ಕೇಪ್ಟೌನ್: ದಕ್ಷಿಣ ಆಫ್ರಿಕಾ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯವನ್ನು ಗೆಲ್ಲುವ ಮೂಲಕ ಭಾರತ ತಂಡ ಸರಣಿಯನ್ನು ಸಮಬಲಗೊಳಿಸಿದೆ. ಈ ಗೆಲುವನ್ನು ಆಟಗಾರರು ಡ್ರೆಸ್ಸಿಂಗ್ ರೂಮ್ನಲ್ಲಿ ಅಗ್ರೆಸಿವ್ ಆಗಿ ಸಂಭ್ರಮಿಸಿದ್ದಾರೆ. ಅದರಲ್ಲೂ ಯುವ ಆಟಗಾರರಾದ ಯಶಸ್ವಿ ಜೈಸ್ವಾಲ್ ಮತ್ತು ಶುಭಮನ್ ಗಿಲ್ ಕೊಂಚ ಹೆಚ್ಚಿನ ಅಗ್ರೆಸಿವ್ನಿಂದ ಸಂಭ್ರಮಿಸಿದ್ದಾರೆ. ಈ ವಿಡಿಯೊವನ್ನು ಬಿಸಿಸಿಐ ತನ್ನ ಅಧಿಕೃತ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದೆ.
Starting the New Year with a historic Test win at Newlands 👌👌
— BCCI (@BCCI) January 5, 2024
📽️ Relive all the moments here 🔽#TeamIndia | #SAvIND pic.twitter.com/xbpMGBXjxR
ಶ್ರೇಯಸ್ ಅಯ್ಯರ್ ಗೆಲುವಿನ ಬೌಂಡರಿ ಬಾರಿಸುವ ವೇಳೆ ಗ್ಯಾಲರಿಯಲ್ಲಿದ್ದ ಜೈಸ್ವಾಲ್ ಮತ್ತು ಗಿಲ್ ಇದು ಸಿಕ್ಸರ್ ಎಂದು ಹೇಳುತ್ತಾ ಗೆದ್ದ ತಕ್ಷಣ ಜೋರಾಗಿ ಕಿರುಚುವ ಮೂಲಕ ಈ ಗೆಲುವನ್ನು ಸಂಭ್ರಮಿಸಿದ್ದಾರೆ. ಅತ್ತ ಮೈದಾನದಲ್ಲಿದ್ದ ರೋಹಿತ್ ಕೂಡ ಹಿಂದೆಂದು ಕಾಣದ ರೀತಿಯಲ್ಲಿ ಅಗ್ರೆಸಿವ್ ಆಗಿ ಸಂಭ್ರಮಿಸಿದ್ದು ಕಂಡು ಬಂತು. ಕೇಪ್ಟೌನ್ನಲ್ಲಿ ಭಾರತ ಸಾಧಿಸಿದ ಮೊದಲ ಗೆಲುವು ಕೂಡ ಇದಾಗಿತ್ತು. ಹೀಗಾಗಿ ಈ ಐತಿಹಾಸಿಕ ಗೆಲುವನ್ನು ಎಲ್ಲ ಆಟಗಾರರು ಅದ್ಧೂರಿಯಾಗಿ ಸಂಭ್ರಮಿಸಿದ್ದಾರೆ. ಭಾರತ ಆಟಗಾರರ ಗೆಲುವಿನ ಸಂಭ್ರಮದ ಎಲ್ಲ ಮಧುರ ಕ್ಷಣವನ್ನು ಕ್ಯಾಮೆರಾಮೆನ್ ಸೆರೆಹಿಡಿದ್ದಾರೆ. ಈ ದೃಶ್ಯವನ್ನು ಶುಕ್ರವಾರ ಐಸಿಸಿ ತನ್ನ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ.
ಇಲ್ಲಿನ ನ್ಯೂಲ್ಯಾಂಡ್ಸ್ ಮೈದಾನದಲ್ಲಿ ನಡೆದ ಈ ಟೆಸ್ಟ್ ಪಂದ್ಯ ಕೇವಲ ಎರಡನೇ ದಿನಕ್ಕೆ ಮುಕ್ತಾಯ ಕಂಡಿತು. ಗುರುವಾರ ಮೂರು ವಿಕೆಟ್ ನಷ್ಟಕ್ಕೆ 62 ರನ್ ಮತ್ತು 36 ಹಿನ್ನಡೆಯೊಂದಿಗೆ ದಿನದಾಟ ಆರಂಭಿಸಿದ ದಕ್ಷಿಣ ಆಫ್ರಿಕಾ ಐಡೆನ್ ಮಾರ್ಕ್ರಮ್ ಅವರ ಶತಕದ ಸಾಹಸದಿಂದ 176 ರನ್ಗೆ ಆಲೌಟ್ ಆಯಿತು. 79 ರನ್ ಗೆಲುವಿನ ಗುರಿ ಪಡೆದ ಭಾರತ 3 ವಿಕೆಟ್ ನಷ್ಟಕ್ಕೆ 80 ರನ್ ಬಾರಿಸಿ 7 ವಿಕೆಟ್ ಗೆಲುವು ಸಾಧಿಸಿತು. ಈ ಮೂಲಕ ಸರಣಿಯನ್ನು ಡ್ರಾದೊಂದಿಗೆ ಮುಕ್ತಾಯಗೊಳಿಸಿತು. ಮೊದಲ ಪಂದ್ಯದಲ್ಲಿ ಇನಿಂಗ್ಸ್ ಸೋಲಿಗೆ ತುತ್ತಾಗಿತ್ತು.
ಇದನ್ನೂ ಓದಿ IND vs SA Test Match: ವಿಶ್ವ ದಾಖಲೆ ಬರೆದ ಭಾರತ-ದಕ್ಷಿಣ ಆಫ್ರಿಕಾ ಟೆಸ್ಟ್ ಪಂದ್ಯ
ಕೇಪ್ ಟೌನ್ನಲ್ಲಿ ಮೊದಲ ಗೆಲುವು
ಪಂದ್ಯದಲ್ಲಿ 7 ವಿಕೆಟ್ಗಳ ಗೆಲುವು ಸಾಧಿಸಿದ ಭಾರತ ತಂಡ ನೂತನ ದಾಖಲೆಯೊಂದನ್ನು ತನ್ನ ಹೆಸರಿಗೆ ಬರೆದಿದೆ. ಕೇಪ್ ಟೌನ್ನಲ್ಲಿ ಟೆಸ್ಟ್ ಪಂದ್ಯ ಗೆದ್ದ ಏಷ್ಯಾದ ಮೊದಲ ತಂಡ ಎಂಬ ಹಿರಿಮೆಗೆ ಪಾತ್ರವಾಗಿದೆ. ಕೇಪ್ ಟೌನ್ನಲ್ಲಿ ಭಾರತವನ್ನು ಗೆಲ್ಲಿಸಿದ ಮೊದಲ ನಾಯಕ ಎನ್ನುವ ಕೀರ್ತಿಯೂ ರೋಹಿತ್ ಪಾಲಾಗಿದೆ.
𝘼 𝙘𝙧𝙖𝙘𝙠𝙚𝙧 𝙤𝙛 𝙖 𝙬𝙞𝙣! ⚡️ ⚡️#TeamIndia beat South Africa by 7⃣ wickets in the second #SAvIND Test to register their first Test win at Newlands, Cape Town. 👏 👏
— BCCI (@BCCI) January 4, 2024
Scorecard ▶️ https://t.co/PVJRWPfGBE pic.twitter.com/vSMQadKxu8
ದಕ್ಷಿಣ ಆಫ್ರಿಕಾದಲ್ಲಿ ಭಾರತದ ಟೆಸ್ಟ್ ಗೆಲುವು
ಜೊಹಾನ್ಸ್ಬರ್ಗ್ನಲ್ಲಿ 123 ರನ್ ಗೆಲುವು, (2006)
ಡರ್ಬನ್ನಲ್ಲಿ 87 ರನ್ಗಳ ಗೆಲುವು, (2010)
ಜೋಹಾನ್ಸ್ಬರ್ಗ್ನಲ್ಲಿ 63 ರನ್ ಗೆಲುವು, (2018)
ಸೆಂಚುರಿಯನ್ನಲ್ಲಿ 113 ರನ್ ಗೆಲುವು, (2021)
ಕೇಪ್ ಟೌನ್ನಲ್ಲಿ 7 ವಿಕೆಟ್ ಗೆಲುವು, (2024)