ನವದೆಹಲಿ: ಭಾರತಕ್ಕೆ ಇದೇ ಮೊದಲ ಬಾರಿಗೆ ವಿಶ್ವ ಪ್ರಸಿದ್ಧ ಬೈಕ್ ರೇಸ್ ಮೊಟೊ ಜಿಪಿ (MotoGp) ಕಾಲಿಡಲಿದೆ. ನೊಯ್ಡಾದ ಬುದ್ಧ ಇಂಟರ್ನ್ಯಾಷನಲ್ ಸರ್ಕೀಟ್ನಲ್ಲಿ ಈ ರೇಸ್ ಸೆಪ್ಟೆಂಬರ್22ರಿಂದ 24ರವರೆಗೆ ನಡೆಯಲಿದೆ. ಈ ರೇಸ್ನ ರೋಚಕತೆಯನ್ನು ನೇರವಾಗಿ ವೀಕ್ಷಿಸುವುದು ಭಾರತೀಯ ರೇಸ್ ಪ್ರೇಮಿಗಳ ಕನಸಾಗಿರುತ್ತದೆ. ಆದರೆ, ಇದರ ಟಿಕೆಟ್ ಬೆಲೆಯನ್ನು ಕೇಳಿಸಿಕೊಂಡರೆ ಎಲ್ಲರೂ ಬೆಚ್ಚಿ ಬೀಳುವುದು ಗ್ಯಾರಂಟಿ. ಯಾಕೆಂದರೆ ಈ ರೇಸ್ನ ಅಗ್ಗದ ಟಿಕೆಟ್ ಬೆಲೆ 800 ರೂಪಾಯಿ ಇದ್ದರೆ ದುಬಾರಿ ಟಿಕೆಟ್ ಬೆಲೆ ಸುಮಾರು 1.5 ಲಕ್ಷ ರೂಪಾಯಿ.
ಭಾರತದಲ್ಲಿ ಈ ರೇಸ್ನ ನಿರ್ವಹಣೆಯ ಜವಾಬ್ದಾರಿ ಹೊತ್ತಿರುವ ಫೇರ್ಸ್ಟ್ರೀಟ್ ಸ್ಪೋರ್ಟ್ಸ್ ಇನ್ನು ಕೆಲವೇ ದಿನಗಳಲ್ಲಿ ಟಿಕೆಟ್ ಮಾರಾಟ ಆರಂಭಿಸಲಿದೆ. ಅದಕ್ಕಿಂತ ಮೊದಲು ಟಿಕೆಟ್ಗಳ ಬೆಲೆಯನ್ನು ಪ್ರಕಟಿಸಿದೆ. ಈ ಮಾಹಿತಿಯು ಇದೀಗ ಸಾರ್ವಜನಿಕರಿಗೆ ಲಭ್ಯವಾಗಿದ್ದು ಟಿಕೆಟ್ ಬೆಲೆ ರೇಸ್ ಪ್ರೇಮಿಗಳಿಗೆ ನಿರಾಸೆ ಮೂಡಿಸಬಹುದು ಎನ್ನಲಾಗಿದೆ.
ರೇಸ್ ಅಭಿಮಾನಿಗಳು ವಾರಾಂತ್ಯದಲ್ಲಿ (ಮೂರು ದಿನಗಳು) ಒಂದು ದಿನದ ಟಿಕೆಟ್ ಮತ್ತು ಅಥವಾ ಒಂದು ದಿನದ ಟಿಕೆಟ್ ಎಂದು ಆಯ್ಕೆ ಮಾಡಬಹುದು. ಒಂದು ದಿನ ವಿಕ್ಷಣೆ ಮಾಡುವ ಅಗ್ಗದ ಬೆಲೆಯ ಟಿಕೆಟ್ಗೆ 800 ರೂಪಾಯಿ. ಅತ್ಯಂತ ದುಬಾರಿ ಬೆಲೆಯ ಟಿಕೆಟ್ಗೆ 1.5 ಲಕ್ಷ ರೂಪಾಯಿಗ ನಿಗದಿ ಮಾಡಿದ್ದೇವೆ ಎಂಬುದಾಗಿ ಮೂಲಗಳು ತಿಳಿಸಿವೆ ಎಂದ ಪಿಟಿಐ ವರದಿ ಮಾಡಿದೆ.
ಫಾರ್ಮುಲಾ 1 ಇಂಡಿಯನ್ ಗ್ರಾನ್ ಪ್ರಿ ನಂತರ ಭಾರತದಲ್ಲಿ ನಡೆಯುತ್ತಿರುವ ಅತಿದೊಡ್ಡ ಮೋಟೋ ಸ್ಪೋರ್ಟ್ ಈವೆಂಟ್ ಇದಾಗಿದೆ. 2011ರಲ್ಲಿ ಭಾರತದಲ್ಲಿ ನಡೆದ ಉದ್ಘಾಟನಾ ಆವೃತ್ತಿಯ ಫಾರ್ಮುಲಾ 1 ರೇಸ್ನ ಅಗ್ಗದ ಬೆಲೆಯ ಟಿಕೆಟ್ 1500 ರೂಪಾಯಿಗಳಾಗಿತ್ತು. ಬೇರೆ ದೇಶಗಳ ಮೋಟೊ ಜಿಪಿಯ ಟಿಕೆಟ್ಗೆ ಹೋಲಿಸಿದರೆ ಇದು ಅತ್ಯಂತ ಕಡಿಮೆ ಎಂಬುದಾಗಿಯೂ ಮೂಲಗಳು ತಿಳಿಸಿವೆ.
“ಬೈಕ್ ರೇಸಿಂಗ್ನಲ್ಲಿ ಅತ್ಯಾಸಕ್ತಿ ಹೊಂದಿರುವ ಯಾರಿಗಾದರೂ ಇದು ಸಣ್ಣ ಮೊತ್ತವಾಗಿದೆ. ವಾರಾಂತ್ಯದಲ್ಲಿ ಅಭಿಮಾನಿಗಳನ್ನು ತೊಡಗಿಸಿಕೊಳ್ಳಲು ಸಾಕಷ್ಟು ಚಟುವಟಿಕೆಗಳು ಆಯೋಜಿಸಿಕೊಳ್ಳಲಾಗಿದೆ. ಆಹಾರ ಮತ್ತು ಸಂಗೀತ ಉತ್ಸವಗಳು ಕೂಡ ನಡೆಯಲಿವೆ ಎಂಬುದಾಗಿ ಮೂಲಗಳು ತಿಳಿಸಿವೆ.
ಈ ತಿಂಗಳ ಕೊನೆಯಲ್ಲಿ ಇಟಾಲಿಯನ್ ಮೋಟೋಜಿಪಿ ನಡೆಯಲಿದೆ. ಅದರ ಬೆಲೆಯನ್ನು ಅಧಿಕೃತ ವೆಬ್ಸೈಟ್ನಲ್ಲಿ ಪರಿಶೀಲಿಸಿದರೆ ಅಗ್ಗದ ಟಿಕೆಟ್ ಬೆಲೆ 500 ಯುರೊ. ಇದು ಸರಿಸುಮಾರು 44,000 ರೂಪಾಯಿಗೆ ಸಮ.
ಇದನ್ನೂ ಓದಿ : Viral Video : ಸ್ಟೈಲಿಷ್‌ ಆಗಿ ಬೈಕ್ ರೈಡ್‌ ಹೊರಟ ನಾಯಿ! ಈ ವಿಡಿಯೊಗೆ ಮರುಳಾಗದವರಿಲ್ಲ!
ಬುಕ್ಕಿ ಮೈಶೋ ಭಾರತದಲ್ಲಿ ಮೋಟೋಜಿಪಿ ಟಿಕೆಟ್ ಮಾರಾಟದ ಪಾಲುದಾರಿಕೆ ಪಡೆದುಕೊಂಡಿದೆ ಎಂದು ಗುರುವಾರ ಘೋಷಿಸಲಾಗಿದೆ. ಟಿಕೆಟ್ಗಳು ಶೀಘ್ರದಲ್ಲೇ ಮಾರಾಟಕ್ಕೆ ಬರಲಿವೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಭಾರತದಲ್ಲಿ ನಡೆಯಲಿರುವ ಈ ಬಹುನಿರೀಕ್ಷಿತ ಮೋಟೋಜಿಪಿ ಕಾರ್ಯಕ್ರಮಕ್ಕೆ ಅಧಿಕೃತ ಟಿಕೆಟ್ ಮಾರಾಟ ಪಾಲುದಾರರಾಗಿ ಬುಕ್ ಮೈ ಶೋ ಜತೆಗಿನ ಒಪ್ಪಂದವನ್ನು ಘೋಷಿಸಲು ನಾವು ಸಂತೋಷಪಡುತ್ತೇವೆ. ಈ ಸಹಯೋಗವು ಭಾರತೀಯ ಅಭಿಮಾನಿಗಳಿಗೆ ಸಾಟಿಯಿಲ್ಲದ ರೇಸಿಂಗ್ ಅನುಭವ ನೀಡಲಿದೆ ” ಎಂದು ಫೇರ್ ಸ್ಟ್ರೀಟ್ ಸ್ಪೋರ್ಟ್ಸ್ ಸಿಒಒ ಪುಷ್ಕರ್ ನಾಥ್ ಶ್ರೀವಾಸ್ತವ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.