ಪೋರ್ಟ್ ಆಫ್ ಸ್ಪೇನ್: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವೆ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯ 2ನೇ ದಿನ ಭಾವನಾತ್ಮಕ ಕ್ಷಣಕ್ಕೆ ಸಾಕ್ಷಿಯಾಯಿತು. ವಿರಾಟ್ ಕೊಹ್ಲಿಯ(Virat Kohli) ಅಪ್ಪಟ ಅಭಿಮಾನಿಯಾಗಿರುವ ವಿಂಡೀಸ್ ಆಟಗಾರನ ತಾಯಿಯೊಬ್ಬರು ವಿರಾಟ್ ಕೊಹ್ಲಿಯನ್ನು ಪ್ರೀತಿಯಿಂದ ಅಪ್ಪಿಕೊಂಡು ತನ್ನ ಮಗನಂತೆ ಮುದ್ದಾಡಿ ಹಾರೈಸಿದ್ದಾರೆ. ಈ ವಿಡಿಯೊ ವೈರಲ್(viral video) ಆಗಿದೆ.
2ನೇ ದಿನಾದಾಟ ಆರಂಭಕ್ಕೂ ಮುನ್ನ ಭಾರತ ತಂಡದ ಆಟಗಾರರು ಹೊಟೇಲ್ನಿಂದ ಸ್ಟೇಡಿಯಂಗೆ ಬರುವ ಬರುವ ವೇಳೆ ವಿಂಡೀಸ್ ಆಟಗಾರ ಜೋಶುವಾ ಡ ಸಿಲ್ವಾ ಅವರ ತಾಯಿ ವಿರಾಟ್ ಕೊಹ್ಲಿಯನ್ನು ಭೇಟಿ ಮಾಡಿದ್ದಾರೆ ಕೊಹ್ಲಿಯನ್ನು ಅಪ್ಪಿಕೊಂಡು ಸಿಹಿ ಮುತ್ತು ನೀಡಿ ತನ್ನ ಮಗನಂತೆ ಮಮತೆ ತೋರಿದ್ದಾರೆ. ಕೊಹ್ಲಿಯೂ ಕೂಡ ಈ ತಾಯಿ ಪ್ರೀತಿ ಕಂಡು ಸಂತಸಗೊಂಡಿದ್ದಾರೆ. ಕೊಹ್ಲಿಯನ್ನು ಬಿಗಿದಪ್ಪಿದ ಬಳಿಕ ಖುಷಿಯಲ್ಲಿ ಈ ತಾಯಿ ಕಣ್ಣಲ್ಲಿ ಆನಂದಭಾಷ್ಪ ಕಂಡುಬಂದಿತು.
ತಾಯಿ ಕೊಹ್ಲಿಯನ್ನು ಭೇಟಿ ಮಾಡಿದ ದೃಶ್ಯ ಕಂಡು ಪ್ರತಿಕ್ರಿಯೆ ನೀಡಿದ ಜೋಶುವಾ”ತನ್ನ ತಾಯಿ ನನಗೆ ಕರೆ ಮಾಡಿ ಇಂದು ವಿರಾಟ್ ಕೊಹ್ಲಿಯ ಆಟ ನೋಡು ನಾನು ಸ್ಟೇಡಿಯಂಗೆ ಬರುತ್ತೇನೆ ಎಂದಿದ್ದರು. ಆದರೆ ನಾನು ಇದನ್ನು ನಂಬಲಿಲ್ಲ. ಈ ದೃಶ್ಯ ಕಂಡು ನನಗೆ ಅಚ್ಚರಿ ಹಾಗೂ ಸಂತಸಗೊಂಡಿದ್ದೇನೆ. ಕೊಹ್ಲಿಯ ಅಪ್ಪಟ ಅಭಿಮಾನಿಯಾಗಿರುವ ನನ್ನ ತಾಯಿಯ ಆಸೆ ಕೊನೆಗೂ ಈಡೇರಿದೆ” ಎಂದು ಹೇಳಿದರು.
ಇದನ್ನೂ ಓದಿ Ind vs wi : ವಿರಾಟ್ ಕೊಹ್ಲಿ ದಾಖಲೆಯ ಶತಕ, ಭಾರತ 438 ರನ್ಗಳಿಗೆ ಆಲ್ಔಟ್
ವಿರಾಟ್ ಕೊಹ್ಲಿಯನ್ನು ಈ ತಾಯಿ ಅಪ್ಪಿಕೊಂಡ ಬಳಿಕ ಮಾತನಾಡಿ, “ಕೊಹ್ಲಿ ನಿಜಕ್ಕೂ ಓರ್ವ ಅಪ್ರತಿಮ ಆಟಗಾರ ಆತ ನನಗೆ ಎರಡನೇ ಮಗನಂತೆ ಈ ತಾಯಿಯ ಆಶಿರ್ವಾದ ಅವನ ಮೇಲೆ ಸದಾ ಇರುತ್ತದೆ. ಆತ ಕ್ರಿಕೆಟ್ನಲ್ಲಿ ಇನ್ನೂ ಉತ್ತುಂಗಕ್ಕೇರಲಿ” ಎಂದು ಆನಂದಭಾಷ್ಪ ಸುರಿಸುತ್ತಲೇ ಹಾರೈಸಿದರು. ಈ ತಾಯಿಯ ಆಶಿರ್ವಾದದ ಬಳಿಕ ವಿರಾಟ್ ಅವರು 76ನೇ ಶತಕ ಬಾರಿಸಿ ಸಂಭ್ರಮಿಸಿದರು. ಜತೆಗೆ ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆದರು. ವಿಂಡೀಸ್ ಆಟಗಾರನ ತಾಯಿಯ ಆಶಿರ್ವಾದ ಮತ್ತು ಹಾರೈಕೆ ಕೊಹ್ಲಿಗೆ ವರವಾಗಿ ಪರಿಣಮಿಸಿತು.
The moment Joshua Da Silva's mother met Virat Kohli. She hugged and kissed Virat and got emotional. (Vimal Kumar YT).
— Mufaddal Vohra (@mufaddal_vohra) July 22, 2023
– A beautiful moment! pic.twitter.com/Rn011L1ZXc
ಬ್ರಾಡ್ಮನ್ ದಾಖಲೆ ಮುರಿದ ಕೊಹ್ಲಿ
ವಿರಾಟ್ ಕೊಹ್ಲಿ ತಮ್ಮ ವೃತ್ತಿಜೀವನದಲ್ಲಿ 29 ಟೆಸ್ಟ್ ಶತಕಗಳನ್ನು ಬಾರಿಸಿದಂತಾಗಿದ್ದು. ಆಸ್ಟ್ರೇಲಿಯಾದ ಶ್ರೇಷ್ಠ ಬ್ಯಾಟ್ಸ್ಮನ್ ಮತ್ತು ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯುತ್ತಮ ಬ್ಯಾಟರ್ ಆಗಿದ್ದ ಸರ್ ಡೊನಾಲ್ಡ್ ಬ್ರಾಡ್ಮನ್ ಅವರ ಸಾಧನೆಯನ್ನು ಸರಿಗಟ್ಟಿದ್ದಾರೆ. ಇದೀಗ ಅವರು ಸಚಿನ್ ತೆಂಡೂಲ್ಕರ್, ದ್ರಾವಿಡ್ ಮತ್ತು ಸುನಿಲ್ ಗವಾಸ್ಕರ್ ನಂತರದ ಸ್ಥಾನದಲ್ಲಿದ್ದಾರೆ. ಹೆಚ್ಚುವರಿಯಾಗಿ, ಇದು ವೆಸ್ಟ್ ಇಂಡೀಸ್ನಲ್ಲಿ ಅವರ ಎರಡನೇ ಟೆಸ್ಟ್ ಶತಕವಾಗಿದೆ. ಅಲ್ಲದೆ ದೀರ್ಘ ಸ್ವರೂಪದ ಕ್ರಿಕೆಟ್ನಲ್ಲಿ ವಿಂಡೀಸ್ ತಂಡದ ವಿರುದ್ಧ ಒಟ್ಟಾರೆ 3ನೇ ಶತಕವಾಗಿದೆ.