ಬೆಂಗಳೂರು: ಯುಪಿ ವಾರಿಯರ್ಸ್ ಎದುರಿನ ಕಳೆದ ಪಂದ್ಯದಲ್ಲಿ(WPL 2024) ಹೀನಾಯ ಸೋಲು ಕಂಡಿದ್ದ ಮುಂಬೈ ಇಂಡಿಯನ್ಸ್(Mumbai Indian) ತಂಡ ಮತ್ತೆ ಗೆಲುವಿನ ಹಳೆ ಏರಿದೆ. ಆರ್ಸಿಬಿ(Royal Challengers Bangalore) ವಿರುದ್ಧದ ಶನಿವಾರದ ಪಂದ್ಯದಲ್ಲಿ ಸರ್ವಾಂಗೀಣ ಪ್ರದರ್ಶನ ನೀಡಿ 7 ವಿಕೆಟ್ಗಳ ಜಯ ಸಾಧಿಸಿದೆ. ಜತೆಗೆ ಅಂಕಪಟ್ಟಿಯಲ್ಲಿಯೂ ಮೇಲೇರಿದೆ.
ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಮುಂಬೈ ಇಂಡಿಯನ್ಸ್ ತಂಡ ಆರ್ಸಿಬಿಯನ್ನು ಅಲ್ಪ ಮೊತ್ತಕ್ಕೆ ಕಟ್ಟಿ ಹಾಕಿ ತನ್ನ ಆಯ್ಕೆಯನ್ನು ಸಮರ್ಥಿಸಿಕೊಂಡಿತು. ನಿಗದಿತ 20 ಓವರ್ ಬ್ಯಾಟಿಂಗ್ ಮಾಡಿದ ಆರ್ಸಿಬಿ 6 ವಿಕೆಟ್ಗೆ 131 ರನ್ ಮಾತ್ರ ಕಲೆ ಹಾಕಿತು. ಸಣ್ಣ ಮೊತ್ತವನ್ನು ಬೆನ್ನಟ್ಟಿದ ಮುಂಬೈ 15.1 ಓವರ್ನಲ್ಲಿ 3 ವಿಕೆಟ್ ನಷ್ಟಕ್ಕೆ 133 ರನ್ ಬಾರಿಸಿ ಗೆಲುವು ತನ್ನದಾಗಿಸಿಕೊಂಡಿತು. ಆರ್ಸಿಬಿಗೆ ತವರಿನಲ್ಲಿ ಎದುರಾದ ಸತತ 2ನೇ ಸೋಲು ಇದಾಗಿದೆ. ಇದಕ್ಕೂ ಮುನ್ನ ಡೆಲ್ಲಿ ವಿರುದ್ಧ ಸೋಲು ಕಂಡಿತ್ತು.
Yastika Bhatia departs for a quick-fire 31(15) but the @mipaltan openers started the powerplay with some special strokeplay!
— Women's Premier League (WPL) (@wplt20) March 2, 2024
Live 💻📱https://t.co/VqyJ4Y545d#TATAWPL | #RCBvMI pic.twitter.com/xf76PsSSO4
ಸಣ್ಣ ಮೊತ್ತವನ್ನು ಬೆನ್ನಟ್ಟಿದ ಮುಂಬೈ ತಂಡಕ್ಕೆ ಆರಂಭಿಕರಾದ ಯಾಸ್ತಿಕಾ ಭಾಟಿಯಾ(31) ಮತ್ತು ಹೀಲಿ ಮ್ಯಾಥ್ಯೂಸ್(26) ಬಿರುಸಿನ ಬ್ಯಾಟಿಂಗ್ ಮೂಲಕ ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಆ ಬಳಿಕ ಬಂದ ಹಂಗಾಮಿ ನಾಯಕಿ ನ್ಯಾಟ್‌ ಸ್ಕಿವರ್‌ ಬ್ರಂಟ್‌ ಬೌಲಿಂಗ್ ಜತೆಗೆ ಬ್ಯಾಟಿಂಗ್ನಲ್ಲಿಯೂ ಜವಾಬ್ದಾರಿಯುತ ಆಟವಾಡಿ 4 ಬೌಂಡರಿ ನೆರವಿನಿಂದ 27 ರನ್ ಬಾರಿಸಿದರು. ಬೌಲಿಂಗ್ನಲ್ಲಿ 2 ವಿಕೆಟ್ ಕೂಡ ಕಿತ್ತರು. ಮುಂಬೈ ಪರ ಬ್ಯಾಟಿಂಗ್ನಲ್ಲಿ ಹೆಚ್ಚು ಗಮನ ಸೆಳೆದವರೆಂದರೆ ಅಮೆಲಿಯಾ ಕೆರ್. 24 ಎಸೆತ ಎದುರಿಸಿದ ಕೆರ್ 7 ಬೌಂಡರಿಯೊಂದಿಗೆ ಅಜೇಯ 40 ರನ್ ಬಾರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
The Mumbai Indians are back to winning ways! 💙
— Women's Premier League (WPL) (@wplt20) March 2, 2024
And with that victory, they move to the 🔝 of the table 👏👏
Scorecard 💻📱https://t.co/VqyJ4Y545d#TATAWPL | #RCBvMI | @mipaltan pic.twitter.com/SuUWM8b89P
ಆರ್ಸಿಬಿಯ ಪ್ರಮುಖ ಬೌಲರ್ ರೇಣುಕಾ ಸಿಂಗ್ ಠಾಕೂರ್ ಅವರು ಈ ಪಂದ್ಯದಲ್ಲಿ ವಿಕೆಟ್ ಲೆಸ್ ಆಗುವ ಜತೆಗೆ ದುಬಾರಿಯಾಗಿಯೂ ಕಂಡುಬಂದರು. 2 ಓವರ್ನಿಂದ ಬರೋಬ್ಬರಿ 25 ರನ್ ಬಿಟ್ಟುಕೊಟ್ಟರು. ಕನ್ನಡತಿ ಶ್ರೇಯಾಂಕ ಪಾಟೀಲ್ 2 ಓವರ್ಗೆ 15 ರನ್ ನೀಡಿ 1 ವಿಕೆಟ್ ಉರುಳಿಸಿದರು.
ಪೆವಿಲಿಯನ್ ಪರೇಡ್ ನಡೆಸಿದ ಆರ್ಸಿಬಿ ಆಟಗಾರ್ತಿಯರು
ಮೊದಲು ಬ್ಯಾಟಿಂಗ್ ನಡೆಸಿದ ಆರ್ಸಿಬಿ ತಂಡದ ಪರ ಅಗ್ರ ಕ್ರಮಾಂಕದ ನಾಲ್ಕು ಬ್ಯಾಟರ್ಗಳು ಈ ಪಂದ್ಯದಲ್ಲಿ ಪೆವಿಲಿಯನ್ ಪರೇಡ್ ನಡೆಸಿದರು. ನಾಯಕಿ ಸ್ಮೃತಿ ಮಂಧಾನ(9), ಸೋಫಿ ಡಿವೈನ್(9), ಸಬ್ಬಿನೇನಿ ಮೇಘನಾ(11) ಮತ್ತು ರಿಚಾ ಘೋಷ್(7) ಸಂಪೂರ್ಣ ಬ್ಯಾಟಿಂಗ್ ವೈಫಲ್ಯ ಕಂಡರು. ಇನ್ನೇನು ತಂಡ 100 ರನ್ ಗಳಿಸುವುದು ಕಷ್ಟ ಎನ್ನುವಾಗ ಮಧ್ಯಮ ಕ್ರಮಾಂಕದಲ್ಲಿ ಏಕಾಂಗಿ ಹೋರಾಟ ನಡೆಸಿದ ಆಸ್ಟ್ರೇಲಿಯಾದ ಆಲ್ರೌಂಡರ್ ಎಲ್ಲಿಸ್ ಪೆರ್ರಿ ಅಜೇಯ 44 ರನ್ ಬಾರಿಸಿ ತಂಡಕ್ಕೆ ನೆರವಾದರು. ಅವರ ಈ ಬ್ಯಾಟಿಂಗ್ ಹೋರಾಟದ ಫಲವಾಗಿ ತಂಡ 100ರ ಗಡಿ ದಾಟಿತು. ಮುಂಬೈ ಪರ ಪೂಜಾ ವಸ್ತ್ರಾಕರ್ 2 ವಿಕೆಟ್ ಕಿತ್ತರು.