ದುಬೈ: ಅರ್ಶಿನ್ ಕುಲಕರ್ಣಿ(Arshin Kulkarni) ಅವರ ಆಲ್‌ರೌಂಡ್ ಪ್ರದರ್ಶದಿಂದ ಅಂಡರ್ 19 ಏಷ್ಯಾಕಪ್‌ನಲ್ಲಿ(U19 Asia Cup) ಭಾರತ ತಂಡ(India U19 vs Afghanistan) ಭರ್ಜರಿ ಗೆಲುವಿನ ಆರಂಭ ಪಡೆದಿದೆ. ಅಫ್ಘಾನಿಸ್ತಾನ ವಿರುದ್ಧ ಶುಕ್ರವಾರ ನಡೆದ ಮೊಲದ ಪಂದ್ಯದಲ್ಲಿ ಟೀಮ್ ಇಂಡಿಯಾ ಏಳು ವಿಕೆಟ್‌ಗಳ ಜಯ ಸಾಧಿಸಿದೆ.
ದುಬೈನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭಾರತ ತಂಡವು, ಅಫ್ಘಾನಿಸ್ತಾನವನ್ನು 173 ರನ್‌ಗಳಿಗೆ ಕಟ್ಟಿ ಹಾಕಿ ತಮ್ಮ ಆಯ್ಕೆಯನ್ನು ಸಮರ್ಥಿಸಿಕೊಂಡಿತು. ಬಳಿಕ ಚೇಸಿಂಗ್ನಲ್ಲಿಯೂ ಅಮೋಘ ಬ್ಯಾಟಿಂಗ್ ನಡೆಸಿ ಕೇವಲ 37.3 ಓವರ್‌ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 174 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು. ಭಾರತ ಮುಂದಿನ ಪಂದ್ಯದಲ್ಲಿ ಸಾಂಪ್ರದಾಯಿಕ ಬದ್ಧ ಎದುರಾಳಿ ಪಾಕಿಸ್ತಾನದ ಸವಾಲು ಎದುರಿಸಲಿದೆ. ಈ ಪಂದ್ಯ ಭಾನುವಾರ ನಡೆಯಲಿದೆ.
#TeamIndia off to a winning start in the #ACCMensU19AsiaCup 🙌🙌
— BCCI (@BCCI) December 8, 2023
They beat Afghanistan by 7 wickets at the ICC Academy Ground in Dubai 👌👌
Scorecard: https://t.co/4FgkV7W5HW pic.twitter.com/lXrAPruQlM
ಆಲ್‌ರೌಂಡ್ ಪ್ರದರ್ಶನ ತೋರಿದ ಕುಲಕರ್ಣಿ
ಟೀಮ್ ಇಂಡಿಯಾದ ಗೆಲುವಿನ ರುವಾರಿ ಅರ್ಶಿನ್ ಕುಲಕರ್ಣಿ ಅವರು ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡೂ ವಿಭಾಗದಲ್ಲಿಯೂ ತಮ್ಮ ಉತ್ಕೃಷ್ಟ ಮಟ್ಟದ ಆಟ ಪ್ರದರ್ಶಿಸುವ ಗಮನಸೆಳೆದರು. 8 ಓವರ್ ಬೌಲಿಂಗ್ ನಡೆಸಿದ ಅವರು 29 ರನ್ ವೆಚ್ಚದಲ್ಲಿ 3 ವಿಕೆಟ್ ಕಿತ್ತರು. ಬಳಿಕ ಬ್ಯಾಟಿಂಗ್ನಲ್ಲಿಯೂ ಮಿಂಚಿದ ಕುಲಕರ್ಣಿ 4 ಬೌಂಡರಿ ನೆರವಿನಿಂದ ಅಜೇಯ 70 ರನ್ ಬಾರಿಸಿದರು. ಅವರ ಈ ಆಲ್ರೌಂಡರ್ ಪ್ರದರ್ಶನದಿಂದ ಭಾರತ ಗೆಲುವಿನ ಪತಾಕೆ ಹಾರಿಸಿತು. ಮುಶೀರ್ ಖಾನ್ ಕೂಡ ಅಜೇಯ 48 ಬಾರಿಸಿದರು. ಉಳಿದಂತೆ ಬೌಲಿಂಗ್ನಲ್ಲಿ ರಾಜ್ ಲಿಂಬಾನಿ(3) ನಮನ್ ತಿವಾರಿ(2) ವಿಕೆಟ್ ಕಿತ್ತರು.
ಇದನ್ನೂ ಓದಿ ಆಯ್ಕೆ ಸಮಿತಿಯ 2 ಅಧಿಕಾರಿಗಳ ಮುಂದೆ ಟಿ20 ಸರಣಿ ಆಡಲಿದೆ ಭಾರತ; ಬಿಸಿಸಿಐ ಪ್ಲ್ಯಾನ್ ಏನು?
ನಾಯಕ ಉದಯ್ ಸಹರನ್ ಕೇವಲ 20 ರನ್ ಗಳಿಸಿ ನಿರಾಸೆ ಮೂಡಿಸಿದರು. ಆರಂಭಿಕ ಆಟಗಾರ ಆದರ್ಶ್ ಸಿಂಗ್ ಕೂಡ 14 ರನ್ಗೆ ವಿಕೆಟ್ ಕೈಚಲ್ಲಿದರು. ಅಫಘಾನಿಸ್ತಾನ ತಂಡ ಉತ್ತಮ ಆರಂಭ ಪಡೆದರೂ ಆ ಬಳಿಕ ನಾಟಕೀಯ ಕುಸಿತ ಕಂಡಿತು. ಆರಂಭಕಾರ ಜಮ್ಶಿದ್ ಜದ್ರಾನ್(43) ರನ್ ಬಾರಿಸಿ ಉತ್ತಮ ಅಡಿಪಾಯ ನಿರ್ಮಿಸಿದ್ದರು. ಆದರೆ ಇವರ ವಿಕೆಟ್ ಪತನದ ಬಳಿಕ ಯಾರು ಕೂಡ ತಂಡಕ್ಕೆ ಆಸರೆಯಾಗುವಲ್ಲಿ ಯಶಸ್ಸು ಕಾಣಲಿಲ್ಲ.
ಸಂಕ್ಷಿಪ್ತ ಸ್ಕೋರ್‌
ಅಫಘಾನಿಸ್ತಾನ-50 ಓವರ್‌ಗಳಲ್ಲಿ 173ಕ್ಕೆ ಆಲೌಟ್; (ಜಮಿದ್‌ ಜದ್ರಾನ್ 43, ಮೊಹಮ್ಮದ್‌ ಯೂಸುಫ್ ಜದ್ರಾನ್ 26, ನುಮಾನ್‌ ಶಾಹ 25, ಅರ್ಷಿನ್‌ ಕುಲಕರ್ಣಿ 29ಕ್ಕೆ 3, ರಾಜ್ ಲಿಂಬಾನಿ 46ಕ್ಕೆ 3, ನಮನ್ ತಿವಾರಿ 30ಕ್ಕೆ 2).
ಭಾರತ-37.3 ಓವರ್‌ಗಳಲ್ಲಿ 3 ವಿಕೆಟಿಗೆ 174 (ಅರ್ಷಿನ್‌ ಕುಲಕರ್ಣಿ ಔಟಾಗದೆ 70, ಮುಶೀರ್ ಖಾನ್ ಔಟಾಗದೆ 48, ಉದಯ್ ಸಹಾರಣ್‌ 20).
ಭಾರತ ಅಂಡರ್-19 ತಂಡ
ಅರ್ಶಿನ್ ಕುಲಕರ್ಣಿ, ಆದರ್ಶ್ ಸಿಂಗ್, ರುದ್ರ ಮಯೂರ್ ಪಟೇಲ್, ಸಚಿನ್ ದಾಸ್, ಪ್ರಿಯಾಂಶು ಮೊಲಿಯಾ, ಮುಶೀರ್ ಖಾನ್, ಉದಯ್ ಸಹರಾನ್ (ನಾಯಕ), ಅರ್ವೆಲ್ಲಿ ಅವನೀಶ್ ರಾವ್ (ವಿಕೆಟ್ ಕೀಪರ್), ಸೌಮಿ ಕುಮಾರ್ ಪಾಂಡೆ (ಉಪನಾಯಕ), ಮುರುಗನ್ ಅಭಿಷೇಕ್, ಇನ್ನೇಶ್ ಮಹಾಜನ್ (ವಿಕೆಟ್ ಕೀಪರ್), ಧನುಷ್ ಗೌಡ, ಆರಾಧ್ಯ ಶುಕ್ಲಾ, ರಾಜ್ ಲಿಂಬಾನಿ, ನಮನ್ ತಿವಾರಿ.