ಜೊಹಾನ್ಸ್ಬರ್ಗ್: ದಕ್ಷಿಣ ಆಫ್ರಿಕಾದ ಮಾಜಿ ಆಟಗಾರ ಇಮ್ರಾನ್ ತಾಹಿರ್(Imran Tahir) ಅವರು ಪ್ರಸಕ್ತ ಸಾಗುತ್ತಿರುವ ಸೌತ್ ಆಫ್ರಿಕಾ ಟಿ20 ಲೀಗ್ನಲ್ಲಿ(SA20 2024) ಅತ್ಯದ್ಭುತ ಕ್ಯಾಚ್ ಹಿಡಿದು ಸುದ್ದಿಯಾಗಿದ್ದಾರೆ. ಅದು ಕೂಡ 44 ವರ್ಷದಲ್ಲಿ. ಈ ಕ್ಯಾಚ್ನ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.
ಪಾರ್ಲ್ ರಾಯಲ್ಸ್ ಮತ್ತು ಜೋಬರ್ಗ್ ಸೂಪರ್ ಕಿಂಗ್ಸ್ ನಡುವಿನ(Paarl Royals vs Joburg Super Kings) ಎಲಿಮಿನೇಟರ್ ಪಂದ್ಯದಲ್ಲಿ ಇಮ್ರಾನ್ ತಾಹಿರ್ ಅವರು ಈ ಸೊಗಸಾದ ಕ್ಯಾಚ್ ಹಿಡಿದು ಗಮನಸೆಳೆದರು. ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಪಾರ್ಲ್ ರಾಯಲ್ಸ್ ತಂಡದ ಅಪಾಯಕಾರಿ ಬ್ಯಾಟರ್ ವ್ಯಾನ್ ಬ್ಯೂರೆನ್ ಅವರು ಮೊದಲ ಎಸೆತವನ್ನೇ ಸಿಕ್ಸರ್ಗೆ ಬಾರಿಸುವ ಪ್ರಯತ್ನ ಮಾಡಿದರು. ಲಾಂಗ್ ಆನ್ನಲ್ಲಿ ಫೀಲ್ಡಿಂಗ್ ನಡೆಸುತ್ತಿದ್ದ ತಾಹಿರ್ ಅವರು ಶರ ವೇಗದಲ್ಲಿ ಓಡಿ, ಜಾರಿ ಬಿದ್ದು ಈ ಕ್ಯಾಚ್ ಪಡೆಯುವಲ್ಲಿ ಯಶಸ್ವಿಯಾದರು.
ಇಮ್ರಾನ್ ತಾಹಿರ್ ಹಿಡಿದ ಈ ಕ್ಯಾಚ್ ಕಂಡು ಒಂದು ಕ್ಷಣ ಪ್ರೇಕ್ಷಕರು ಮತ್ತು ತಂಡದ ಸಹ ಆಟಗಾರರು ದಂಗಾದರು. ಅತ್ತ ಕಾಮೆಂಟ್ರಿ ಮಾಡುತ್ತಿದ್ದವರು ಏರು ಧ್ವನಿಯಲ್ಲಿ ಈ ಕ್ಯಾಚನ್ನು ಸುಂದರವಾಗಿ ವರ್ಣಿಸಿದರು. ಕ್ಯಾಚ್ ಹಿಡಿದ ಬಳಿಕ ಇಮ್ರಾನ್ ಅವರು ಪೋರ್ಚುಗಲ್ ಫುಟ್ಬಾಲ್ ತಾರೆ ಕ್ರಿಸ್ಟಿಯಾನೋ ರೊನಾಲ್ಡೊ ಅವರ ಸಿಗ್ನೇಚರ್ ಶೈಲಿಯ ಸಂಭ್ರಮಾಚರಣೆಯನ್ನು ಅನುಕರಣೆ ಮಾಡಿದರು. ಟೀಮ್ ಇಂಡಿಯಾ ಪರ ಮೊಹಮ್ಮದ್ ಸಿರಾಜ್ ಕೂಡ ವಿಕೆಟ್ ಪಡೆದ ಬಳಿಕ ರೊನಾಲ್ಡೊ ಶೈಲಿಯಲ್ಲಿ ಸಂಭ್ರಮಿಸುತ್ತಾರೆ.
ಇದನ್ನೂ ಓದಿ Viral Video: ನಾಟೌಟ್ ಆದರೂ ಔಟ್ ನೀಡಿದ ಮಹಿಳಾ ಅಂಪೈರ್; ಆ ಮೇಲೆ ಏನಾಯಿತು?
WHAT A CATCH BY 44-YEAR-OLD TAHIR. 🤯 🔥pic.twitter.com/clIdflTW5j
— Johns. (@CricCrazyJohns) February 7, 2024
ಇಮ್ರಾನ್ ತಾಹಿರ್ ಅವರು ಈ ಪಂದ್ಯದಲ್ಲಿ ಒಟ್ಟು 2 ಕ್ಯಾಚ್ ಮತ್ತು 2 ವಿಕೆಟ್ ಕೂಡ ಪಡೆದು ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಈ ಪಂದ್ಯದಲ್ಲಿ ಜೋಬರ್ಗ್ ಸೂಪರ್ ಕಿಂಗ್ಸ್ 9 ವಿಕೆಟ್ಗಳ ಗೆಲುವು ಸಾಧಿಸಿ ದ್ವಿತೀಯ ಕ್ವಾಲಿಫೈಯರ್ ಹಂತಕ್ಕೇರಿದೆ.
ಇದೇ ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ 39ನೇ ವಯಸ್ಸಲ್ಲೂ ಹಕ್ಕಿಯಂತೆ ಹಾರಿ ಕ್ಯಾಚ್ ಪಡೆದಿದ್ದರು. ಲೀಗ್ ಹಂತದ ಎಂಐ ಕೇಪ್ಟೌನ್ ವಿರುದ್ಧದ ಪಂದ್ಯದಲ್ಲಿ ಅವರು ಈ ಕ್ಯಾಚ್ ಹಿಡಿದಿದ್ದರು. ಬ್ರೆವಿಸ್ ಹೊಡೆದ ಚೆಂಡನ್ನು ಮಿಡ್ ಆಫ್ನಲ್ಲಿ ಫಾಫ್ ಡುಪ್ಲೆಸಿಸ್ ಅದ್ಭುತ ಡೈವಿಂಗ್ ಮೂಲಕ ಒಂದೇ ಕೈಯಲ್ಲಿ ಕ್ಯಾಚ್ ಪಡೆದಿದ್ದರು. ಕಾಮೆಂಟ್ರಿ ಮಾಡುತ್ತಿದ್ದವರು ವಾಹ್……. ನಿಜಕ್ಕೂ ನಂಬಲಸಾಧ್ಯ… ಅದ್ಭುತ ಕ್ಯಾಚ್ ಎಂದು ವರ್ಣಿಸಿದ್ದರು.
Hey @Betway_za, doesn't that @faf1307 catch deserve a share of the #Betway Catch 2 Million? 🤔#SA20 #WelcomeToIncredible #JSKvMICT pic.twitter.com/bVSd7TbHUx
— Betway SA20 (@SA20_League) January 13, 2024