ಜೊಹಾನ್ಸ್ಬರ್ಗ್: ದಕ್ಷಿಣ ಆಫ್ರಿಕಾ ವಿರುದ್ಧ ಸಾಗುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿಯ ಮ್ಯಾಜಿಕ್ ಒಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸುದ್ದು ಮಾಡುತ್ತಿದೆ. ಭಾರತ ನೀಡಿದ ಮೊತ್ತವನ್ನು ಹರಿಣ ಪಡೆ ಉತ್ತಮವಾಗಿ ಚೇಸಿಂಗ್ ನಡೆಸುತ್ತಿತ್ತು. ಇದೇ ವೇಳೆ ಕೊಹ್ಲಿ ನಾನ್ ಸ್ಟ್ರೇಕ್ನಲ್ಲಿದ್ದ ವಿಕೆಟ್ಗಳ ಎರಡು ಬೇಲ್ಸ್ಗಳನ್ನು ತೆಗೆದಿದ್ದಾರೆ. ಇದಾದ ಎರಡು ಎಸೆತಗಳಲ್ಲಿ ವಿಕೆಟ್ ಬಿದ್ದಿದೆ. ಕೊಹ್ಲಿಯ ಈ ಮ್ಯಾಜಿಕ್ ಕಂಡು ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ.
ದಕ್ಷಿಣ ಆಫ್ರಿಕಾದ ಮೊದಲ ವಿಕೆಟ್ ಕೇವಲ 11 ರನ್ಗೆ ಬಿದ್ದರೂ ಆ ಬಳಿಕ ಡೀನ್ ಎಲ್ಗರ್ ಮತ್ತು ಡಿ ಜೋರ್ಜಿ ಸೇರಿಕೋಂಡು ಉತ್ತಮ ಇನಿಂಗ್ಸ್ ಕಟ್ಟಿದರು. ವಿಕೆಟ್ ಕಳೆದುಕೊಳ್ಳದಂತೆ ಆಡುತ್ತಿದ್ದ ಈ ಜೋಡಿಯನ್ನು ಬೇರ್ಪಡಿಸಲು ಟೀಮ್ ಇಂಡಿಯಾದ ಬೌಲರ್ಗಳು ಹರ ಸಾಹಸ ಪಡುತ್ತಿದ್ದರು. ಇದೇ ವೇಳೆ ಕೊಹ್ಲಿ ನಾನ್ ಸ್ಟ್ರೇಕ್ನಲ್ಲಿದ್ದ ವಿಕೆಟ್ಗಳ ಎರಡು ಬೇಲ್ಸ್ಗಳನ್ನು ತೆಗೆದು ಮತ್ತೆ ಅದೇ ರೀತಿ ಜೋಡಿಸಿದ್ದಾರೆ. ಅಚ್ಚರಿ ಎಂದರೆ ಕೊಹ್ಲಿ ಹೀಗೆ ಮಾಡಿದ ಬಳಿಕ ಮುಂದಿನ 2ನೇ ಎಸೆತದಲ್ಲಿ ಜೊರ್ಜಿ ವಿಕೆಟ್ ಪತನಗೊಂಡಿತು. ಬುಮ್ರಾ ಎಸೆತ ಓವರ್ ಇದಾಗಿತ್ತು.
Two balls before the dismissal of Tony —- Virat Kohli changed the bails other way around and luck came with the wicket by a brilliant ball by Boom. pic.twitter.com/ld2MC92GS7
— Johns. (@CricCrazyJohns) December 27, 2023
ಇದೇ ವರ್ಷ ಆಸ್ಟ್ರೇಲಿಯಾ ವಿರುದ್ಧದ ತವರಿನ ಟೆಸ್ಟ್ ಸರಣಿಯ ವಿದಾಯ ಪಂದ್ಯವನ್ನು ಆಡಿದ್ದ ಸ್ಟವರ್ಟ್ ಬ್ರಾಡ್ ಅವರು ಇದೇ ರೀತಿ ಬೆಲ್ಸ್ ತೆಗೆದು ಮುಂದಿನ ಎಸೆತದಲ್ಲಿ ವಿಕೆಟ್ ಪಡೆದಿದ್ದರು. ಇದೀಗ ಕೊಹ್ಲಿ ಕೂಡ ಸ್ಟವರ್ಟ್ ಬ್ರಾಡ್ ಅವರ ತಂತ್ರವನ್ನೇ ಅನುಸರಿಸಿ ಯಶಸ್ವಿ ಕಂಡಿದ್ದಾರೆ. ಇನ್ನು ಮುಂದೆ ಈ ರೀತಿಯ ನಂಬಿಕೆಯ ತಂತ್ರಗಳು ಕ್ರಿಕೆಟ್ನಲ್ಲಿ ಪದೇಪದೆ ಕಂಡರೂ ಕೂಡ ಅಚ್ಚರಿಯಿಲ್ಲ. ಏಕೆಂದರೆ ಹೀಗೆ ಮಾಡಿದ ಬಳಿಕ ವಿಕೆಟ್ ಕೂಡ ಬೀಳುತ್ತಿದೆ.
every master piece has its copy pic.twitter.com/6SmxWO2cSl
— Sports syncs (@moiz_sports) December 27, 2023
ಸ್ಟುವರ್ಟ್ ಬ್ರಾಡ್ ಅವರು ಒಂದಲ್ಲ ಎಡರು ಬಾಶರಿ ಹೀಗೆ ಮಾಡಿ ವಿಕೆಟ್ ಬೀಳುವಂತೆ ಮಾಡಿದ್ದರು. ಬೇಲ್ಸ್ಗಳನ್ನು ಅದಲು ಬದಲಾಗಿ ಮಾಡಿದರೆ ಮುಂದಿನ ವಿಕೆಟ್ ಬೇಳುತ್ತದೆ ಎನ್ನುವ ನಂಬಿಕೆ ಬೌಲರ್ಗಳದ್ದಾಗಿದೆ. ಬಾಲ್ಯದಲ್ಲಿ ಗಲ್ಲಿಯಲ್ಲಿ ಕ್ರಿಕೆಟ್ ಆಡುವ ವೇಳೆ ನಾವು ಕೂಡ ಕೆಲ ಮೂಡನಂಬಿಕೆಯ ತಂತ್ರಗಳನ್ನು ಪ್ರಯೋಗಿಸಿದ್ದೇವೆ. ಆದರೆ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿಯೂ ಈ ನಂಬಿಕೆ ಇದೆ ಎಂದರೆ ನಿಜಕ್ಕೂ ಅಚ್ಚರಿ ಪಡಲೇಬೇಕು.
