WTC Final 2023: ವಿಶ್ವ ಟೆಸ್ಟ್​ಚಾಂಪಿಯನ್​​ಷಿಪ್​​ ಭಾರತ ಗೆದ್ದರೆ ಸಿಗುವ ಬಹುಮಾನ ಎಷ್ಟು? ಇಲ್ಲಿದೆ ಮಾಹಿತಿ

ದುಬೈ: ಜೂನ್ 7 ರಿಂದ 11 ರವರೆಗೆ ಇಂಗ್ಲೆಂಡ್​​ನ ದಿ ಓವಲ್​ ಸ್ಟೇಡಿಯಮ್​ನಲ್ಲಿ ನಡೆಲಿರುವ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ವಿಶ್ವ ಟೆಸ್ಟ್ ಚಾಂಪಿಯನ್​ಷಿಪ್​ ಫೈನಲ್​ ಪಂದ್ಯದ ವಿಜೇತರು ಹಾಗೂ ರನ್ನರ್ ಅಪ್​​ ತಂಡಕ್ಕೆ ಬಹುಮಾನದ ಮೊತ್ತವನ್ನು ಐಸಿಸಿ ಶುಕ್ರವಾರ ಪ್ರಕಟಿಸಿದೆ. ಟ್ರೋಫಿ ಹಾಗೂ ಬಹುಮಾನ ಜತೆಗೆ ಎರಡೂ ತಂಡಗಳಿಗೆ ಪ್ರಮುಖ ಪ್ರೋತ್ಸಾಹ ಧನವನ್ನೂ ನೀಡುವುದಾಗಿ ಐಸಿಸಿ ಘೋಷಿಸಿದೆ. ಟ್ರೋಫಿ ಗೆದ್ದ ತಂಡಕ್ಕೆ 13,21,86,400 ರೂಪಾಯಿ (16 ಲಕ್ಷ ಡಾಲರ್​) ಹಾಗೂ ರನ್ನರ್​ ಅಪ್​ ತಂಡಕ್ಕೆ 6,60,96,000 ರೂಪಾಯಿ ಬಹುಮಾನ ಲಭಿಸಲಿದೆ. ಹೀಗಾಗಿ ಭಾರತ ತಂಡ ಗೆದ್ದರೆ 13 ಕೋಟಿ ರೂಪಾಯಿ ಬಹುಮಾನ ಪಡೆಯಲಿದ್ದು, ಸೋತರೂ 6.6 ಕೋಟಿ ರೂಪಾಯಿ ಪಡೆದುಕೊಳ್ಳಲಿದೆ.

See more

Prize pot for the ICC World Test Championship 2021-23 cycle revealed 💰

Details 👇https://t.co/ZWN8jrF6LP

— ICC (@ICC) May 26, 2023

ವಿಶ್ವ ಟೆಸ್ಟ್ ಚಾಂಪಿಯನ್​ಷಿಪ್​ನ ಮೊದಲ ಆವೃತ್ತಿಯಲ್ಲಿ ಚಾಂಪಿಯನ್​ ನ್ಯೂಜಿಲ್ಯಾಂಡ್​ ತಂಡ 1.6 ಮಿಲಿಯನ್​ ಡಾಲರ್​ (ಬಹುತೇಕ 13 ಕೋಟಿ ರೂಪಾಯಿ) ಪಡೆದುಕೊಂಡಿತ್ತು. ಹಾಲಿ ಆವೃತ್ತಿಯ ಬಹುಮಾನ ಮೊತ್ತವೂ ಅಷ್ಟೇ ಪ್ರಮಾಣದಲ್ಲಿದ್ದು ಆಟಗಾರರ ಜೇಬಿಗೆ ದೊಡ್ಡ ಮೊತ್ತ ಸೇರಿಕೊಳ್ಳಲಿದೆ. ಅಂತೆಯೇ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್​ಷಿಪ್​ನಲ್ಲಿ ಮೂರನೇ ಸ್ಥಾಣ ಪಡೆದುಕೊಂಡಿರುವ ದಕ್ಷಿಣ ಆಫ್ರಿಕಾ 3,71,79,000 ರೂಪಾಯಿ (450,000 ಡಾಲರ್) ಗಳಿಸಿದೆ.

ಇದನ್ನೂ ಓದಿ : IPL 2023 : ಮೋದಿ ಸ್ಟೇಡಿಯಂ ಬಳಿ ಐಪಿಎಲ್​ ಟಿಕೆಟ್​ಗೆ ನೂಕುನುಗ್ಗಲು, ಕಾಲ್ತುಳಿತ; ಪೊಲೀಸರಿಂದ ಲಾಠಿ ಚಾರ್ಜ್​​

ಆಕ್ರಮಣಕಾರಿ ಆಟದ ಶೈಲಿಯೊಂದಿಗೆ ಎರಡು ವರ್ಷಗಳ ಕಾಲ ನಡೆದ ಟೂರ್ನಿಯಲ್ಲಿ ಕೊನೇ ಹಂತದಲ್ಲಿ ಚೇತರಿಸಿಕೊಂಡು ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿರುವ ಇಂಗ್ಲೆಂಡ್​ ತಂಡಕ್ಕೆ 2,89,17,000 ರೂಪಾಯಿ ಬಹುಮಾನ ಲಭಿಸಿದೆ. ಐದನೇ ಸಾಲಿನಲ್ಲಿರುವ ಲಂಕಾ ತಂಡಕ್ಕೆ 1,65,23,900 ರೂಪಾಯಿ ಬಹುಮಾನ ದೊರಕಿದೆ.

ಹೊಸ ಕಿಟ್​ನಲ್ಲಿ ಆಡಲಿದೆ ಭಾರತ ತಂಡ

ಜೂನ್ 7ರಂದು ಇಂಗ್ಲೆಂಡ್​​ನ ಓವಲ್​ನಲ್ಲಿ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ನ ಫೈನಲ್​ ಪಂದ್ಯ (WTC FInal 2023) ನಡೆಯಲಿದೆ. ಬಲಿಷ್ಠ ಆಸ್ಟ್ರೇಲಿಯಾ ವಿರುದ್ಧ ರೋಹಿತ್​ ಶರ್ಮಾ ನೇತೃತ್ವದ ಟೀಮ್​ ಇಂಡಿಯಾ ಪ್ರಶಸ್ತಿಗಾಗಿ ಸೆಣಸಾಡಲಿದೆ. ಏತನ್ಮಧ್ಯೆ, ಐಪಿಎಲ್​​ನಿಂದ ಹೊರಕ್ಕೆ ಬಿದ್ದಿರುವ ತಂಡಗಳಲ್ಲಿದ್ದ ಟೀಮ್​ ಇಂಡಿಯಾ (Team India) ಆಟಗಾರರು ಈಗಾಗಲೇ ಇಂಗ್ಲೆಂಡ್ ತಲುಪಿ ಅಭ್ಯಾಸ ಆರಂಭಿಸಿದ್ದಾರೆ. ಮೊದಲ ಶಿಬಿರದ ವೇಳೆ ಟೀಮ್​ ಇಂಡಿಯಾ ಆಟಗಾರರು ಬಿಸಿಸಿಐನ ಹೊಸ ಕಿಟ್​ನೊಂದಿಗೆ ಕಾಣಿಸಿಕೊಂಡಿದ್ದಾರೆ. ಅದು ಅಡಿಡಾಸ್​ ಸಂಸ್ಥೆಯ ಕಿಟ್​ ಅಗಿದೆ. ಈ ಚಿತ್ರವನ್ನು ಬಿಸಿಸಿಐ (BCCI) ತನ್ನ ಟ್ವಿಟರ್​ ಖಾತೆಯಲ್ಲಿ ಪ್ರಕಟಿಸಿದೆ.

Unveiling #TeamIndia’s new training kit 💙💙

Also, kickstarting our preparations for the #WTCFinal pic.twitter.com/iULctV8zL6— BCCI (@BCCI) May 25, 2023

ಆಕ್ಷರ್ ಪಟೇಲ್, ಶಾರ್ದೂಲ್ ಠಾಕೂರ್ ಮತ್ತು ಉಮೇಶ್ ಯಾದವ್ ಸೇರಿದಂತೆ ಮೊದಲ ಬ್ಯಾಚ್​​ನ ಭಾರತೀಯ ಕ್ರಿಕೆಟಿಗರು ಹೆಡ್​ ಕೋಚ್ ರಾಹುಲ್ ದ್ರಾವಿಡ್ ನೇತೃತ್ವದ ಭಾರತದ ಸಹಾಯಕ ಸಿಬ್ಬಂದಿಯ ಕಣ್ಗಾವಲಿನಲ್ಲಿ ಡಬ್ಲ್ಯುಟಿಸಿ ಫೈನಲ್​ಗೆ (WTC Final 2023) ಸಿದ್ಧತೆಗಳನ್ನು ಆರಂಭಿಸಿದ್ದಾರೆ. ಐಪಿಎಲ್ 2023 ಮುಗಿದ ಕೂಡಲೇ ನಾಯಕ ರೋಹಿತ್ ಶರ್ಮಾ, ಸ್ಟಾರ್ ಬ್ಯಾಟ್ಸ್​​ಮನ್​ ವಿರಾಟ್ ಕೊಹ್ಲಿ ಮತ್ತು ಇತರ ಕ್ರಿಕೆಟಿಗರು ಇಂಗ್ಲೆಂಡ್​​ಗೆ ಪ್ರವಾಸ ಬೆಳೆಸಲಿದ್ದಾರೆ.