ನವದೆಹಲಿ: ಕಾಲ್ಚಳಕದಿಂದಲೇ ಬೆರಗು ಮೂಡಿಸಿ ವಿಶ್ವದ ಮೂಲೆ ಮೂಲೆಗಳಲ್ಲೂ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿರುವ ಕ್ರಿಸ್ಟಿಯಾನೋ ರೊನಾಲ್ಡೊ(Cristiano Ronaldo) ಆಟ ನೋಡಲು ಜನ ಮುಗಿ ಬೀಳುತ್ತಾರೆ, ಅದರಲ್ಲೂ ಅವರನ್ನು ಭೇಟಿ ಮಾಡಲು ಅವರ ಅಭಿಮಾನಿಗಳು ತುದಿಗಾಲಿನಲ್ಲಿ ನಿಲ್ಲುತ್ತಾರೆ. ಇದೀಗ ಅವರ ಅಪ್ಪಟ ಅಭಿಮಾನಿಯಾಗಿರುವ ಸ್ಟಾರ್ ಯೂಟ್ಯೂಬರ್ ಸ್ಪೀಡ್(IShowSpeed) ಎಂಬಾತ ರೊನಾಲ್ಡೊ ಅವರನ್ನು ಕಂಡು ಸಂಭ್ರಮಿಸಿದ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.
ರೊನಾಲ್ಡೊ ಅವರನ್ನು ಭೇಟಿ ಮಾಡುವುದಕ್ಕಾಗಿ ಸ್ಪೀಡ್ ಕ್ರೀಡಾಂಗಣದ ಹೊರಗೆ ಕಾದು ಕಿಳಿತಿದ್ದ. ಇದೇ ವೇಳೆ ಕಾರಿನಲ್ಲಿ ಬಂದ ರೊನಾಲ್ಡೊ ಅವರನ್ನು ಕಂಡ ಆತ ಸಂತಸದ ಅಲೆಯಲ್ಲಿ ಚೀರಾಡುತ್ತ ನೆಲಕ್ಕೆ ಬಾಗಿದ ಆತ “ಓ ಮೈ ಗಾಡ್..ಓ ಮೈ ಗಾಡ್” “ಐ ಲವ್ ಯೂ” ಎಂದು ಕೂಗಲಾರಂಭಿಸಿ ಸೆಲ್ಫಿ ತೆಗೆದುಕೊಂಡರು. ಸಂಭ್ರಮಿಸಿದ ಬಳಿಕ ರೊನಾಲ್ಡೊ ಅವರ ಶೈಲಿಯಲ್ಲೇ ಮೇಲಕ್ಕೆ ಜಿಗಿದು, ತಾನು ನಿಮ್ಮ ಅಪ್ಪಟ ಅಭಿಮಾನಿ, ನಿಮ್ಮ ಹೆಸರನ್ನು ಟ್ಯಾಟು ಹಾಕಿಸಿದ್ದೇನೆ ಎಂದು ತೋರಿಸಿದ್ದಾನೆ. ಈ ವಿಡಿಯೊ ವೈರಲ್ ಆಗಿದೆ.
SPEED FINALLY MEETS RONALDO pic.twitter.com/LBoMmiIcIZ
— george (@StokeyyG2) June 17, 2023
ಇದನ್ನೂ ಓದಿ Saudi Arabia: ರೊನಾಲ್ಡೊ ತಂಡ ಸೇರಲಿದ್ದಾರೆ ಬೆಂಜೆಮಾ, ಮೆಸ್ಸಿ; ವರದಿ
A pitch invader with Cristiano Ronaldo 😭 pic.twitter.com/xpc2GUnkgf
— TC (@totalcristiano) June 17, 2023
ಸ್ಪೀಡ್ ಸಂಭ್ರಮ ಕಂಡು ರೊನಾಲ್ಡೊ ಅವರ ಅಂಗರಕ್ಷಕರು ತುಸು ಆತಂಕಕ್ಕೆ ಒಳಗಾಗಿದ್ದರು ಆದರೂ ಆತನ ಬಯಕೆಯನ್ನು ಈಡೇರಿಸುವ ಸಲುವಾಗಿ ಯಾವುದೇ ನಿರ್ಬಂಧ ವಿಧಿಸಲಿಲ್ಲ. ರೊನಾಲ್ಡೊ ಕೂಡ ಅಭಿಮಾನಿಯನ್ನು ತಬ್ಬಿಕೊಂಡರು. ರೊನಾಲ್ಡೊ ಭೇಟಿ ಬಳಿಕ ಟ್ವಿಟರ್ನಲ್ಲಿ ಪೋಸ್ಟ್ ಹಾಕಿದ ಸ್ಪೀಡ್ “ತಿಂಗಳುಗಳ ಪ್ರಯತ್ನದ ಬಳಿಕ ನನ್ನ ಆರಾಧ್ಯ ದೈವ ಆಟಗಾರನನ್ನು ಭೇಟಿಯಾದೆ” ಎಂದು ಬರೆದುಕೊಂಡಿದ್ದಾರೆ. ಇದಕ್ಕೂ ಮುನ್ನ ಈತ ಒಂದು ಬಾರಿ ಮೈದಾನಕ್ಕೆ ನುಗ್ಗಿ ರೊನಾಲ್ಡೊ ಅವರನ್ನು ಎತ್ತಿಕೊಂಡು ಕಾಲಿಗೆ ನಮಸ್ಕರಿಸಿ ಸಂಭ್ರಮಿಸಿದ್ದ.