ಬ್ರಿಸ್ಬೇನ್: ಬಲಿಷ್ಠ ಆಸ್ಟ್ರೇಲಿಯಾ(AUS vs WI) ತಂಡಕ್ಕೆ ತವರಿನಲ್ಲೇ ಭಾರೀ ಮುಖಭಂಗವಾಗಿದೆ. ವೆಸ್ಟ್ ಇಂಡೀಸ್ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ(Australia vs West Indies 2nd Test) ಆಘಾತಕಾರಿ ಸೋಲು ಕಂಡಿದೆ. ಬ್ಯಾಟಿಂಗ್ ವೇಳೆ ಕಾಲಿನ ಬೆರಳು ಮುರಿತಕ್ಕೊಳಗಾದ ಶಮರ್ ಜೋಸೆಫ್(Shamar Joseph) ಅವರ ಘಾತಕ ಬೌಲಿಂಗ್ ದಾಳಿಗೆ ಸರ್ವಪತನ ಕಂಡ ಆಸ್ಟ್ರೇಲಿಯಾ 8 ರನ್ಗಳ ಸೋಲಿಗೆ ತುತ್ತಾಯಿತು. 2 ಪಂದ್ಯಗಳ ಟೆಸ್ಟ್ ಸರಣಿ 1-1 ಸಮಬಲದೊಂದಿಗೆ ಡ್ರಾ ಗೊಂಡಿತು.
8 ರನ್ಗಳ ರೋಚಕ ಗೆಲುವು ಸಾಧಿಸಿದ ವೆಸ್ಟ್ ಇಂಡೀಸ್ ಐತಿಹಾಸಿಕ ಗೆಲುವಿನ ಸಾಧನೆ ಮಾಡಿತು. ಇದು ವಿಂಡೀಸ್ಗೆ 27 ವರ್ಷಗಳ ಬಳಿಕ ಆಸ್ಟ್ರೇಲಿಯಾದಲ್ಲಿ ಒಲಿದ ಗೆಲುವುವಾಗಿದೆ. ವೆಸ್ಟ್ ಇಂಡೀಸ್ ಕೊನೆಯ ಬಾರಿ ಆಸ್ಟ್ರೇಲಿಯಾದಲ್ಲಿ ಟೆಸ್ಟ್ ಗೆಲುವು ಕಂಡದ್ದು 1997 ರಲ್ಲಿ. ಇದು ಮಾತ್ರವಲ್ಲದೆ ಹಗಲು-ರಾತ್ರಿ(ಪಿಂಕ್ ಬಾಲ್ ಟೆಸ್ಟ್) ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಸೋಲಿಸಿದ ವಿಶ್ವದ ಮೊದಲ ತಂಡ ಎಂಬ ಹಿರಿಮೆಗೂ ವಿಂಡೀಸ್ ತಂಡ ಪಾತ್ರವಾಗಿದೆ.
It's all over!!!
— cricket.com.au (@cricketcomau) January 28, 2024
Shamar Joseph takes SEVEN #AUSvWI pic.twitter.com/fsGR6cjvkj
60 ರನ್ಗೆ 2 ವಿಕೆಟ್ ಕಳೆದುಕೊಂಡು ನಾಲ್ಕನೇ ದಿನದಾಟ ಆರಂಭಿಸಿದ ಆಸ್ಟ್ರೇಲಿಯಾಕ್ಕೆ ಪಂದ್ಯ ಗೆಲ್ಲಲು 156 ರನ್ಗಳ ಅತ್ಯವಿತ್ತು. ಕೈಯಲ್ಲಿ ಇನ್ನೂ 8 ವಿಕೆಟ್ ಕೂಡ ಇತ್ತು. ಎಲ್ಲರ ನಿರೀಕ್ಷೆ ಕೂಡ ಆಸ್ಟ್ರೇಲಿಯಾ ತಂಡದ ಪರವಾಗಿಯೇ ಇತ್ತು. ಆದರೆ, ಆತ್ಮವಿಶ್ವಾಸ ಕಳೆದುಕೊಳ್ಳದೆ ಆಡಲಿಳಿದ ವಿಂಡೀಸ್ ಆಟಗಾರರು ಉತ್ಕೃಷ್ಟ ಮಟ್ಟದ ಬೌಲಿಂಗ್ ದಾಳಿ ಸಂಘಟಿಸಿ ಆಸೀಸ್ಗೆ ಸೋಲಿನ ಶಾಕ್ ನೀಡುವಲ್ಲಿ ಯಶಸ್ವಿಯಾಗಿತು. 33 ರನ್ ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದ ಸ್ಟೀವನ್ ಸ್ಮಿತ್ ನಾಲ್ಕನೇ ದಿನದಾಟದಲ್ಲಿಯೂ ಏಕಾಂಗಿಯಾಗಿ ಹೋರಾಡಿ ಅಜೇಯ 91 ರನ್ ಬಾರಿಸಿದರು. ಮತ್ತೊಂದು ತುದಿಯಲ್ಲಿ ಅವರಿಗೆ ಯಾರು ಸಾಥ್ ನೀಡಿದ ಕಾರಣ ಸೋಲು ಎದುರಾಯಿತು. 9 ರನ್ ಗಳಿಸಿದ್ದ ಕ್ಯಾಮರೂನ್ ಗ್ರೀನ್ 42 ರನ್ ಗಳಿಸಿ ಔಟಾದರು. ಅಂತಿಮವಾಗಿ ಕಾಂಗರೂ ಪಡೆ 207 ರನ್ ಗಳಿಗೆ ಆಲೌಟಾಗಿ ಸೋಲು ಕಂಡಿತು. ಮೊದಲ ಇನಿಂಗ್ಸ್ನಲ್ಲಿ 311 ರನ್ಗಳಿಸಿದ್ದ ವಿಂಡೀಸ್ ದ್ವಿತೀಯ ಇನಿಂಗ್ಸ್ನಲ್ಲಿ 193ರನ್ ಬಾರಿಸಿತ್ತು.
ಇದನ್ನೂ ಓದಿ IND vs ENG: ಬೆನ್ ಸ್ಟೋಕ್ಸ್ ಕ್ಲೀನ್ ಬೌಲ್ಡ್ ಮಾಡಿ ಕಪಿಲ್ ದೇವ್ ದಾಖಲೆ ಸರಿಗಟ್ಟಿದ ಅಶ್ವಿನ್
Shamar Joseph said "I told my captain that I will bowl till the last wicket falls no matter what happens to my toe". pic.twitter.com/Col1wTPJQI
— Johns. (@CricCrazyJohns) January 28, 2024
ಸೇಡು ತೀರಿಸಿಕೊಂಡ ಶಮರ್ ಜೋಸೆಫ್
ವೆಸ್ಟ್ ಇಂಡೀಸ್‌ನ ಎರಡನೇ ಇನ್ನಿಂಗ್ಸ್‌ನಲ್ಲಿ ಶಮರ್ ಜೋಸೆಫ್ ಬ್ಯಾಟಿಂಗ್ ನಡೆಸುವ ವೇಳೆ ಮಿಚೆಲ್ ಸ್ಟಾರ್ಕ್ ಅವರು ಎಸೆತ ಯಾರ್ಕರ್ ಎಸೆತಕ್ಕೆ ಕಾಲಿನ ಬೆರಳಿಗೆ ಗಾಯ ಮಾಡಿಕೊಂಡಿದ್ದರು. ಗಾಯಗೊಂಡ ಜೋಸೆಫ್ಗೆ ಫಿಸಿಯೋ ಪ್ರಥಮ ಚಿಕಿತ್ಸೆ ನೀಡಿದರೂ ಕೂಡ ಗಾಯ ಗಂಭೀರವಾದ ಪರಿಣಾಮ ಅವರಿಂದ ಎದ್ದು ನಿಲ್ಲಲೂ ಆಗಿರಲಿಲ್ಲ. ಹೀಗಾಗಿ ಅವರು ರಿಟೈರ್ಡ್ ಔಟ್ ಆಗಿ ಕುಂಟುತಾ ಮೈದಾನ ತೊರೆದಿದ್ದರು. ಅವರನ್ನು ಸಹ ಆಟಗಾರರು ಭುಜದ ಬಲದಿಂದ ಮೈದಾನದಿಂದ ಡ್ರೆಸ್ಸಿಂಗ್ ರೂಮ್ಗೆ ಕರೆ ತಂದಿದ್ದರು. ನೋವಿನಿಂದ ನರಳಿದ್ದ ಅವರು ಈ ಸೇಡನ್ನು ಬೌಲಿಂಗ್ ಮೂಲಕ ತೋರ್ಪಡಿಸಿ 7 ವಿಕೆಟ್ ಕಿತ್ತು ಆಸೀಸ್ ಸೊಕ್ಕಡಗಿಸಿದರು.
