ಮುಂಬಯಿ: ಭಾರತ ಕ್ರಿಕೆಟ್ ತಂಡದ ಭವಿಷ್ಯದ ತಾರೆ ಎಂದೇ ಗುರುತಿಸಲ್ಪಟ್ಟಿರುವ ಶುಭಮನ್ ಗಿಲ್ (shubman gill)ಅವರು ಅಭಿಮಾನಿಗಳ ಸೆಲ್ಫಿ ಗೀಳಿನಿಂದಾಗಿ ವಿಮಾನ ನಿಲ್ದಾಣದಲ್ಲಿ ಪರಾದಾಡಿದ ಘಟನೆ ಮುಂಬಯಿಯಲ್ಲಿ ನಡೆದಿದೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral News) ಆಗಿದೆ.
ಮುಂಬಯಿಯ ವಿಮಾನ ನಿಲ್ದಾಣದಿಂದ(Mumbai Airport) ಗಿಲ್ ಅವರು ಹೊರಬರುತ್ತಿರುವುದನ್ನು ಕಂಡ ಅಭಿಮಾನಿಗಳು ಏಕಾಏಕಿ ಗಿಲ್ ಬಳಿ ಬಂದು ಫೋಟೋ ತೆಗೆದುಕೊಳ್ಳಲು ಮುಂದಾಗಿದ್ದಾರೆ. ಕೆಲವರ ಜತೆ ಪೋಸ್ ನೀಡಿದ ಗಿಲ್ ಬಳಿಕ ಅಲ್ಲಿಂದ ಹೊರಡಲು ಯತ್ನಿಸಿದ್ದಾರೆ. ಆದರೆ ಅವರನ್ನು ಮುತ್ತಿಕೊಂಡ ಅಭಿಮಾನಿಗಳು ಸೆಲ್ಫಿಗಾಗಿ ಮುಗಿಬಿದ್ದಿದ್ದಾರೆ. ಇದು ಗಿಲ್ಗೆ ಕಿರಿಕಿರಿ ಉಂಟು ಮಾಡಿದೆ. ಕಸಿವಿಸಿಯಿಂದಲೇ ಗಿಲ್ ಅಲ್ಲಿಂದ ತೆರಳಿದ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ವಿಡಿಯೊದಲ್ಲಿ ಇದನ್ನು ಕಾಣಬಹುದು.
ಉತ್ತಮ ಬ್ಯಾಟಿಂಗ್ ಫಾರ್ಮ್ನಲ್ಲಿರುವ ಗಿಲ್ ವಿಂಡೀಸ್ ವಿರುದ್ಧ ಟೆಸ್ಟ್ ಮತ್ತು ಏಕದಿನ ಸರಣಿಗೆ ಸಿದ್ಧತೆ ನಡೆಸುತ್ತಿದ್ದಾರೆ. ಈ ಬಾರಿ ಐಪಿಎಲ್ನಲ್ಲಿಯೂ ಶ್ರೇಷ್ಠ ಪ್ರದರ್ಶನ ತೋರುವ ಮೂಲಕ ಅವರು ಅನೇಕ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದಿದ್ದರು. ಈ ಬಾರಿ ಐಪಿಎಲ್ನಲ್ಲಿ ಅವರು ಆಡಿದ 17 ಇನಿಂಗ್ಸ್‌ಗಳಲ್ಲಿ ಒಟ್ಟು 890 ರನ್ ಗಳಿಸಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು.
ಸಾಮಾಜಿಕ ಮಾಧ್ಯದಲ್ಲಿ ಸಕ್ರೀಯರಾಗಿರುವ ಗಿಲ್ ಅವರು ಕೆಲ ಹಾಸ್ಯಮಯ ರೀಲ್ಸ್ಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿರುತ್ತಾರೆ. ಅವರನ್ನು ಸದ್ಯ ಕ್ರಿಕೆಟ್ ಜಗ್ಗತ್ತು ಭವಿಷ್ಯದ ವಿರಾಟ್ ಕೊಹ್ಲಿ ಎಂದು ಬಣ್ಣಿಸಲಾರಂಭಿಸಿದೆ. ಡೇಟಿಂಗ್ ವಿಚಾರದಲ್ಲಿಯೂ ಗಿಲ್ ಆಗಾಗ ಮುನ್ನಲೆಗೆ ಬರುತ್ತಿರುತ್ತಾರೆ. ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಮತ್ತು ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಜತೆ ಡೇಡಿಂಗ್ ವಿಚಾರದಲ್ಲಿ ಗಿಲ್ ಹೆಸರು ಹಲವು ಬಾರಿ ತುಣುಕು ಹಾಕಿಕೊಂಡಿತ್ತು. ಆದರೆ ಗಿಲ್ ಮಾತ್ರ ಇದ್ಯಾವುದಕ್ಕೂ ಡೋಂಟ್ ಕ್ಯಾರ್ ಎನ್ನುತ್ತಾ ತಮ್ಮ ಪಾಡಿಗೆ ತಾವು ಕ್ರಿಕೆಟ್ ಆಡುತ್ತಿದ್ದಾರೆ.
ಇದನ್ನೂ ಓದಿ WTC Final 2023: ವಿವಾದಾತ್ಮಕ ಔಟ್ಗೆ ವ್ಯಂಗ್ಯ ಪ್ರತಿಕ್ರಿಯೆ ನೀಡಿದ ಶುಭಮನ್ ಗಿಲ್
ಇತ್ತೀಚೆಗಷ್ಟೇ ಗಿಲ್ ಅವರು ಆ್ಯನಿಮೇಶನ್ ಸ್ಪೈಡರ್ ಮ್ಯಾನ್ ಚಿತ್ರದ ಹಿಂದಿ ಮತ್ತು ಪಂಜಾಬಿ ಆವೃತ್ತಿಗಳಿಗೆ ಧ್ವನಿ ನೀಡುವ ಮೂಲಕ ಸಿನಿಮಾ ಕ್ಷೇತ್ರಕ್ಕೆ ಎಂಟ್ರಿ ಕೊಟ್ಟಿದ್ದರು. ಜತೆಗೆ ಸಿನಿಮಾವೊಂದಕ್ಕೆ ಕಂಠದಾನ ಮಾಡಿದ ಮೊದಲ ಟೀಮ್ ಇಂಡಿಯಾ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾಗಿದ್ದರು.