ನವದೆಹಲಿ: ಸಾಮಾಜಿಕ ಜಾಲತಾಣದಲ್ಲಿ ಪತ್ರಿನಿತ್ಯ ಸಾವಿರಾರು ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಆದರೆ ಅವುಗಳಲ್ಲಿ ಕೆಲವೊಂದು ವಿಡಿಯೋಗಳು ವಿಶೇಷ ಕಾರಣದಿಂದಾಗಿ ಜನರ ಗಮನ ಸೆಳೆದುಬಿಡುತ್ತದೆ. ಇದೀಗ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋ(Viral Video) ಕೂಡ ಆ ಸಾಲಿಗೆ ಸೇರಿದೆ.
ಸ್ಥಳೀಯ ಮಟ್ಟದ ಕ್ರಿಕೆಟ್ ಪಂದ್ಯಾಟವೊಂದರಲ್ಲಿ ಅಂಪೈರ್ ನೀಡಿದ ತೀರ್ಪಿನ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬೌಲರ್ ಎಸೆದ ಚೆಂಡು ಬ್ಯಾಟ್ಸ್ಮನ್ ಗೌಸ್ಗೆ ತಾಗಿ ವಿಕೆಟ್ ಕೀಪರ್ ಕೈ ಸೇರುತ್ತದೆ. ಇದೇ ವೇಳೆ ಬೌಲರ್ ಮತ್ತು ವಿಕೆಟ್ ಕೀಪರ್ ಅಂಪೈರ್ ಬಳಿ ಔಟ್ ಎಂದು ಮನವಿ ಮಾಡುತ್ತಾರೆ. ಆದರೆ ಅಂಪೈರ್ ಯಾವುದೇ ಪ್ರತಿಕ್ರಿಯೆ ನೀಡದೆ ಸುಮ್ಮನೆ ನಿಂತು ಬಿಡುತ್ತಾರೆ.
ಅಂಪೈರ್ ಅವರು ಔಟ್ ನೀಡದ ಕಾರಣ ಬೌಲರ್ ಮುಂದಿನ ಎಸೆತ ಎಸೆಯಲು ಮುಂದಾದರು. ಇನ್ನೇನು ಬೌಲಿಂಗ್ ನಡೆಸುವಷ್ಟರಲ್ಲಿ ಅಂಪೈರ್ ಕೈ ಎತ್ತಿ ಔಟ್ ಎಂದು ತೀರ್ಪು ನೀಡಿದರು. ಈ ವಿಡಿಯೊ ಕಂಡ ನೆಟ್ಟಿಗರು ಗೂಗಲ್ ಸರ್ಚ್ ಇಂಜಿನ್ ಬರುವುದಕ್ಕೂ ಮುನ್ನ ಇದ್ದಂತಹ ಮೈಕ್ರೋಸಾಫ್ಟ್ ನ ಇಂಟರ್‌ನೆಟ್‌ ಎಕ್ಸ್‌ಪ್ಲೋರರ್ಗೆ ಅಂಪೈರ್ ಅವರ ತೀರ್ಪನ್ನು ಹೋಲಿಕೆ ಮಾಡಿದ್ದಾರೆ.
ಇದನ್ನೂ ಓದಿ Viral News: ರೈಫಲ್ ಬದಿಗಿಟ್ಟು ಬ್ಯಾಟ್ ಹಿಡಿದ ಭಾರತ-ಚೀನಾ ಸೈನಿಕರು; ವಿಡಿಯೊ ವೈರಲ್
ಮೈಕ್ರೋಸಾಫ್ಟ್ ನ ಇಂಟರ್‌ನೆಟ್‌ ಎಕ್ಸ್ಪ್ಲೋರರ್ ಕೂಡ ನಿಧಾನವಾಗಿ ಕಾರ್ಯನಿರ್ವಹಿಸುತ್ತಿತ್ತು. ಈ ಅಂಪೈರ್ ಕೂಡ ಇದೇ ಕಾಲದವರಾಗಿದ್ದಾರೆ, ಅವರು ಇನ್ನಷ್ಟೇ ಅಪ್ಡೇಟ್ ಆಗ ಬೇಕಿದೆ ಎಂದು ಕೆಲ ನೆಟ್ಟಿಗರು ಹಾಸ್ಯಮಯ ಕಮೆಂಟ್ ಮಾಡಿದ್ದಾರೆ. ಇನ್ನು ಕೆಲ ನೆಟ್ಟಿಗರು ವೆಸ್ಟ್ ಇಂಡೀಸ್ನ ಮಾಜಿ ಅಂಪೈರ್ ಸ್ಟೀವ್ ಬಕ್ನರ್ ವರ್ಷನ್- 2 ಎಂದು ಹೇಳಿದ್ದಾರೆ. ಸ್ಟೀವ್ ಬಕ್ನರ್ ಕೂಡ ತಮ್ಮ ತೀರ್ಪನ್ನು ತಡವಾಗಿ ನೀಡುತ್ತಿದ್ದರು.