ಮುಂಬಯಿ: ಮಹಿಳಾ ಪ್ರೀಮಿಯರ್ ಲೀಗ್ 2024ರ(WPL 2024 Auction) ಮಿನಿ ಹರಾಜಿನಲ್ಲಿ ಅನ್ಕ್ಯಾಪ್ಡ್ ಆಟಗಾರ್ತಿಯರಿಗೆ ಈ ಬಾರಿ ಅದೃಷ್ಟ ಖುಲಾಯಿಸಿದೆ. ಕರ್ನಾಟಕದ 21 ವರ್ಷದ ವೃಂದಾ ದಿನೇಶ್(vrinda dinesh) ಮತ್ತು ಚಂಡೀಗಢ್ನ ಕಶ್ವಿ ಗೌತಮ್(Kashvee Gautam) ಅವರು ಕೋಟಿ ಮೊತ್ತಕ್ಕೆ ಸೇಲ್ ಸೇಲ್ ಆಗಿದ್ದಾರೆ.
ಕರ್ನಾಟಕದ ಯುವ ಬ್ಯಾಟರ್ ಆಗಿರುವ ವೃಂದಾ ದಿನೇಸ್ ಸ್ಫೋಟಕ ಬ್ಯಾಟಿಂಗ್ಗೆ ಹೆಸರುವಾಸಿ. ಸೀನಿಯರ್ ಮಹಿಳಾ ಏಕದಿನ ಟ್ರೋಫಿಯಲ್ಲಿ ಕರ್ನಾಟಕದ ತಂಡವು ಫೈನಲ್ ತಲುಪುವಲ್ಲಿ ವೃಂದಾ ಪ್ರಮುಖ ಪಾತ್ರ ವಹಿಸಿದ್ದರು. 11 ಇನ್ನಿಂಗ್ಸ್‌ ಗಳಲ್ಲಿ 47.70 ರ ಸರಾಸರಿಯಲ್ಲಿ 477 ರನ್ ಗಳಿಸಿದ್ದರು. ವೃಂದಾ ಇತ್ತೀಚೆಗಷ್ಟೇ ಭಾರತ ‘ಎ’ ತಂಡವನ್ನು ಪ್ರತಿನಿಧಿಸಿದ್ದರು.
ವೃಂದಾ ದಿನೇಶ್ ಅವರ ಬ್ಯಾಟಿಂಗ್ ಪ್ರದರ್ಶನ ಕಂಡಿದ್ದ ಕಾರಣ ಎಲ್ಲ 5 ಫ್ರಾಂಚೈಸಿಗಳು ಅವರ ಖರೀದಿಗಾಗಿ ಜಿದ್ದಾಜಿದ್ದಿನ ಪೈಪೋಟಿ ನಡೆಸಿತು. ಅಂತಿಮವಾಗಿ 1.3 ಕೋಟಿ ರೂ.ಗೆ ಯುಪಿ ವಾರಿಯರ್ಸ್ ತಂಡಕ್ಕೆ ಸೇಲ್ ಆದರು. ಆರ್ಸಿಬಿ ಕೂಡ ಇವರ ಖರೀದಿಗೆ ಪ್ರಯತ್ನಪಟ್ಟಿತ್ತಾದರೂ ಹೆಚ್ಚಿನ ಹಣ ಉಳಿಕೆ ಇರದ ಕಾರಣ ಅಸಾಧ್ಯವಾಯಿತು.
Two big stories of the WPL 2024 auction:
— Johns. (@CricCrazyJohns) December 9, 2023
– Kashvee Gautam sold for 2 crore after the base price was 10 Lakhs.
– Vrinda Dinesh sold for 1.3 crore after the base price was 10 Lakhs. pic.twitter.com/MycBkuRbdd
ದಾಖಲೆ ಬರೆದ ಕಶ್ವಿ ಗೌತಮ್
ಆರಂಭಿಕ ಹಂತದಲ್ಲಿ ಕನ್ನಡತಿ ವೃಂದಾ ದಿನೇಶ್ ಅವರು ಡಬ್ಲ್ಯುಪಿಎಲ್ನಲ್ಲಿ ಅತ್ಯಧಿಕ ಮೊತ್ತಕ್ಕೆ ಸೇಲ್ ಆದ ಅನ್ಕ್ಯಾಪ್ಡ್ ಪ್ಲಯರ್ ಎನ್ನುವ ಕೀರ್ತಿಗೆ ಪಾತ್ರವಾದರೂ ಈ ಸಂತಸ ಹಚ್ಚು ಕಾಲ ಉಳಿಯಲಿಲ್ಲ. ಕಶ್ವಿ ಗೌತಮ್ ಅವರು ಬರೋಬ್ಬರಿ 2 ಕೋಟಿ ರೂ. ಪಡೆದು ಈ ದಾಖಲೆಯನ್ನು ತಮ್ಮ ಹಸರಿಗೆ ಬರೆದರು. ಗುಜರಾತ್ ಜೈಂಟ್ಸ್ ತಂಡವು ಕಶ್ವಿ ಗೌತಮ್ ಅವರನ್ನು ಬರೋಬ್ಬರಿ 2 ಕೋಟಿ ರೂ ನೀಡಿ ಹರಾಜಿನಲ್ಲಿ ಖರೀದಿಸಿದೆ.
20ರ ಹರೆಯದ ಕಶ್ವಿ ಅವರು 2020ರಲ್ಲಿ ನಡೆದಿದ್ದ ಅಂಡರ್-19 ಟೂರ್ನಿಯಲ್ಲಿ 10 ವಿಕೆಟ್‌ಗಳನ್ನು ಕಿತ್ತಿದ್ದರು. ಅಲ್ಲದೆ ಹ್ಯಾಟ್ರಿಕ್ ವಿಕೆಟ್ ಕೂಡ ಕಿತ್ತಿದ್ದರು. ಪಂಜಾಬ್‌ನ ಚಂಡೀಗಢ್‌ನಲ್ಲಿ ಜನಿಸಿದ್ದ ಅವರು ದೇಶೀಯ ಕ್ರಿಕೆಟ್‌ನಲ್ಲಿ ಉನ್ನತ ಪ್ರದರ್ಶನಗಳನ್ನು ನೀಡಿದ್ದಾರೆ. ಕಳೆದ ಬಾರಿ ಇವರು ಅನ್ಸೋಲ್ಡ್ ಆಗಿದ್ದರು. ಮುಂಬೈನಲ್ಲಿ ಇತ್ತೀಚೆಗೆ ನಡೆದ ಇಂಗ್ಲೆಂಡ್ ವಿರುದ್ಧದ ಎ ಸರಣಿಯಲ್ಲಿ ಕಶ್ವಿ ಗೌತಮ್ ಭಾಗವಹಿಸಿದ್ದರು. ಅವರು ಭಾರತ ಎ ಪರ ಎರಡು ಪಂದ್ಯಗಳನ್ನು ಆಡಿ ಮೂರು ವಿಕೆಟ್ ಪಡೆದಿದ್ದರು.
ಇದನ್ನೂ ಓದಿ WPL 2024: ಅನ್ಸೋಲ್ಡ್ ಆದ ಕನ್ನಡತಿ ವೇದಾ ಕೃಷ್ಣಮೂರ್ತಿ; 2 ಕೋಟಿ ಪಡೆದ ಅನ್ನಾಬೆಲ್
Story of the day in WPL. ⭐
— Johns. (@CricCrazyJohns) December 9, 2023
Vrinda Dinesh sold to UP Warriorz, she had a base price of 10 Lakhs and then UP got her for 1.3 Crores.
The day to remember in her career. pic.twitter.com/S5aZyPX8al
2 ಕೋಟಿ ಪಡೆದ ಅನ್ನಾಬೆಲ್
ಆಸ್ಟ್ರೇಲಿಯಾ ತಂಡದ ಸ್ಟಾರ್ ಆಲ್ರೌಂಡರ್ ಅನ್ನಾಬೆಲ್ ಸತರ್ಲ್ಯಾಂಡ್ ಅವರು ಸದ್ಯ ಅತ್ಯಧಿಕ ಮೊತ್ತಕ್ಕೆ ಸೇಲ್ ಆದ ಆಟಗಾರ್ತಿಯಾಗಿದ್ದಾರೆ. 5 ಫ್ರಾಂಚೈಸಿಗಳ ತೀವ್ರ ಪೈಪೋಟಿಯಲ್ಲಿ ಕೊನೆಗೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಬರೋಬ್ಬರಿ 2 ಕೋಟಿ ರೂ. ನೀಡಿ ಖರೀದಿಸಿತು. ದಕ್ಷಿಣ ಆಫ್ರಿಕಾ ತಂಡ ಹಿರಿಯ ಮತ್ತು ಅನುಭವಿ ಬೌಲರ್ ಶಬ್ನಿಮ್ ಇಸ್ಮಾಯಿಲ್ ಅವರು 1.20 ಕೋಟಿ ರೂ.ಗೆ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡದ ಪಾಲಾದರು.