ಹಾಂಕಾಂಗ್: ಉದಯೋನ್ಮುಖ ಆಲ್ರೌಂಡರ್ ಹಾಗೂ ಕನ್ನಡತಿ ಶ್ರೇಯಾಂಕಾ ಪಾಟೀಲ್ ಅವರ ಮಾರಕ ಬೌಲಿಂಗ್ ದಾಳಿಗೆ ತತ್ತರಿಸಿದ ಹಾಂಕಾಂಗ್ ತಂಡ ಮಹಿಳೆಯರ ಎಮರ್ಜಿಂಗ್ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತ ವಿರುದ್ಧ 9 ವಿಕೆಟ್ಗಳ ಹೀನಾಯ ಸೋಲಿಗೆ ಒಳಗಾಗಿದೆ. ಬೆಂಗಳೂರು ಮೂಲದ ಶ್ರೇಯಾಂಕ ಪಾಟೀಲ್ ಅವರು ಮಹಿಳೆಯರ ಪ್ರಿಮಿಯರ್ ಲೀಗ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ ಮಿಂಚಿದ್ದರು. ಇದೀಗ ಏಷ್ಯಾ ಕಪ್ನಲ್ಲಿ ಅದ್ವಿತೀಯ ಪ್ರದರ್ಶನ ನೀಡಿರುವ ಅವರು ಕೇವಲ 2 ರನ್ ನೀಡಿ 5 ವಿಕೆಟ್ಗಳನ್ನು ಪಡೆದು ಮಿಂಚಿದ್ದಾರೆ.
ꜱᴜᴘᴇʀ ꜱʜʀᴇʏᴀɴᴋᴀ 🦸
— Royal Challengers Bangalore (@RCBTweets) June 13, 2023
No, that's not the PIN code of your taxi ride, it’s a spectacular spell from our star on the rise @shreyanka_patil! 🤷♀️
📸: ACC Media | BCCI#PlayBold #TeamIndia #WomensEmergingTeamsAsiaCup pic.twitter.com/9JudkvvvtK
ಡಬ್ಲ್ಯುಪಿಎಲ್ನ ಉದ್ಘಾಟನಾ ಆವೃತ್ತಿಯಲ್ಲಿ ಆರ್ಸಿಬಿ ಪರ ಅದ್ಭುತ ಪ್ರದರ್ಶನ ನೀಡಿದ 20 ವರ್ಷದ ಶ್ರೇಯಾಂಕಾ ಹಾಂಕಾಂಗ್ ತಂಡಕ್ಕೆ ಚೇತರಿಕೆಗೆ ಅವಕಾಶ ನೀಡಲೇ ಇಲ್ಲ. ಆ ತಂಡ ಆರಂಭಿಕ ಆಟಗಾರ್ತಿ ಮಾರಿಕೊ ಹಿಲ್ 19 ಎಸೆತಗಳಲ್ಲಿ 14 ರನ್ ಗಳಿಸುವುದರೊಂದಿಗೆ ಹಾಂಕಾಂಗ್ 14 ಓವರ್ಗಳಲ್ಲಿ 34 ರನ್ಗಳಿಗೆ ಆಲೌಟ್ ಆಯಿತು. ಭಾರತದ ಅಂಡರ್-19 ವಿಶ್ವ ಕಪ್ ತಾರೆಗಳಾದ ಎಡಗೈ ಸ್ಪಿನ್ನರ್ ಮನ್ನತ್ ಕಶ್ಯಪ್ (2/2) ಮತ್ತು ಲೆಗ್ ಸ್ಪಿನ್ನರ್ ಪಾರ್ಶವಿ ಚೋಪ್ರಾ (2/12) ಹಾಂಕಾಂಗ್ ತಂಡದ ಬೆನ್ನೆಲುಬು ಮುರಿದ ಇತರ ಆಟಗಾರ್ತಿಯರು. ಇದಕ್ಕೆ ಉತ್ತರವಾಗಿ ಭಾರತ 5.2 ಓವರ್ ಗುರಿ ಮುಟ್ಟಿ ಜಯ ಸಾಧಿಸಿತು. ಗೊಂಗಾಡಿ ತ್ರಿಷಾ ಅಜೇಯ 19 ರನ್ ಗಳಿಸಿದರು.
Complete domination from #TeamIndia! They bowled out Hong Kong for mere 34 runs, with @shreyanka_patil claiming a magnificent 5-wicket haul. Mannat Kashyap, Parshavi Chopra, and Titas Sadhu also chipped in with crucial wickets. Let's keep building on this winning momentum.… pic.twitter.com/q0pcrkR1v6
— Mithali Raj (@M_Raj03) June 13, 2023
ಸಂಕ್ಷಿಪ್ತ ಸ್ಕೋರ್: ಹಾಂಗ್ ಕಾಂಗ್ 14 ಓವರ್ಗಳಲ್ಲಿ 34 (ಶ್ರೇಯಾಂಕಾ ಪಾಟೀಲ್ 2 ರನ್ಗೆ5 ವಿಕೆಟ್).
ಭಾರತ 5.2 ಓವರ್ ಗಳಲ್ಲಿ 1 ವಿಕೆಟ್ ಗೆ 38 (ಜಿ ತ್ರಿಷಾ ಔಟಾಗದೆ 19).
ಇದನ್ನೂ ಓದಿ : Team India : ಕೊಹ್ಲಿ ನಾಯಕತ್ವಕ್ಕೆ ರಾಜೀನಾಮೆ ನೀಡಿದ ಹಿನ್ನೆಲೆ ಬಹಿರಂಗಪಡಿಸಿದ ಸೌರವ್ ಗಂಗೂಲಿ!
ತಮ್ಮ ಅತ್ಯುತ್ತಮ ಸ್ಪೆಲ್ ನಂತರ ಮಾತನಾಡಿದ ಶ್ರೇಯಾಂಕ ಪಾಟೀಲ್, ಬಾಲ್ಯದಿಂದಲೂ ಭಾರತೀಯ ಜೆರ್ಸಿ ಧರಿಸುವ ಕನಸು ಕಾಣುತ್ತಿದ್ದೆ. ಅ ಕನಸು ಕಾಣುವುದನ್ನು ನಿಲ್ಲಿಸುವುದಿಲ್ಲ ಎಂದು ಹೇಳಿದರು. ಇದು ತನಗೆ ಮಹತ್ವದ ಪ್ರದರ್ಶನ ಎಂಬುದಾಗಿಯೂ ಹೇಳಿದರು.
ಭಾರತದ ಜೆರ್ಸಿ ಧರಿಸಿದ್ದಕ್ಕೆ ನಾನು ತುಂಬಾ ಕೃತಜ್ಞನಾಗಿದ್ದೇನೆ. ನಾನು ಚಿಕ್ಕವಳಾಗಿದ್ದನಿಂದಲೇ ಈ ಜರ್ಸಿ ಧರಿಸುವ ಕನಸು ಕಾಣುತ್ತಿದ್ದೆ. ನಾನು ಕನಸು ಕಾಣುವುದನ್ನು ಮುಂದುವರಿಸುತ್ತೇನೆ. ಆರಂಭದಲ್ಲಿದೆ ಸಿಕ್ಕಿರುವ ಅವಕಾಶವನ್ನು ಸಂಪೂರ್ಣವಾಗಿ ಆನಂದಿಸಿದೆ. ಚೊಚ್ಚಲ ಪಂದ್ಯದಲ್ಲಿ ಐದು ವಿಕೆಟ್ಗಳನ್ನು ಪಡೆಯುವುದು ಅದ್ಭುತ ಅನುಭವ” ಎಂದು 20 ವರ್ಷದ ಆಟಗಾರ್ತಿ ಹೇಳಿದ್ದಾರೆ.
ಉದ್ಘಾಟನಾ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಹಿಳಾ (ಆರ್ಸಿಬಿ-ಡಬ್ಲ್ಯೂ) ಪರ ಅತ್ಯುತ್ತಮ ಪ್ರದರ್ಶನ ನೀಡಿದವರಲ್ಲಿ ಪಾಟೀಲ್ ಕೂಡ ಒಬ್ಬರು. ವಿಶೇಷವೆಂದರೆ, ಅವರು ಏಳು ಇನ್ನಿಂಗ್ಸ್ಗಳಲ್ಲಿ 32.00 ಸರಾಸರಿಯಲ್ಲಿ 62 ರನ್ ಮತ್ತು ಆರು ವಿಕೆಟ್ ಪಡೆದಿದ್ದಾರೆ.