ಹೈದರಾಬಾದ್: ಶುಕ್ರವಾರ ನಡೆದ ವಿಶ್ವಕಪ್ನ(icc world cup 2023) 2ನೇ ಪಂದ್ಯದಲ್ಲಿ ಪಾಕಿಸ್ತಾನ ಮತ್ತು ನೆದರ್ಲೆಂಡ್ಸ್‌ ಮುಖಾಮುಖಿಯಾಗಿತ್ತು. ಈ ಪಂದ್ಯದಲ್ಲಿ ಪಾಕಿಸ್ತಾನ 81 ರನ್ಗಳ ಗೆಲುವು ಸಾಧಿಸಿ ಟೂರ್ನಿಯಲ್ಲಿ ಶುಭಾರಂಭ ಕಂಡಿದೆ. ಆದರೆ ಪಾಕ್ ತಂಡದ ನಾಯಕ ಬಾಬರ್ ಅಜಂ(babar azam) ಸಹ ಆಟಗಾರ ಹ್ಯಾರಿಸ್ ರವೂಫ್(Haris Rauf) ಅವರಿಗೆ ಮೈದಾನದಲ್ಲೇ ಕೆನ್ನೆಗೆ ಬಾರಿಸಿದ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.
ಬೌಲಿಂಗ್ ನಡೆಸಲು ಮುಂದಾಗುತ್ತಿದ್ದ ಹ್ಯಾರಿಸ್ ರವೂಫ್ ಅವರನ್ನು ಪಕ್ಕಕ್ಕೆ ಕರೆದು ಬಾಬರ್ ಕೆನ್ನಗೆ ಬಾರಿಸಿದ್ದಾರೆ. ಅಸಲಿಗೆ ಬಾಬರ್ ಯಾವುದೇ ಕೋಪದಿಂದ ರವೂಫ್ ಕೆನ್ನಗೆ ಬಾರಿಸಿದಲ್ಲ. ತಮಾಷೆಯಿಂದ ಹೀಗೆ ಮಾಡಿದ್ದಾರೆ. ಬಾಬರ್ ಕೆನ್ನಗೆ ಬಾರಿಸುತ್ತಿದಂತೆ ರವೂಫ್ ನಗುತ್ತಲೇ ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ. ಉಭಯ ಆಟಗಾರರು ಉತ್ತಮ ಸ್ನೇಹಿತರಾಗಿದ್ದಾರೆ. ಹೀಗಾಗಿ ಮೈದಾನದಲ್ಲಿ ಹಾಗೂ ಮೈದಾನದ ಹೊರಗೂ ಇಂತಹ ಹಲವು ಚೇಷ್ಟೆಗಳನ್ನು ಮಾಡುತ್ತಲೇ ಇರುತ್ತಾರೆ.
— cricbaaz2 (@cricbaaz2) October 6, 2023
ಪರದಾಡಿದ ಬಾಬರ್
ಏಕದಿನ ಕ್ರಿಕೆಟ್ನ ನಂ.1 ಬ್ಯಾಟರ್ ಬಾಬರ್ ಅಜಂ ರನ್ ಗಳಿಸಲು ಸಂಪೂರ್ಣವಾಗಿ ಪರದಾಡಿದರು. 18 ಎಸೆತ ಎದುರಿಸಿ ಗಳಿಸಿದ್ದು ಕೇವಲ 5 ರನ್. ಒಂದು ಬೌಂಡರಿ ಬಾರಿಸಲು ಅವರಿಂದ ಸಾಧ್ಯವಾಗಲಿಲ್ಲ. ಪಂದ್ಯದ ಬಳಿಕ ಮಾತನಾಡಿದ ಬಾಬರ್ ‘ಈ ಪಂದ್ಯದಲ್ಲಿ ನಮ್ಮ ಬೌಲರ್ಗಳ ಪ್ರದರ್ಶನ ನನಗೆ ತೃಪ್ತಿ ತಂದಿದೆ. ನಾವು ಬ್ಯಾಟಿಂಗ್ಲ್ಲಿ ಎಡವಿದ್ದು ನಿಜ. ಆದರೆ, ಮುಂದಿನ ಪಂದ್ಯದಲ್ಲಿ ತಪ್ಪುಗಳನ್ನು ತಿದ್ದಿಕೊಂಡು ಉತ್ತಮ ಆಟವಾಡುವ ವಿಶ್ವಾಸವಿದೆ” ಎಂದರು. ಜತೆಗೆ ಹೈದರಾಬಾದ್ನ ಆತಿಥ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ರಾವುಫ್ಗೆ ಕಣ್ಣು ಹೊಡೆದ ಲೀಡೆ
ಇದೇ ಪಂದ್ಯದಲ್ಲಿ ನೆದರ್ಲೆಂಡ್ಸ್‌ನ ಆಲ್ರೌಂಡರ್ ಬಾಸ್ ಡಿ ಲೀಡೆ(Bas de Leede) ಅವರು ಹ್ಯಾರಿಸ್ ರವೂಫ್ ಎಸೆತಕ್ಕೆ ಸಿಕ್ಸರ್ ಬಾರಿಸಿ ಕಣ್ಣು ಹೊಡೆದ ವಿಡಿಯೊ ವೈರಲ್ ಆಗಿದೆ. ಈ ವಿಡಿಯೊವನ್ನು ಐಸಿಸಿ ತನ್ನ ಅಧಿಕೃತ ಟ್ವಿಟರ್ ಮತ್ತು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದೆ.
ಹ್ಯಾರಿಸ್ ರವೂಫ್ ಅವರು 29ನೇ ಓವರ್‌ನ ನಾಲ್ಕನೇ ಎಸೆತವನ್ನು ಬೌನ್ಸರ್ ಎಸೆದರು. ಕ್ರೀಸ್ನಲ್ಲಿದ್ದ ಬಾಸ್ ಡಿ ಲೀಡೆ ಚೆಂಡನ್ನು ಲೀಲಾಜಾಲವಾಗಿ ಸಿಕ್ಸರ್‌ಗೆ ಬಡಿದಟ್ಟಿದರು. ಸೊಗಸಾದ ಸಿಕ್ಸರ್ ಬಾರಿಸಿದ ಸಂತಸದಲ್ಲಿ ಅವರು ರವೂಫ್ಗೆ ಕಣ್ಣು ಹೊಡೆದು ನಗೆ ಬೀರಿದರು. ಇದೇ ವೇಳೆ ಕಾಮೆಂಟ್ರಿಯಲ್ಲಿದ್ದವರು ‘ಅಬ್ಬಾ ಎಂತದ ಹೊಡೆದ. ನಿಜಕ್ಕೂ ಅದ್ಭುತ ಸಿಕ್ಸರ್’ ಎಂದು ಬಣ್ಣಿಸಿದರು. ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಆಲ್ರೌಂಡರ್ ಪ್ರದರ್ಶನ ತೋರಿದ ಬಾಸ್ ಡಿ ಲೀಡೆ 6 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಿಂದ 67 ರನ್ ಬಾರಿಸಿದರು. ಬೌಲಿಂಗ್ನಲ್ಲಿ 9 ಓವರ್ ಎಸೆದು ಕೇವಲ 62 ರನ್ ವೆಚ್ಚದಲ್ಲಿ 4 ವಿಕೆಟ್ ಪಡೆದರು.
ಇದನ್ನೂ ಓದಿ Viral Video: ರವೂಫ್ ಎಸೆತಕ್ಕೆ ಸಿಕ್ಸರ್ ಬಾರಿಸಿ ಕಣ್ಣು ಹೊಡೆದ ಬಾಸ್ ಡಿ ಲೀಡೆ
ಪಂದ್ಯ ಗೆದ್ದ ಪಾಕ್
ಹೈದರಾಬಾದ್ನ “ರಾಜೀವ್‌ ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ”ನಲ್ಲಿ(Rajiv Gandhi International Stadium, Hyderabad) ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಆಹ್ವಾನ ಪಡೆದ ಪಾಕಿಸ್ತಾನ ಬ್ಯಾಟರ್ಗಳು ನೆದರ್ಲೆಂಡ್ಸ್‌ನ ಘಾತಕ ಬಾಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಲು ಪರದಾಡಿ 49 ಓವರ್ಗಳಲ್ಲಿ 286 ರನ್ಗಳಿಗೆ ಸರ್ವಪತನ ಕಂಡಿತು. ಗುರಿ ಬೆನ್ನಟ್ಟಿಕೊಂಡು ಹೋದ ನೆದರ್ಲೆಂಡ್ಸ್‌ ಮಧ್ಯಮ ಕ್ರಮಾಂಕದಲ್ಲಿ ನಾಟಕೀಯ ಕುಸಿತ ಕಂಡು 41 ಓವರ್ಗಳಲ್ಲಿ 205 ರನ್ ಗಳಿಶಲಷ್ಟೇ ಶಕ್ತವಾಯಿತು.