ಬ್ಲೋಮ್‌ಫಾಂಟೇನ್‌: ಆರಂಭಿಕ ಆಟಗಾರ ಅರ್ಶಿನ್ ಕುಲಕರ್ಣಿ(108) ಬಾರಿಸಿದ ಆಕರ್ಷಕ ಶತಕದಿಂದಾಗಿ ಭಾರತ ತಂಡವು(India U19 vs United States U19) ಐಸಿಸಿ ಅಂಡರ್‌-19 ವಿಶ್ವಕಪ್‌(Under 19 World Cup) ಕ್ರಿಕೆಟ್‌ ಕೂಟದ ತನ್ನ ಮೂರನೇ ಪಂದ್ಯದಲ್ಲಿ ಅಮೆರಿಕ ತಂಡವನ್ನು 201 ರನ್ನುಗಳಿಂದ ಭರ್ಜರಿಯಾಗಿ ಸೋಲಿಸಿ ಸೂಪರ್ ಸಿಕ್ಸ್ ಹಂತಕ್ಕೇರಿದೆ. ಜ.30ರಂದು ನಡೆಯುವ ಸೂಪರ್ ಸಿಕ್ಸ್ ಪಂದ್ಯದಲ್ಲಿ ಭಾರತ ತಂಡ ನ್ಯೂಜಿಲ್ಯಾಂಡ್ ಸವಾಲು ಎದುರಿಸಲಿದೆ.
ಭಾನುವಾರ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ, ಅರ್ಶಿನ್ ಕುಲಕರ್ಣಿ(Arshin Kulkarni) ಹಾಗೂ ಮುಶೀರ್‌ ಖಾನ್ ಅವರ ಸೊಗಸಾದ ಬ್ಯಾಟಿಂಗ್ ನೆರವಿನಿಂದ ನಿಗದಿತ 50 ಓವರ್ಗಳಲ್ಲಿ ಕೇವಲ 5 ವಿಕೆಟ್ ನಷ್ಟಕ್ಕೆ
326 ರನ್ ಬಾರಿಸಿತು. ಬೃಹತ್ ಮೊತ್ತವನ್ನು ಕಂಡು ಕಂಗಾಲಾದ ಅಮೆರಿಕ 8 ವಿಕೆಟ್ ಕಳೆದುಕೊಂಡು ಕೇವಲ 125 ರನ್ ಗಳಿಸಲಷ್ಟೇ ಶಕ್ತವಾಯಿತು. ಭಾರತ 201 ರನ್ಗಳ ಭರ್ಜರಿ ಗೆಲುವು ಸಾಧಿಸಿತು. ಅಚ್ಚರಿ ಎಂದರೆ ಕಳೆದ ಐರ್ಲೆಂಡ್ ವಿರುದ್ಧದ ಪಂದ್ಯದಲ್ಲಿಯೂ ಭಾರತ 201 ರನ್ಗಳ ಗೆಲುವು ಸಾಧಿಸಿತ್ತು.
India's spirited victory in Bloemfontein helps them finish at the top of Group A 👀#U19WorldCup #INDvUSA pic.twitter.com/sOIl1Eqmp5
— ICC (@ICC) January 28, 2024
ಭಾರತದ ಇನಿಂಗ್ಸ್ ಆರಂಭಿಸಿದ ಅರ್ಶಿನ್ ಕುಲಕರ್ಣಿ ತಾಳ್ಮೆಯು ಬ್ಯಾಟಿಂಗ್ ನಡೆಸಿ ಶತಕ ಬಾರಿಸಿದರು. ಇವರ ಈ ಶತಕದ ಇನಿಂಗ್ಸ್ನಲ್ಲಿ 8 ಬೌಂಡರಿ ಮತ್ತು 3 ಸಿಕ್ಸರ್ ದಾಖಲಾಯಿತು. ಕಳೆದ ಪಂದ್ಯದಲ್ಲಿ ಬಿರುಸಿನ ಬ್ಯಾಟಿಂಗ್ ಮೂಲಕ ಶತಕ ಬಾರಿಸಿದ್ದ ಮುಶೀರ್‌ ಖಾನ್ ಈ ಪಂದ್ಯದಲ್ಲಿಯೂ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿದರು.
ಮೂರನೇ ವಿಕೆಟ್ಗೆ ಆಡಲಿಳಿದ ಮುಶೀರ್‌ ಖಾನ್ 6 ಬೌಂಡರಿ ಮತ್ತು ಒಂದು ಸಿಕ್ಸರ್ ಸಿಡಿಸಿ 73 ರನ್ ಗಳಿಸಿ ಅರ್ಧಶತಕ ಬಾರಿಸಿದರು. ನಾಯಕ ಉದಯ್‌ ಸಹರನ್‌(35), ಪ್ರಿಯಾಂಶು ಮೊಲಿಯಾ ಅಜೇಯ 27 ರನ್ ಬಾರಿಸಿ ತಂಡದ ಬೃಹತ್ ಮೊತ್ತಕ್ಕೆ ನೆರವು ನೀಡಿದರು.
ಇದನ್ನೂ ಓದಿ IND vs ENG: ಟೀಮ್ ಇಂಡಿಯಾವನ್ನು ಮಣಿಸಿ ವಿಶೇಷ ದಾಖಲೆ ಬರೆದ ಇಂಗ್ಲೆಂಡ್
3️⃣ wins out of 3️⃣ for the #BoysInBlue 🙌🏻
— BCCI (@BCCI) January 28, 2024
Opener Arshin Kulkarni is adjudged the Player of the Match for his solid ton 👏🏻👏🏻#TeamIndia register a 201-run win over USA
Scorecard ▶️ https://t.co/OAbsdAHOj5#BoysInBlue | #INDvUSA pic.twitter.com/hMILAYvmEz
ಭಾರತ ಪರ ಬೌಲಿಂಗ್ನಲ್ಲಿ ಸಂಘಟಿತ ದಾಳಿ ನಡೆಸಿದ ನಮನ್ ತಿವಾರಿ 9 ಓವರ್ ಎಸೆದು 3 ಮೇಡನ್ ಸಹಿತ 20 ರನ್ಗೆ 4 ವಿಕೆಟ್ ಕಿತ್ತು ಮಿಂಚಿದರು. ಉಳಿದಂತೆ ಮುರುಗನ್ ಅಶ್ವಿನ್, ಪ್ರಿಯಾಂಶು ಮೊಲಿಯಾ, ಸೌಮಿ ಪಾಂಡೆ ಮತ್ತು ರಾಜ್ ಲಿಂಬಾನಿ ತಲಾ ಒಂದು ವಿಕೆಟ್ ಪಡೆದರು.
ಚೇಸಿಂಗ್ ನಡೆಸಿದ ಅಮೆರಿಕ ಪರ ಉತ್ಕರ್ಷ್ ಶ್ರೀವಾಸ್ತವ (40) ಮತ್ತು ಅಮೋಗ್ ಅರೆಪಲ್ಲಿ(27) ಮಾತ್ರ ನಿರೀಕ್ಷಿತ ಮಟ್ಟದ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಉಳಿದ ಎಲ್ಲ ಬ್ಯಾಟರ್ಗಳು ಅಗ್ಗಕ್ಕೆ ಔಟಾಗಿ ನಿರಾಸೆ ಮೂಡಿಸಿದರು.