ಬೆಂಗಳೂರು: ಈ ಬಾರಿಯ ಡಬ್ಲ್ಯುಪಿಎಲ್(WPL 2024) ಟೂರ್ನಿಯಲ್ಲಿ ಗುಜರಾತ್ ಜೈಂಟ್ಸ್(Gujarat Giants) ತಂಡ ಸೋಲಿನ ಸುಳಿಯಿಂದ ಹೊರಬರುವ ಲಕ್ಷಣ ತೋರುತ್ತಿಲ್ಲ. ಡೆಲ್ಲಿ ಕ್ಯಾಪಿಟಲ್ಸ್(Delhi Capitals) ವಿರುದ್ಧ 25 ರನ್ ಅಂತರದಿಂದ ಪರಾಭವಗೊಂಡು ಸತತ 4ನೇ ಸೋಲಿಗೆ ತುತ್ತಾಗಿದೆ. ಗೆಲುವು ಕಂಡ ಡೆಲ್ಲಿ 6 ಅಂಕದೊಂದಿಗೆ ಅಂಕಪಟ್ಟಿಯಲ್ಲಿ ಮತ್ತೆ ಅಗ್ರಸ್ಥಾನಕ್ಕೇರಿದೆ.
ಇಲ್ಲಿನ ಎಂ. ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಡೆಲ್ಲಿ ಕ್ಯಾಪಿಟಲ್ಸ್ ಸಂಘಟಿತ ಬ್ಯಾಟಿಂಗ್ ನಡೆಸಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 163 ರನ್ ಬಾರಿಸಿತು. ಜವಾಬಿತ್ತ ಗುಜರಾತ್ ಜೈಂಟ್ಸ್ ತನ್ನ ಪಾಲಿನ ಆಟದಲ್ಲಿ 8 ವಿಕೆಟ್ ಕಳೆದುಕೊಂಡು ಕೇವಲ 138 ರನ್ ಮಾತ್ರ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು.
And with that roaring win, @DelhiCapitals move to the 🔝 of the table! 🥳#DC register a 25-run victory 👏👏
— Women's Premier League (WPL) (@wplt20) March 3, 2024
Live 💻📱https://t.co/9MIuaZmvo8#TATAWPL | #GGvDC pic.twitter.com/ohKm3ebwdq
ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಪರ ಅಗ್ರ ಕ್ರಮಾಂಕದ ಮೂವರು ಬಿರುಸಿನ ಬ್ಯಾಟಿಂಗ್ ಮೂಲಕ ರನ್ ರಾಶಿ ಹಾಕಿದರು. ಇವರು ಒಟ್ಟುಗೂಡಿಸಿದ ಮೊತ್ತವನ್ನು ಗಮನಿಸುವಾಗ ಡೆಲ್ಲಿ 200ರ ಗಡಿ ದಾಟಬಹುದು ಎಂದು ನಿರೀಕ್ಷೆ ಮಾಡಲಾಯಿತು. ಆದರೆ ಈ ನಿರೀಕ್ಷೆ ಮತ್ತು ಕುತೂಹಲ ಹೆಚ್ಚು ಹೊತ್ತು ಇರಲಿಲ್ಲ. ಈ ಮೂವರ ವಿಕೆಟ್ ಪತನದ ಬಳಿಕ ಕ್ರೀಸ್ಗಿಳಿದ ಬ್ಯಾಟರ್ಗಳು ಆಕ್ರಮಣಕಾರಿ ಆಟವನ್ನಾಡಲು ಮುಂದಾಗಿ ಬಡಬಡನೆ ವಿಕೆಟ್ ಕಳೆದುಕೊಂಡರು.
ಆರಂಭಿಕ ಹಂತದಲ್ಲಿ ಬೌಲಿಂಗ್ ಹಿಡಿತ ಕಳೆದುಕೊಂಡಿದ್ದ ಗುಜರಾತ್ ತಂಡದ ಬೌಲರ್ಗಳು, ಡೆಲ್ಲಿ ನಾಯಕಿ ಮೆಗ್ ಲ್ಯಾನಿಂಗ್ ಮತ್ತು ಆಲಿಸ್ ಕ್ಯಾಪ್ಸಿ ವಿಕೆಟ್ ಪತನದ ಬಳಿಕ ಸಂಪೂರ್ಣ ಹಿಡಿತ ಸಾಧಿಸಿದರು. ದೊಡ್ಡ ಹೊಡೆತಗಳಿಗೆ ಅವಕಾಶ ನೀಡಲಿಲ್ಲ. ಮೆಗ್ ಲ್ಯಾನಿಂಗ್ 6 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಿಂದ 55 ರನ್ ಬಾರಿಸಿ ಅರ್ಧಶತಕ ಪೂರ್ತಿಗೊಳಿಸಿದರು. ಕ್ಯಾಪ್ಸಿ ಕೇವಲ 17 ಎಸೆತಗಳಿಂದ 27 ರನ್ ಚಚ್ಚಿದರು. ಶಫಾಲಿ ವರ್ಮ ಕೊಡುಗೆ 17 ರನ್. ಅಗ್ರ ಮೂವರ ವಿಕೆಟ್ ಕೂಡ ಮೇಘನಾ ಸಿಂಗ್ ಪಾಲಾಯಿತು. 4 ಓವರ್ ಎಸೆದ ಅವರು ಒಟ್ಟು 37 ರನ್ ವೆಚ್ಚದಲ್ಲಿ 4 ವಿಕೆಟ್ ಉರುಳಿಸಿದರು.
ಮತ್ತೆ ವೈಫಲ್ಯ ಕಂಡ ವೇದಾ
ಚೇಸಿಂಗ್ ನಡೆಸಿದ ಗುಜರಾತ್ ತಂಡಕ್ಕೆ ಅನುಭವಿ ಶಿಖಾ ಪಾಂಡೆ ಮತ್ತು ಜೆಸ್ ಜೊನಾಸೆನ್ ಸೇರಿಕೊಂಡು ಆರಂಭಿಕ ಆಘಾತವಿಕ್ಕಿದರು. ನಾಯಕಿ ಬೆತ್ ಮೂನಿ(12), ಲಾರಾ ವೊಲ್ವಾರ್ಡ್ಟ್(0) ಮತ್ತು ಫೋಬೆ ಲಿಚ್ಫೀಲ್ಡ್(15) ವಿಕೆಟ್ ಕಿತ್ತರು. ತಂಡದ ಮೊತ್ತ 40ರ ಗಡಿ ದಾಡುವ ಮುನ್ನವೇ ಪ್ರಮುಖ 3 ವಿಕೆಟ್ ಕಳೆದುಕೊಂಡ ಗುಜರಾತ್ ಸಂಕಷ್ಟಕ್ಕೆ ಸಿಕಲುಕಿತು. ಕರ್ನಾಟಕದ ವೇದಾ ಕೃಷ್ಣಮೂರ್ತಿ ಅವರು ಈ ಪಂದ್ಯದಲ್ಲಿ ಬ್ಯಾಟಿಂಗ್ ವೈಫಲ್ಯ ಕಂಡರು. ಕಳೆದ 2 ಪಂದ್ಯಗಳಲ್ಲಿ ಒಂದಂಕಿಗೆ ಸೀಮಿತರಾಗಿದ್ದರ ಅವರು ಈ ಪಂದ್ಯದಲ್ಲಿ ಎರಡಂಕಿ ಮೊತ್ತ ದಾಖಲಿಸಿದರು. 2 ಬೌಂಡಿ ಬಾರಿಸಿ 12 ರನ್ಗೆ ವಿಕೆಟ್ ಕೈಚೆಲ್ಲಿದರು. ಮುಂದಿನ ಪಂದ್ಯದಲ್ಲಿ ಅವರಿಗೆ ಅವಕಾಶ ಸಿಗುವುದು ಅನುಮಾನ.
ಇದನ್ನೂ ಓದಿ WPL 2024: ಶ್ರೇಯಾಂಕಾ ಪಾಟೀಲ್ ಅದ್ಭುತ ಫೀಲ್ಡಿಂಗ್ ಕಂಡು ದಂಗಾದ ಆರ್ಸಿಬಿ ಅಭಿಮಾನಿಗಳು
Double Delight for Delhi! ⚡️⚡️
— Women's Premier League (WPL) (@wplt20) March 3, 2024
Jess Jonassen strikes twice in an over 😎#GG end powerplay with 41/3
Live 💻📱https://t.co/9MIuaZmvo8#TATAWPL | #GGvDC pic.twitter.com/ibZXjsTUSq
ಆಶ್ಲೀಗ್ ಗಾರ್ಡನರ್ ಅವರು ಮಧ್ಯಮ ಕ್ರಮಾಂಕದಲ್ಲಿ ಏಕಾಂಗಿ ಹೋರಾಟ ನಡೆಸಿ 5 ಬೌಂಡರಿ ಮತ್ತು ಒಂದು ಸಿಕ್ಸರ್ ಸಿಡಿಸಿ 40 ರನ್ ಬಾರಿಸಿದರು. ಇವರದ್ದೇ ತಂಡದ ಪರ ಅತ್ಯಧಿಕ ಗಳಿಕೆ. ಉಳಿದ ಎಲ್ಲ ಬ್ಯಾಟರ್ಗಳು ಘೋರ ಬ್ಯಾಟಿಂಗ್ ವೈಫಲ್ಯ ಕಂಡರು. ಡೆಲ್ಲಿ ಪರ ಜಿದ್ದಿಗೆ ಬಿದ್ದವರಂತೆ ಬೌಲಿಂಗ್ ದಾಳಿ ನಡೆಸಿದ ರಾಧಾ ಯಾದವ್ ಮತ್ತು ಜೆಸ್ ಜೊನಾಸೆನ್ ತಲಾ ಮೂರು ವಿಕೆಟ್ ಕಿತ್ತು ಮಿಂಚಿದರು. ರಾಧಾ 20 ರನ್ ವೆಚ್ಚದಲ್ಲಿ ಈ ಸಾಧನೆ ತೋರಿದರೆ, ಜೊನಾಸೆನ್ 23 ರನ್ ಬಿಟ್ಟುಕೊಟ್ಟರು.