ಬ್ಲೋಮ್ಫಾಂಟೇನ್: 19ರ ವಯೋಮಿತಿಯ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯ(U-19 World Cup 2024) ಸೂಪರ್ ಸಿಕ್ಸ್(Super Six) ಹಂತದ ತನ್ನ ಎರಡನೇ ಹಾಗೂ ಅಂತಿಮ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಭಾರತ ತಂಡ ನೇಪಾಳ ವಿರುದ್ಧ ಭರ್ಜರಿ 132 ರನ್ಗಳ ಗೆಲುವು ಸಾಧಿಸಿ ಸೆಮಿಫೈನಲ್ಗೆ ಲಗ್ಗೆಯಿಟ್ಟಿದೆ. ಜತೆಗೆ ದಾಖಲೆಯ ಆರನೇ ಬಾರಿಗೆ ಪ್ರಶಸ್ತಿ ಗೆಲ್ಲುವ ಕನಸನ್ನು ಜೀವಂತವಿರಿಸಿದೆ.
ಬ್ಲೋಮ್‌ಫಾಂಟೇನ್ನಲ್ಲಿ ಶುಕ್ರವಾರ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತ ನಾಯಕ ಉದಯ್‌ ಸಹರನ್‌(100) ಮತ್ತು ಸಚಿನ್ ದಾಸ್(116) ಅಮೋಗ ಶತಕದಾಟದ ನೆರವಿನಿಂದ ನಿಗದಿತ 50 ಓವರ್ಗಳಲ್ಲಿ 5 ವಿಕೆಟ್ಗೆ 297 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ನೇಪಾಳ ಉತ್ತಮ ಆರಂಭ ಪಡೆದರೂ ಆ ಬಳಿಕ ನಾಟಕೀಯ ಕುಸಿತ ಕಂಡು 9 ವಿಕೆಟ್ ನಷ್ಟಕ್ಕೆ 165 ರನ್ ಗಳಿಸಿ ಶರಣಾಯಿತು.
A fifth consecutive semi-final appearance for India in the Men's #U19WorldCup 😯#INDvNEP pic.twitter.com/vjAv7zZ15H
— ICC (@ICC) February 2, 2024
ಇನಿಂಗ್ಸ್ ಆರಂಭಿಸಿದ ಭಾರತದ ಇನಿಂಗ್ಸ್ ಉತ್ತಮವಾಗಿರಲ್ಲ. 62 ರನ್ಗೆ 3 ವಿಕೆಟ್ ಕಳೆದುಕೊಂಡಿತು. ಈ ವೇಳೆ ನಾಲ್ಕನೇ ವಿಕೆಟ್ಗೆ ಜತೆಯಾದ ನಾಯಕ ಉದಯ್‌ ಸಹರನ್‌ ಮತ್ತು ಸಚಿನ್ ದಾಸ್ ತಾಳ್ಮೆಯುತ ಬ್ಯಾಟಿಂಗ್ ನಡೆಸಿ ಕುಸಿದ ತಂಡಕ್ಕೆ ಆಸರೆಯಾದರು. ಉಭಯ ಆಟಗಾರರು ಕೂಡ ಶತಕ ಬಾರಿಸಿ ಸಂಭ್ರಮಿಸಿದರು. ಈ ಜೋಡಿ 4 ವಿಕೆಟ್ಗೆ ಬರೋಬ್ಬರಿ 215 ರನ್ಗಳ ಜತೆಯಾಟ ನಡೆಸಿತು.
𝗜𝗻𝘁𝗼 𝘁𝗵𝗲 𝘀𝗲𝗺𝗶𝘀! 🥳
— BCCI (@BCCI) February 2, 2024
The #BoysInBlue continue their winning run in the #U19WorldCup 🙌#TeamIndia complete a 132-run victory over Nepal U19 👏👏
Scorecard ▶️ https://t.co/6Vp3LnoN6N#INDvNEP pic.twitter.com/UeOTFJoOnV
107 ಎಸೆತ ಎದುರಿಸಿದ ಉದಯ್‌ ಸಹರನ್‌ 9 ಬೌಂಡರಿ ಬಾರಿಸಿ ಭರ್ತಿ 100 ರನ್ ಗಳಿಸಿ ಔಟಾದರು. ಸಚಿನ್ ದಾಸ್ 11 ಬೌಂಡರಿ ಮತ್ತು 3 ಸೊಗಸಾದ ಸಿಕ್ಸರ್ ಸಿಡಿಸಿ 116 ಬಾರಿಸಿದರು. ಭಾರತ ಪರ ಬೌಲಿಂಗ್ನಲ್ಲಿ ಸೌಮಿ ಪಾಂಡೆ ಘಾತಕ ದಾಳಿ ನಡೆಸಿ 1 ಮೇಡನ್ ಸಹಿತ 29 ನೀಡಿ ಪ್ರಮುಖ ನಾಲ್ಕು ವಿಕೆಟ್ ಕಿತ್ತರು. ನೇಪಾಳ ಪರ ಗುಲ್ಸನ್ ಝಾ 3 ವಿಕೆಟ್ ಪಡೆದರು.
ಇದನ್ನೂ ಓದಿ IND vs ENG: ಜೈಸ್ವಾಲ್ ಸಾಧನೆಯನ್ನು ಕೊಂಡಾಡಿದ ಇರ್ಫಾನ್ ಪಠಾಣ್
ಪ್ರತಿ ಬಣದ ಎರಡು ತಂಡಗಳು ಸೆಮಿಫೈನಲಿಗೇರಲಿವೆ. ಫೆ. 6 ಮತ್ತು 8ರಂದು ಸೆಮಿಫೈನಲ್ಸ್‌ ನಡೆಯಲಿದ್ದರೆ ಫೆ. 11ರಂದು ಫೈನಲ್‌ ಪಂದ್ಯ ಜರಗಲಿದೆ. ಭಾರತ ಗ್ರೂಪ್ 1ರಲ್ಲಿ ಆಡಿದ ನಾಲ್ಕು ಪಂದ್ಯ ಗೆದ್ದು 8 ಅಂಕ ಪಡೆದು ಅಗ್ರಸ್ಥಾನಿಯಾಗಿ ಸೆಮಿ ಟಿಕೆಟ್ ಪಡೆದಿದೆ. ಭಾರತ ಬದ್ಧ ಎದುರಾಳಿ ಇದೇ ಗ್ರೂಪ್ನಲ್ಲಿ ದ್ವಿತೀಯ ಸ್ಥಾನ ಪಡೆದಿದೆ. ಪಾಕ್ ಕೂಡ ಆಡಿದ ಮೂರು ಪಂದ್ಯಗಳಲ್ಲಿಯೂ ಗೆಲುವು ದಾಖಲಿಸಿ ಅಜೇಯವಾಗಿದೆ. ಶನಿವಾರ ನಡೆಯುವ ತನ್ನ ಕೊನೆಯ ಸೂಪರ್ ಸಿಕ್ಸ್ ಹಂತದ ಪಂದ್ಯದಲ್ಲಿ ಬಾಂಗ್ಲಾದೇಶವನ್ನು ಎದುರಿಸಲಿದೆ. ಇಲ್ಲಿ ಪಾಕ್ ಗೆದ್ದರೆ ಭಾರತದಷ್ಟೇ 8 ಅಂಕ ಸಿಗಲಿದೆ. ಆದರೆ ರನ್ ರೇಟ್ ಧಾರಣೆಯಲ್ಲಿ ಮುಂದಿರುವ ಕಾರಣ ಭಾರತ ಅಗ್ರಸ್ಥಾನದಲ್ಲೇ ಉಳಿಯಲಿದೆ. ಒಂದೊಮ್ಮೆ ಪಾಕ್ ತಂಡ ಭಾರೀ ಅಂತರದಿಂದ ಸೋತರೆ ಆಗ ಬಾಂಗ್ಲಾದೇಶ ಉತ್ತಮ ರನ್ ರೇಟ್ ಆಧಾರದಲ್ಲಿ ಸೆಮಿಗೇರುವ ಅವಕಾಶವಿದೆ.