ನವದೆಹಲಿ: ಭಾರತ ಫುಟ್ಬಾಲ್(indian football) ತಂಡದ ನಾಯಕ ಸುನೀಲ್ ಚೆಟ್ರಿ(Sunil Chhetri) ಅವರು ಶೀಘ್ರದಲ್ಲೇ ತಂದೆಯಾಗಲಿದ್ದಾರೆ. ಈ ಸಂತಸದ ವಿಚಾರವನ್ನು ಚೇಟ್ರಿ ಅವರು ಮೈದಾನದಲ್ಲಿ ವಿಶೇಷ ಸಂಭ್ರಮಾಚರಣೆಯ ಮೂಲಕ ಬಹಿರಂಗ ಪಡಿಸಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.
ಸೋಮವಾರ ರಾತ್ರಿ ಇಲ್ಲಿನ ಕಳಿಂಗಾ ಕ್ರೀಡಾಂಗಣದಲ್ಲಿ ನಡೆದ ಇಂಟರ್‌ಕಾಂಟಿನೆಂಟಲ್‌ ಕಪ್‌ ಫುಟ್ಬಾಲ್ ಟೂರ್ನಿಯ ಪಂದ್ಯದಲ್ಲಿ ಭಾರತ ತಂಡ 1-0 ಗೋಲಿನಿಂದ ವನುವಾಟು ತಂಡವನ್ನು ಮಣಿಸಿತು. ಈ ಮೂಲಕ ಟೂರ್ನಿಯಲ್ಲಿ ಭಾರತ ತಂಡ ಸತತ ಎರಡು ಗೆಲುವು ದಾಖಲಿಸಿತು.
ಅತ್ಯಂತ ಜಿದ್ದಾಜಿದ್ದಿನಿಂದ ಸಾಗಿದ ಈ ಪಂದ್ಯದಲ್ಲಿ 81 ನಿಮಿಷದಲ್ಲಿ ತಂಡದ ನಾಯಕ ಸುನೀಲ್ ಚೆಟ್ರಿ ಗಳಿಸಿದ ಗೋಲಿನ ನೆರವಿನಿಂದ ಭಾರತ ಗೆಲುವು ದಾಖಲಿಸಿತು. ಈ ವೇಳೆ ಚೆಟ್ರಿ ಅವರು ಚೆಂಡನ್ನು ತಮ್ಮ ಜೆರ್ಸಿಯ ಒಳಗಡೆ ಹಾಕಿ ಹೊಟ್ಟೆ ಬಂದಂತೆ ಪತ್ನಿಗೆ ಫ್ಲೈಯಿಂಗ್ ಕಿಸ್ ನೀಡಿ ಸಂಭ್ರಮಿಸಿದರು. ಈ ಮೂಲಕ ತಮ್ಮ ಪತ್ನಿ ಸೋನಮ್ ಅವರು ಗರ್ಭಿಣಿಯಾಗಿರುವುದು. ಮತ್ತು ತಾವು ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎನ್ನುವ ವಿಚಾರವನ್ನು ತಿಳಿಸಿದರು.
ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತ್ತಿದ್ದ ಪತ್ನಿ ಸೋನಮ್(Sonam Bhattacharya) ಅವರು ತಮ್ಮ ಗಂಡನ ಈ ಸಂಭ್ರಮವನ್ನು ಕಂಡು ಚಪ್ಪಾಳೆ ತಟ್ಟುತ್ತಾ ನಗು ಬೀರಿದರು. ಈ ದೃಶ್ಯ ಕ್ರೀಡಾಂಗಣದ ಬೃಹತ್‌ ಪರದೆಯಲ್ಲಿ ಮೂಡಿಬಂತು. ಪಂದ್ಯದ ಬಳಿಕ ಮಾತನಾಡಿದ ಚೇಟ್ರಿ, ‘ನನ್ನ ಹೆಂಡತಿ ಮತ್ತು ನಾನು ಮಗುವಿನ ನಿರೀಕ್ಷೆಯಲ್ಲಿದ್ದೇವೆ. ನಮ್ಮ ಭವಿಷ್ಯದ ಮಗುವನ್ನು ಈ ರೀತಿ ಘೋಷಿಸಬೇಕೆಂದು ಅವಳು ಬಯಸಿದ್ದಳು. ಅದೃಷ್ಟಕ್ಕೆ ನಾನು ಈ ಪಂದ್ಯದಲ್ಲಿ ಗೋಲು ಬಾರಿಸಿ ಅವಳ ಬಯಕೆಯನ್ನು ಈಡೇರಿಸಿದೆ” ಎಂದು ಹೇಳಿದರು.
ಇದನ್ನೂ ಓದಿ Virushka: ಫಿಟ್ನೆಸ್ ಜಾಗೃತಿ; ಬೆಂಗಳೂರಿನಲ್ಲಿ ಬ್ಯಾಡ್ಮಿಂಟನ್ ಆಡಿದ ವಿರುಷ್ಕಾ ದಂಪತಿ
Captain. Leader. Legend.
— Anunay (@Anunay_Aanand) June 12, 2023
SUNIL CHHETRI!💙🔥@chetrisunil11#HeroIntercontinentalCup #IndianFootball
pic.twitter.com/flagPVV98p
ಈ ಪಂದ್ಯದಲ್ಲಿ ಗೋಲ್ ಬಾರಿಸುವ ಮೂಲಕ ಚೇಟ್ರಿ ಅವರು ಅಂತಾರಾಷ್ಟ್ರೀಯ ಫುಟ್ಬಾಲ್ನಲ್ಲಿ 81ನೇ ಗೋಲು ಪೂರ್ತಿಗೊಳಿಸಿದರು. ಅತಿ ಹೆಚ್ಚು ಅಂತಾರಾಷ್ಟ್ರೀಯ ಗೋಲ್ ದಾಖಲಿಸಿದ ಪಟ್ಟಿಯಲ್ಲಿ ಚೆಟ್ರಿಗೆ ಮೂರನೇ ಸ್ಥಾನ. ಕ್ರಿಸ್ಟಿಯಾನೋ ರೊನಾಲ್ಡೊ ಮತ್ತು ಲಿಯೋನೆಲ್ ಮೆಸ್ಸಿ ಕ್ರಮವಾಗಿ ಮೊದಲೆರಡು ಸ್ಥಾನದಲ್ಲಿದ್ದಾರೆ. ಮೊದಲ ಮಗುವಿನ ನಿರೀಕ್ಷೆಯಲ್ಲಿರುವ ಚೇಟ್ರಿ ಅವರಿಗೆ ಟೀಮ್ ಇಂಟಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಶುಭ ಹಾರೈಸಿದ್ದಾರೆ.