ಪುಣೆ: ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ(virat kohli) ಅವರು 8 ವರ್ಷಗಳ ಬಳಿಕ ವಿಶ್ವಕಪ್ ಟೂರ್ನಿಯಲ್ಲಿ ಬೌಲಿಂಗ್ ನಡೆಸಿ ಗಮನಸೆಳೆದಿದ್ದಾರೆ. ಬಾಂಗ್ಲಾ(India vs Bangladesh) ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ಅವರು ಗಾಯಗೊಂಡ ಕಾರಣ ಅವರ ಓವರ್ ಅನ್ನು ಪೂರ್ತಿಗೊಳಿಸುವ ಮೂಲಕ ಈ ಸಾಧನೆ ಮಾಡಿದರು.
2011ರ ವಿಶ್ವಕಪ್ ಫೈನಲ್ನಲ್ಲಿಯೂ ಬೌಲಿಂಗ್
ವಿರಾಟ್ ಕೊಹ್ಲಿ ಅವರು ಏಕದಿನ ವಿಶ್ವಕಪ್ನಲ್ಲಿ ಮೊದಲ ಬಾರಿ ಬೌಲಿಂಗ್ ನಡೆಸಿದ್ದು 2011ರ ವಿಶ್ವಕಪ್ನಲ್ಲಿ. ಆಸ್ಟ್ರೇಲಿಯಾ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಕೊಹ್ಲಿ ಒಂದು ಓವರ್ ಎಸೆದು 6 ರನ್ ನೀಡಿದ್ದರು. ಇದಾದ ಬಳಿಕ ಶ್ರೀಲಂಕಾ ವಿರುದ್ಧ ನಡೆದ ಫೈನಲ್ ಪಂದ್ಯದಲ್ಲಿಯೂ ಒಂದು ಓವರ್ ಎಸೆದಿದ್ದರು. ಇಲ್ಲಿಯೂ 6 ರನ್ ಬಿಟ್ಟುಕೊಟ್ಟಿದ್ದರು. ಕೊನೆಯ ಬಾರಿ ವಿಶ್ವಕಪ್ನಲ್ಲಿ ಕೊಹ್ಲಿ ಬೌಲಿಂಗ್ ನಡೆಸಿದ್ದು 2015ರಲ್ಲಿ ಸಿಡ್ನಿಯಲ್ಲಿ ನಡೆದ ಪಂದ್ಯದಲ್ಲಿ ಆಸೀಸ್ ವಿರುದ್ಧ ಒಂದು ಓವರ್ ಬೌಲಿಂಗ್ ನಡೆಸಿ 7 ರನ್ ಬಿಟ್ಟುಕೊಟ್ಟಿದ್ದರು. ಇದೀಗ 8 ವರ್ಷಗಳ ಬಳಿಕ ಮತ್ತೆ ವಿಶ್ವಕಪ್ನಲ್ಲಿ ಬೌಲಿಂಗ್ ನಡೆಸಿದ್ದಾರೆ. ಆದರೆ ಇಲ್ಲಿ ಮೂರು ಬೌಲ್ ಮಾತ್ರ ಎಸೆದರು.
Just a reminder that Virat Kohli is still the only bowler to take wicket in T20 World Cup knockouts for India in last 8 years
— Aarav (@sigma__male_) October 19, 2023
Most clutch player ever with bat and ball as well#indiavsbangladesh pic.twitter.com/y1gl1Q9dKi
ಕ್ಯಾಚ್ ದಾಖಲೆಯ ಮೇಲೆ ಕಣ್ಣು
ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ(Virat Kohli) ಅವರು ಇಂದು ನಡೆಯುವ ಬಾಂಗ್ಲಾದೇಶ(IND vs BAN) ವಿರುದ್ಧದ ಪಂದ್ಯದಲ್ಲಿ ಜಸ್ಟ್ 2 ಕ್ಯಾಚ್ ಹಿಡಿದರೆ, ವಿಶ್ವಕಪ್ ಟೂರ್ನಿಯಲ್ಲಿ ಅತ್ಯಧಿಕ ಕ್ಯಾಚ್(Most catches in World Cup) ಪಡೆದ ಸಾಧಕರ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆಯಲಿದ್ದಾರೆ.
ವಿರಾಟ್ ಕೊಹ್ಲಿ ಅವರು ಸದ್ಯ 17 ಕ್ಯಾಚ್ ಹಿಡಿದು ನಾಲ್ಕನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ. ಒಂದೊಮ್ಮೆ ಅವರು ಬಾಂಗ್ಲಾ ವಿರುದ್ಧ 2 ಕ್ಯಾಚ್ ಪಡೆದರೆ ಮೂರನೇ ಸ್ಥಾನದಲ್ಲಿರುವ ಲಂಕಾದ ಮಾಜಿ ದಿಗ್ಗಜ ಆಟಗಾರ ಸನತ್ ಜಯಸೂರ್ಯ(Sanath Jayasuriya) ಅವರ ದಾಖಲೆ ಪತನಗೊಳ್ಳಲಿದೆ. ಅವರು 18 ಕ್ಯಾಚ್ ಹಿಡಿದ್ದಾರೆ.
ಇದನ್ನೂ ಓದಿ IND vs BAN: ಕೊಹ್ಲಿಯನ್ನು ಕೆಣಕಿದರೆ ಸೋಲು ಖಚಿತ; ಮುಷ್ಫಿಕರ್‌ ರಹೀಂ
ಬ್ಯಾಟಿಂಗ್ ಶೈಲಿ ಬದಲಿಸುವರೇ ಕೊಹ್ಲಿ?
ರನ್ ಮೆಷಿನ್ ಖ್ಯಾತಿಯ ವಿರಾಟ್ ಕೊಹ್ಲಿ (Virat Kohli) ಅವರು ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ತಮ್ಮ ಬ್ಯಾಟಿಂಗ್ ಶೈಲಿಯನ್ನು ಬದಲಾಯಿಸುವ ಇಚ್ಛೆ ಹೊಂದಿದ್ದಾರೆ ಎಂಬ ಸುಳಿವೊಂದು ಲಭಿಸಿದೆ. ಈ ಪಂದ್ಯದಲ್ಲಿ ಅವರು ಸ್ಫೋಟಕ ಬ್ಯಾಟಿಂಗ್ ಮೂಲಕ ಸಿಕ್ಸರ್ಗಳನ್ನು ಬಾರಿಸುವ ಇರಾದೆಯಲ್ಲಿದ್ದಂತೆ ತೋರುತ್ತಿದೆ. ಇದಕ್ಕೆ ಕಾರಣ, ಅವರು ಎಂದಿನಂತೆ ನೆಟ್ಸ್ನಲ್ಲಿ ಅಭ್ಯಾಸ ನಡೆಸುವ ಬದಲು ಈ ಬಾರಿ ಪವರ್ ಹಿಟ್ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದರು. ಅಬ್ಬರದ ಸಿಕ್ಸರ್ಗಳನ್ನು ಬಾರಿಸುವ ಕಲೆಯನ್ನು ಅಭ್ಯಾಸ ಮಾಡಿದ್ದಾರೆ.
ವಿರಾಟ್ ಕೊಹ್ಲಿ ಸಾಂಪ್ರದಾಯಿಕ ಕ್ರಿಕೆಟ್ ಪ್ರಕಾರಕ್ಕೆ ಒತ್ತು ನೀಡಿ ಸಾಂಪ್ರದಾಯಿಕ ಶಾಟ್ಗಳನ್ನೇ ಹೆಚ್ಚು ಆಡುತ್ತಾರೆ. ಅದ್ಭುತ ಕವರ್ ಡ್ರೈವ್ ಆಗಿರಲಿ ಅಥವಾ ಅದ್ಭುತವಾದ ಸ್ಟ್ರೈಟ್ ಡ್ರೈವ್ ಆಗಿರಲಿ, ಕೊಹ್ಲಿ ತಮ್ಮ ಶಾಟ್ಗಳನ್ನು ನೆಲದ ಮೇಲೆ ಹೊಡೆಯಲು ಆದ್ಯತೆ ನೀಡುತ್ತಾರೆ. ಆದಾಗ್ಯೂ, ಭಾರತದ ತರಬೇತಿ ಅಧಿವೇಶನದಲ್ಲಿ ವಿಭಿನ್ನ ಪ್ರದರ್ಶನವನ್ನು ನೀಡಿದ್ದಾರೆ. ಅವರು ನಿಜವಾಗಿಯೂ ಬ್ಯಾಟಿಂಗ್ ಶೈಲಿಯನ್ನು ಬದಲಾಯಿಸಿದ್ದಾರೇ? ಎಂಬುದು ಇಂದಿನ ಪಂದ್ಯದಲ್ಲಿ ತಿಳಿದುಬರಲಿದೆ.