ಮೆಲ್ಬೊರ್ನ್: ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಬಿಗ್ ಬ್ಯಾಷ್ ಲೀಗ್ನಲ್ಲಿ (BBL 2024) ಮೂರನೇ ಅಂಪೈರ್ ನೀಡಿದ ತೀರ್ಪೊಂದು ಇದೀಗ ಬಾರಿ ವೈರಲ್ ಆಗಿದೆ. ನಾಟೌಟ್ ಆಗಿದ್ದರೂ ಕೂಡ ಟಿವಿ ಅಂಪೈರ್ ಇದನ್ನು ಔಟ್ ಎಂದು ತೀರ್ಪು ನೀಡಿ ಬಳಿಕ ಫೀಲ್ಡ್ ಅಂಪೈರ್ ಈ ಸಮಸ್ಯೆಯನ್ನು ಬಗೆಹರಿಸಿದ್ದಾರೆ. ಮೂರನೇ ಅಂಪೈರ್ ತೀರ್ಪು ಕಂಡು ಉಭಯ ತಂಡಗಳ ಆಟಗಾರರು ಮೈದಾನದಲ್ಲಿ ಜೋರಾಗಿ ನಕ್ಕಿದ್ದಾರೆ. ಈ ವಿಡಿಯೊ ವೈರಲ್(Viral Video) ಆಗಿದೆ.
ಮೆಲ್ಬೋರ್ನ್ ಸ್ಟಾರ್ಸ್ ಮತ್ತು ಸಿಡ್ನಿ ಸಿಕ್ಸರ್ಸ್ ಪಂದ್ಯದ ವೇಳೆ ಈ ಘಟನೆ ನಡೆದಿದೆ. ಇಮಾದ್ ವಾಸಿಂ ಎಸೆದ ಮೂರನೇ ಓವರ್ನ 4ನೇ ಎಸೆತದಲ್ಲಿ ಸಿಡ್ನಿ ಸಿಕ್ಸರ್ಸ್ ತಂಡದ ಬ್ಯಾಟರ್ ಜೇಮ್ಸ್ ವಿನ್ಸ್ ನೇರವಾಗಿ ಬ್ಯಾಟ್ ಬೀಸಿದರು. ಈ ವೇಳೆ ಚೆಂಡು ವಾಸಿಂ ಕೈಗೆ ಬಡಿದು ನೇರವಾಗಿ ವಿಕೆಟ್ಗೆ ತಾಗಿತು. ಮೆಲ್ಬೊರ್ನ್ ಆಟಗಾರರು ಔಟ್ಗಾಗಿ ಮನವಿ ಮಾಡಿದರು. ಫೀಲ್ಡ್ ಅಂಪೈರ್ ಇದನ್ನು ಮೂರನೇ ಅಂಪೈರ್ಗೆ ತೀರ್ಪು ನೀಡುವಂತೆ ಮನವಿ ಸಲ್ಲಿಸಿದರು.
He's pressed the wrong button! 🙈@KFCAustralia #BucketMoment #BBL13 pic.twitter.com/yxY1qfijuQ
— KFC Big Bash League (@BBL) January 6, 2024
ಟಿವಿ ಅಂಪೈರ್ ಇದನ್ನು ಪರೀಕ್ಷಿಸಿದ ವೇಳೆ ನಾನ್ ಸ್ಟ್ರೈಕ್ನಲ್ಲಿದ್ದ ಬ್ಯಾಟರ್ ವಿಕೆಟ್ಗೆ ಚೆಂಡು ಬಡಿಯುವ ಮುನ್ನವೇ ಕ್ರೀಸ್ನಲ್ಲಿರುವು ಸ್ಪಷ್ಟವಾಗಿ ಕಾಣಿಸಿತು. ಇದು ಮೈದಾನದ ದೊಡ್ಡ ಪರೆದೆಯಲ್ಲಿ ಪ್ರಸಾರಗೊಳ್ಳುತ್ತಿತ್ತು. ಅಚ್ಚರಿ ಎಂಬಂತೆ ಇದನ್ನು ಟಿವಿ ಅಂಪೈರ್ ಔಟ್ ಎಂದು ತೀರ್ಪು ನೀಡಿದರು. ಇತ್ತಂಡಗಳ ಆಟಗಾರರು ಕೂಡ ಒಂದು ಕ್ಷಣ ಅಚ್ಚರಿಗೊಂಡರು. ಅರೆ, ಇ್ಉ ಹೇಗೆ ಸಾಧ್ಯ ನಾಟೌಟ್ ಎನ್ನುವುದು ಸ್ಪಷ್ಟವಾಗಿ ಗೋಚರಿಸಿದರೂ ಔಟ್ ಏಕೆ ನೀಡಿದರು ಎಂದು ದಂಗಾದರು. ತಕ್ಷಣ ಎಚ್ಚೆತ್ತುಕೊಂಡ ಫೀಲ್ಡ್ ಅಂಪೈರ್ ಇದು ತಾಂತ್ರಿಕ ಕಾರಣದಿಂದ ಹೀಗಾಗಿದೆ ಕ್ಷಮಿಸಿ ಎಂದು ಹೇಳಿ ನಾಟೌಟ್ ನೀಡಿದರು. ಈ ವೇಳೆ ಆಟಗಾರರು ಜೋರಾಗಿ ನಕ್ಕು ಬಳಿಕ ಪಂದ್ಯ ಮುಂದುವರಿಸಿದರು. ಜೋಶ್ ಫಿಲಿಪ್ ನಾನ್ ಸ್ಟ್ರೈಕ್ನಲ್ಲಿದ್ದ ಆಟಗಾರ.
ಇದನ್ನೂ ಓದಿ ಭಾರತ ವಿರುದ್ಧದ ಟಿ20 ಸರಣಿಗೆ ಆಫ್ಘನ್ ತಂಡ ಪ್ರಕಟ; ತಂಡಕ್ಕೆ ಮರಳಿದ ರಶೀದ್‌ ಖಾನ್‌
ಲಿಫ್ಟ್ನಲ್ಲಿ ಸಿಲುಕಿಕೊಂಡ ಅಂಪೈರ್
ಕೆಲ ದಿನಗಳ ಹಿಂದಷ್ಟೇ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ನಡುವಣ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಅಂಪೈರ್ ಇಲ್ಲಿಂಗ್ ವರ್ತ್ ಲಿಫ್ಟ್ನಲ್ಲಿ ಸಿಲುಕಿಕೊಂಡು ಪಂದ್ಯ ತಡವಾಗಿ ಆರಂಭಗೊಂಡ ಘಟನೆ ನಡೆದಿತ್ತು. ಈ ಘಟನೆಯ ವಿಡಿಯೊ ಕೂಡ ಬಾರಿ ವೈರಲ್ ಆಗಿತ್ತು.
A wild Richard Illingworth appeared! #AUSvPAK pic.twitter.com/7Rsqci4whn
— cricket.com.au (@cricketcomau) December 28, 2023
ಭೋಜನ ವಿರಾಮದ ಬಳಿಕ ಮತ್ತೆ ಕಾರ್ಯ ನಿರ್ವಹಿಸಲು ಮುಂದಾಗಿದ್ದ ಮೂರನೇ ಅಂಪೈರ್ ಇಲ್ಲಿಂಗ್ವರ್ತ್(Richard Illingworth) ಲಿಫ್ಟ್ನಲ್ಲಿ ಸಿಲುಕಿಕೊಂಡರು. ತಾಂತ್ರಿಕ ಕಾರಣದಿಂದಾಗಿ ಲಿಫ್ಟ್ ಕೆಟ್ಟುಹೋಗಿತ್ತು. ತಕ್ಷಣ ಎಚ್ಚೆತ್ತುಕೊಂಡ ಅಧಿಕಾರಿಗಳು ಲಿಫ್ಟ್ ಸರಿಪಡಿಸಿ ಇಲಿಂಗ್‌ವರ್ತ್ ಅವರನ್ನು ಹೊರಬರುವಂತೆ ಮಾಡಿದ್ದಾರೆ. ಲಿಫ್ಟ್ನಿಂದ ಹೊರ ಬಂದ ಬಳಿಕ ಅವರು ನಗುತ್ತಲೇ ಮೈದಾನದತ್ತ ಕೈ ಬೀಸಿ ಪಂದ್ಯ ಆರಂಭಗೊಳಿಸುವಂತೆ ಸೂಚನೆ ನೀಡಿದ್ದರು.