್ (ವಿಕೆಟ್ ಕೀಪರ್), ಸೌಮಿ ಪಾಂಡೆ, ಮುರುಗನ್ ಅಭಿಷೇಕ್, ಆರಾಧ್ಯ ಶುಕ್ಲಾ, ರಾಜ್ ಲಿಂಬಾನಿ.
ನೇಪಾಳ:ದೇವ್ ಖಾನಲ್ (ನಾಯಕ), ಅರ್ಜುನ್ ಕುಮಾಲ್, ದೀಪಕ್ ಪ್ರಸಾದ್ ಡುಮ್ರೆ, ಹೇಮಂತ್ ಧಾಮಿ, ಉತ್ತಮ್ ರಂಗು ಥಾಪಾ ಮಗರ್ (ವಿಕೆಟ್ ಕೀಪರ್), ದೀಪೇಶ್ ಕಾಂಡೇಲ್, ಆಕಾಶ್ ಚಂದ್, ಸುಭಾಷ್ ಭಂಡಾರಿ, ದೀಪಕ್ ಬೋಹರಾ, ಗುಲ್ಸನ್ ಝಾ, ದೀಪಕ್ ಬೊಹಾರಾ.