ಮುಂಬಯಿ: ಈ ಬಾರಿಯ ಐಪಿಎಲ್ ಟೂರ್ನಿಯಲ್ಲಿ ಒಂದೇ ಓವರ್ನಲ್ಲಿ 5 ಸಿಕ್ಸರ್ ಬಾರಿಸಿ ಎಲ್ಲರ ಮನೆಮಾತಾಗಿದ್ದ ಕೆಕೆಆರ್ ತಂಡದ ರಿಂಕು ಸಿಂಗ್(Rinku Singh) ಇದೀಗ ಕ್ರಿಕೆಟ್ ಹೊರತಾಗಿ ಸುದ್ದಿಯಾಗಿದ್ದಾರೆ. ಟೀಮ್ ಇಂಡಿಯಾದ ಸ್ಟಾರ್ ಕ್ರಿಕೆಟಿಗನ ಸಹೋದರಿಯೊಂದಿಗೆ ಪ್ರೇಮದಲ್ಲಿ ಸಿಲುಕಿದ್ದಾರೆ ಎಂದು ತಿಳಿದುಬಂದಿದೆ. ಇದಕ್ಕೆ ಪೂರಕವೆಂಬಂತೆ ಇನ್ಸ್ಟಾಗ್ರಾಮ್ ಸಂದೇಶವು ಪುಷ್ಟಿ ನೀಡಿದೆ. ಇದು ವೈರಲ್(Viral News) ಆಗಿದೆ.
ಬಿಡುವಿಲ್ಲದ ಐಪಿಎಲ್ ಪಂದ್ಯಗಳ ಬಳಿಕ ರಿಂಕು ಸಿಂಗ್ ಅವರು ರಜಾ ಸಮಯ ಕಳೆಯಲು ಇತ್ತೀಚೆಗೆ ಮಾಲ್ಡೀವ್ಸ್ಗೆ ತೆರಳಿದ್ದರು. ಮಾಲ್ಡಿವ್ಸ್ನ ಪ್ರಮುಖ ಬೀಚ್ಗಳಲ್ಲಿ ಮಜಾ ಮಾಡಿದ ಫೋಟೊಗಳನ್ನು ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಅದರಲ್ಲೂ ಅವರು ಸಿಕ್ಸ್ಪ್ಯಾಕ್ ಪ್ರದರ್ಶಿಸಿದ ಫೋಟೊ ಎಲ್ಲಡೆ ವೈರಲ್ ಆಗಿತ್ತು. ರಿಂಕು ಅವರ ಸಿಕ್ಸ್ ಪ್ಯಾಕ್ ಕಂಡ ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿ ಫೋಟೊಗೆ ಲೈಕ್ ಮಾಡಿದ್ದರು. ಇದೇ ವೇಳೆ ಭಾರತ ಕ್ರಿಕೆಟ್ ತಂಡದಲ್ಲಿ ಮಿಂಚುತ್ತಿರುವ ಯುವ ಆಟಗಾರ ಶುಭಮನ್ ಗಿಲ್(Shubman Gill) ಅವರ ಸಹೋದರಿ ಶಹನೀಲ್ ಗಿಲ್(Shahneel Gill) ಕೂಡ ಈ ಫೋಟೊಗೆ ಲೈಕ್ ಮಾಡುವ ಜತೆಗೆ “ಓ ಹೀರೊ” ಎಂದು ರೊಮ್ಯಾಂಟಿಕ್ ಆಗಿ ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ Viral News: ಶುಭಮನ್ ಗಿಲ್ಗೆ ಪ್ರಪೋಸ್ ಮಾಡಿದ ಯುವತಿ; ಸಾರಾ ತೆಂಡೂಲ್ಕರ್ ರಿಯ್ಯಾಕ್ಷನ್ ಹೇಗಿತ್ತು?
ಸದ್ಯ ಇಬರಿಬ್ಬರ ಮಧ್ಯೆ ಪ್ರೇಮ ಇರುವುದಾಗಿ ನೆಟ್ಟಿಗರು ಅನುಮಾನ ವ್ಯಕ್ತಪಡಿಸಿದ್ದಾರೆ. ಶಹನೀಲ್ ಅವರ ಈ ಕಮೆಂಟ್ಗೆ ಹಲವು ನೆಟ್ಟಿಗರು ರೀಪ್ಲೆ ನೀಡಿದ್ದು ನೀವು ಸಾರಾ ಹಿಂದೆ ಬಿದ್ದಿದ್ದರೇ, ನಿಮ್ಮ ತಂಗಿ ರಿಂಕುಗೆ ಗಾಳ ಹಾಕಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ.
ಈ ಬಾರಿಯ ಐಪಿಎಲ್ನ ಅಂತಿಮ ಲೀಗ್ ಪಂದ್ಯದಲ್ಲಿ ಗುಜರಾತ್ ವಿರುದ್ಧ ಸೋಲು ಕಾಣುವ ಮೂಲಕ ಆರ್ಬಿಸಿ ಲೀಗ್ನಿಂದ ಹೊರಬಿದ್ದಿತ್ತು. ಇದೇ ಪಂದ್ಯದಲ್ಲಿ ಶುಭಮನ್ ಗಿಲ್ ಶತಕ ಬಾರಿಸಿ ಮಿಂಚಿದ್ದರು. ಸಹೋದರನ ಈ ಶತಕವನ್ನು ಸಂಭ್ರಮಿಸಿದ್ದ ಅವರ ಸಹೋದರಿ ಶಹನೀಲ್ ಅವರನ್ನು ವ್ಯಾಪಕವಾಗಿ ಟ್ರೋಲ್ ಮಾಡಲಾಗಿತ್ತು. ಜತೆಗೆ ಅತ್ಯಾಚಾರ ಮತ್ತು ಹಲ್ಲೆ ಬೆದರಿಕೆ ಕೂಡ ಹಾಕಲಾಗಿತ್ತು.