ಹೈದರಾಬಾದ್: ಸನ್ರೈಸರ್ಸ್ ಹೈದರಾಬಾದ್(SRH) ತಂಡದ ನಾಯಕ ಪ್ಯಾಟ್ ಕಮ್ಮಿನ್ಸ್(pat cummins) ಅವರಿಗೆ ಅಭಿಮಾನಿಯೊಬ್ಬ ಆರತಿ ಬೆಳಗಿ ದೇವರಂತೆ ಪೂಜಿಸಿದ್ದಾನೆ. ಇದರ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral video) ಆಗಿದೆ. ಮಂಗಳವಾರ ನಡೆದ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದ ವೇಳೆ ಟಾಸ್ಗೆ ಆಗಮಿಸಿದ ಪ್ಯಾಟ್ ಕಮಿನ್ಸ್ ತಮ್ಮ ತಂಡದ ಯೋಜನೆಯನ್ನು ವಿವರಿಸಿದ್ದಾರೆ. ಇದನ್ನು ಟಿವಿಯಲ್ಲಿ ನೋಡುತ್ತಿದ್ದ ಅಭಿಮಾನಿಯೊಬ್ಬ ಆರತಿ ಬೆಳಗಿ ಪೂಜಿಸಿದ್ದಾನೆ.
ಆಸ್ಟ್ರೇಲಿಯಾದ ವೇಗಿ ಕಮಿನ್ಸ್ ಟೆಸ್ಟ್ ಮತ್ತು ಏಕದಿನ ವಿಶ್ವಕಪ್ ಗೆದ್ದ ನಾಯಕನಾಗಿದ್ದಾರೆ. ಕಳೆದ ಹರಾಜಿನಲ್ಲಿ ಅವರನ್ನು ಫ್ರಾಂಚೈಸಿ 20.5 ಕೋಟಿ ರೂ. ನೀಡಿ ಖರೀದಿ ಮಾಡಿತ್ತು. ಜತೆಗೆ ತಂಡದ ನಾಯನ ಸ್ಥಾನವನ್ನು ನೀಡಿತ್ತು. ಪಂಜಾಬ್ ವಿರುದ್ಧ ಹೈದರಾಬಾದ್ ಗೆಲ್ಲಲಿ ಎನ್ನುವ ಕಾರಣದಿಂದ ಅಭಿಮಾನಿ ತಂಡದ ನಾಯಕ ಕಮಿನ್ಸ್ಗೆ ಆರತಿ ಬೆಳಗಿದ್ದಾನೆ. ಅಭಿಮಾನಿಯ ಇಚ್ಛೆಯಂತೆ ಪಂಜಾಬ್ ವಿರುದ್ಧ ಹೈದರಾಬಾದ್ 2 ರನ್ಗಳ ರೋಚಕ ಗೆಲುವು ಕೂಡ ಕಂಡಿತ್ತು. ಸದ್ಯ ಸನ್ರೈಸರ್ಸ್ 5 ಪಂದ್ಯಗಳನ್ನಾಡಿ ಮೂರು ಪಂದ್ಯ ಗೆದ್ದು 6 ಅಂಕದೊಂದಿಗೆ 5ನೇ ಸ್ಥಾನದಲ್ಲಿದೆ.
Captain Sirr 🧡🧡✨✨
— Underground (@Bharath_SRH4) April 9, 2024
We Love you anna @patcummins30 !!#SRH #OrangeArmy @SunRisers pic.twitter.com/52MgYhJEvT
ಇಲ್ಲಿನ ಮಹಾರಾಜ ಯಾದವೀಂದ್ರ ಸಿಂಗ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಸನ್ ರೈಸರ್ಸ್ ಹೈದರಾಬಾದ್ ತಂಡ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 182 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಂಜಾಬ್ ಕಿಂಗ್ಸ್ ತಂಡ ತನ್ನ ಪಾಲಿನ ಓವರ್ಗಳು ಮುಕ್ತಾಯಗೊಂಡಾಗ 6 ವಿಕೆಟ್ ನಷ್ಟಕ್ಕೆ 180 ರನ್ ಬಾರಿಸಿ ಕೇವಲ 2 ರನ್ಗಳಿಂದ ಸೋಲೊಪ್ಪಿಕೊಂಡಿತು. ಮತ್ತೊಂದು ವಿರೋಚಿತ ಹೋರಾಟ ಸಂಘಟಿಸಿದ ಶಶಾಂಕ್ ಸಿಂಗ್ (46) ಅವರ ಪ್ರಯತ್ನ ವ್ಯರ್ಥಗೊಂಡಿತು.
ಇದನ್ನೂ ಓದಿ IPL 2024: ಆರ್ಸಿಬಿ ಸೋಲಿಗೆ ಮ್ಯಾಕ್ಸ್ವೆಲ್ ಕುಡಿತವೇ ಕಾರಣವಂತೆ!; ದಿನಕ್ಕೆ ಎಷ್ಟು ಪೆಗ್ ಬೇಕು?
A Fantastic Finish 🔥
— IndianPremierLeague (@IPL) April 9, 2024
Plenty happened in this nail-biter of a finish where the two teams battled till the end🤜🤛
Relive 📽️ some of the drama from the final over ft. Jaydev Unadkat, Ashutosh Sharma & Shashank Singh 👌
Watch the match LIVE on @starsportsindia and @JioCinema… pic.twitter.com/NohAD2fdnI
ಸ್ಪರ್ಧಾತ್ಮಕ ಗುರಿಯನ್ನು ಬೆನ್ನಟ್ಟಲು ಹೊರಟ ಪಂಜಾಬ್ ತಂಡಕ್ಕೆ ಉತ್ತಮ ಆರಂಭ ದೊರಕಲಿಲ್ಲ. ಶಿಖರ್ ಧವನ್ 14 ರನ್ಗೆ ಔಟಾದರೆ ಜಾನಿ ಬೈರ್ಸ್ಟೋವ್ ಮತ್ತೆ ಶೂನ್ಯ ಸುತ್ತಿದರು. ಪ್ರಭ್ಸಿಮ್ರಾನ್ ಸಿಂಗ್ 4 ರನ್ಗೆ ವಿಕೆಟ್ ಒಪ್ಪಿಸಿದರು. 20 ರನ್ಗೆ 3 ವಿಕೆಟ್ ಕಳೆದುಕೊಂಡ ಪಂಜಾಬ್ ಬಹುತೇಕ ಸೋಲಿನ ಸುಳಿಗೆ ಸಿಲುಕಿತು. ಬಳಿಕ ಸ್ಯಾಮ್ ಕರ್ರನ್ 29 ರನ್ ಬಾರಿಸಿದರೆ ಸಿಕಂದರ್ ರಾಜಾ 2 ರನ್ ಕೊಡುಗೆ ಕೊಟ್ಟರು. ಮಧ್ಯದಲ್ಲಿ ಜಿತೇಶ್ ಶರ್ಮಾ 19 ರನ್ ಬಾರಿಸಿ ಔಟಾದರು. ಪಂಜಾಬ್ ತಂಡದ ಹಿಂದನ ಪಂದ್ಯದಂತೆಯೇ ಈ ಬಾರಿಯೂ ಶಶಾಂಕ್ ಸಿಂಗ್ (25 ಎಸೆತ 46 ರನ್), ಅಶುತೋಶ್ ಶರ್ಮಾ 15 ಎಸೆತಕ್ಕೆ 33 ರನ್ ಬಾರಿಸಿದರು. ಕೊನೇ ಓವರ್ನಲ್ಲಿ ಪಂಜಾಬ್ ಗೆಲುವಿಗೆ 29 ರನ್ ಬೇಕಾಗಿತ್ತು. ಅಶೋತೋಷ್ ಹಾಗೂ ಶಶಾಂಕ್ ಸೇರಿಕೊಂಡು 26 ರನ್ ಬಾರಿಸಿದರು. ಆದರೆ, ಎರಡು ರನ್ಗಳಿಗೆ ಸೋಲು ಉಂಟಾಯಿತು.