ಕೋಲ್ಕೊತಾ: ಶುಭ್ಮನ್ ಗಿಲ್ ಪ್ರತಿಭಾವಂತ ಕ್ರಿಕೆಟಿಗ. ಬ್ಯಾಟಿಂಗ್ನಲ್ಲಿ ಯಾವುದೇ ದೌರ್ಬಲ್ಯ ಹೊಂದಿರದ ಆಟಗಾರ. ಹೀಗಾಗಿ ಅವರನ್ನು ಔಟ್ ಮಾಡಬೇಕಾದರೆ ವಿಶೇಷ ಎಸೆತ ಬೇಕಾಗುತ್ತದೆ. ಈ ಮಾತು ಹೌದು ಎಂಬುದನ್ನು ದಕ್ಷಿಣ ಆಫ್ರಿಕಾದ ಸ್ಪಿನ್ನರ್ ಕೇಶವ್ ಮಹಾರಾಜ್ ತೋರಿಸಿಕೊಟ್ಟಿದ್ದಾರೆ. ಭಾರತ ಮತ್ತು ದಕ್ಷಿಣ ಆಫ್ರಿಕಾ ವಿಶ್ವಕಪ್ ಮುಖಾಮುಖಿಯಲ್ಲಿ (ICC World Cup 2023) ಅವರು ಅದನ್ನು ಸಾಧಿಸಿದ್ದಾರೆ. ಅಚ್ಚರಿ ಎಂದರೆ ಕೇಶವ್ ಎಸೆತಕ್ಕೆ ಶುಭ್ಮನ್ ಬೌಲ್ಡ್ ಆಗಿದ್ದು, ಅದನ್ನು ಗುರುತಿಸಲು ಅಂಪೈರ್ಗೂ ಸಾಧ್ಯವಾಗಿರಲಿಲ್ಲ. ಟಿವಿ ಅಂಪೈರ್ ನೆರವು ಪಡೆದು ಔಟ್ ಘೋಷಿಸಲಾಯಿತು.
ಮೂರನೇ ಅಂಪೈರ್ ಚೆಂಡು ಬಡಿದದ್ದು ಎಲ್ಲಿಗೆ ಎಂದು ಪರೀಕ್ಷೆ ಮಾಡಬೇಕಾಯಿತು. ಅಥವಾ ವಿಕೆಟ್ ಕೀಪರ್ನ ಗ್ಲವ್ಸ್ ತಗುಲಿ ಬೇಲ್ಸ್ ಉರುಳಿತೇ ಎಂಬುದನ್ನು ಗಮನಿಸಬೇಕಾಯಿತು. ಅದನ್ನು ಶುಬ್ಮನ್ ಗಿಲ್ 4 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿ ಭಾರತದ ಇನಿಂಗ್ಸ್ ವೇಗವನ್ನು ಹೆಚ್ಚಿಸಿದರು. ರೋಹಿತ್ ಶರ್ಮಾ ಆಕ್ರಮಣ ಶೀಲತೆ ಪ್ರದರ್ಶಿಸಿದರೆ, ಗಿಲ್ ಇನ್ನೊಂದು ತುದಿಯಲ್ಲಿ ರನ್ ಗಳಿಕೆ ಹೆಚ್ಚಿಸಿದರು.
ಕೇಶವ್ ಮಹಾರಾಜ್ ಅವರ ವಿಶೇಷ ಎಸೆತವು ಭಾರತೀಯ ಬ್ಯಾಟರ್ಗಳನ್ನು ಗೊಂದಲಕ್ಕೀಡು ಮಾಡಿತು. 11ನೇ ಓವರ್ನ ಮೂರನೇ ಎಸೆತದಲ್ಲಿ ಮಹಾರಾಜ್ ಪರಿಪೂರ್ಣ ಎಸೆತವನ್ನು ಎಸೆದರು. ನಿಧಾನ ಎಸೆತವು ಕಾಲಿನ ಹೊರಗಿನಿಂದ ವಿಕೆಟ್ಗೆ ಬಡಿಯಿತು.
ಕೊಹ್ಲಿಗೆ ಬಂಗಾರದ ಬ್ಯಾಟ್ ಗಿಫ್ಟ್
35ನೇ ವಸಂತಕ್ಕೆ ಕಾಲಿಟ್ಟ ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ(Virat Kohli) ಅವರಿಗೆ ಬಂಗಾಳ ಕ್ರಿಕೆಟ್‌ ಮಂಡಳಿ ಚಿನ್ನದ ಲೇಪಿತ ಬ್ಯಾಟ್ ಉಡುಗೊರೆ ನೀಡಲು ನಿರ್ಧರಿಸಿದೆ. ಕೋಲ್ಕೊತ್ತಾದ ಪ್ರಸಿದ್ಧ ಈಡನ್ ಗಾರ್ಡನ್ನಲ್ಲಿ ಕೊಹ್ಲಿಯ ಹುಟ್ಟುಹಬ್ಬನ್ನು ಭರ್ಜರಿಯಾಗಿ ಆಚರಿಸಿಲು ಬಂಗಾಳ ಕ್ರಿಕೆಟ್‌ ಮಂಡಳಿ ವ್ಯವಸ್ಥೆಯನ್ನು ಮಾಡಿತ್ತು. ಆದರೆ ಐಸಿಸಿ ನಿಯಮದ ಉಲ್ಲಂಘನೆಯಾಗುವ ನಿಟ್ಟಿನಲ್ಲಿ ದಿಢೀರ್ ರದ್ದುಗೊಳಿಸಿತ್ತು. ವಿರಾಟ್ ಅವರ ಹುಟ್ಟುಹಬ್ಬ ಆಚರಣೆ ರದ್ದುಗೊಂಡ ಬೆನ್ನಲೇ ಏನಾದರೂ ಉಡುಗೊರೆ ನೀಡಲು ನಿರ್ಧರಿಸಿದ ಪಂದ್ಯದ ಆಯೋಜಕರು ಪರ್ಯಾಯ ಮಾರ್ಗ ಕಂಡುಕೊಂಡಿದ್ದು ಚಿನ್ನದ ಲೇಪಿತ ಬ್ಯಾಟ್ ಗಿಫ್ಟ್ ನೀಡಲು ನಿರ್ಧರಿಸಿದೆ.
70 ಸಾವಿರ ಮಾಸ್ಕ್ ವಿತರಣೆ ರದ್ದು
ವಿರಾಟ್ ಕೊಹ್ಲಿಯ ಜನ್ಮದಿನವಾದ ಕಾರಣ ಬಂಗಾಳ ಕ್ರಿಕೆಟ್‌ ಮಂಡಳಿ ವಿನೂತನ ಶೈಲಿಯ ಕಾರ್ಯಕ್ರಮವೊಂದನ್ನು ಆಯೋಜಿಸಿತ್ತು. ಪಂದ್ಯ ನಡೆಯುವ ವೇಳೆ 70 ಸಾವಿರ ಕೊಹ್ಲಿಯ ಫೋಟೊ ಇರುವ ಮಾಸ್ಕ್ಗಳನ್ನು ಅಭಿಮಾನಿಗಳಿಗೆ ಉಚಿತವಾಗಿ ವಿತರಿಸಲು ನಿರ್ಧರಿಸಿತ್ತು. ಆದರೆ ಐಸಿಸಿ ನಿಯಮ ಉಲ್ಲಂಘನೆಯಾಗುವ ನಿಟ್ಟಿನಲ್ಲಿ ಅಂತಿಮ ಕ್ಷಣದಲ್ಲಿ ಈ ಕಾರ್ಯಕ್ರಮವನ್ನು ರದ್ದುಗೊಳಿಸಿತ್ತು.
ಡ್ರೆಸ್ಸಿಂಗ್ ರೂಮ್ನಲ್ಲಿ ಸೆಲೆಬ್ರೇಷನ್
ಐಸಿಸಿ ನಿಯಮ ಉಲ್ಲಂಘನೆಯಾಗುವ ನಿಟ್ಟಿನಲ್ಲಿ ಕೊಹ್ಲಿ ಅವರ ಹುಟ್ಟುಹಬ್ಬವನ್ನು ಕೇವಲ ಡ್ರೆಸ್ಸಿಂಗ್ ರೂಮ್ನಲ್ಲಿ ಮಾತ್ರ ಆಚರಿಸಲು ನಿರ್ಧರಿಸಲಾಗಿದೆ. ಇದೇ ವೇಳೆ ಕೊಹ್ಲಿಗೆ ಬಂಗಾಳ ಕ್ರಿಕೆಟ್‌ ಮಂಡಳಿಯ ವತಿಯಿಂದ ಚಿನ್ನದ ಲೇಪಿತ ಬ್ಯಾಟ್ ಗಿಫ್ಟ್ ನೀಡಲಾಗುವುದು. ಪಂದ್ಯ ಮುಕ್ತಾಯದ ಬಳಿಕ ಈ ಕಾರ್ಯಕ್ರಮ ಇರಲಿದೆ ಎಂದು ಸಿಎಬಿ ಮುಖ್ಯಸ್ಥ ಸ್ನೇಹಶಿಶ್‌ ಗಂಗೂಲಿ ತಿಳಿಸಿದ್ದಾರೆ.