ನವದೆಹಲಿ: ಬುಧವಾರ ನಡೆದ ಡಬ್ಲ್ಯುಪಿಎಲ್(WPL 2024) ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(Royal Challengers Bangalore) ತಂಡ ಗುಜರಾತ್(Gujarat Giants) ವಿರುದ್ಧ ಸೋಲು ಕಂಡರೂ ಕೂಡ ಅಂಕಪಟ್ಟಿಯಲ್ಲಿ ತನ್ನ 2ನೇ ಸ್ಥಾನವನ್ನು ಕಳೆದುಕೊಂಡಿಲ್ಲ. ಆದರೆ, ರನ್ ರೇಟ್ನಲ್ಲಿ ಕುಸಿತ ಕಂಡಿದೆ. ಕೊನೆಯ ಸ್ಥಾನಿಯಾಗಿದ್ದ ಗುಜರಾತ್ ಜೈಂಟ್ಸ್ ಮೊದಲ ಗೆಲುವು ದಾಖಲಿಸಿ ಅಂಕಪಟ್ಟಿಯಲ್ಲಿ(WPL 2024 Points Table) ಖಾತೆ ತೆರೆದಿದೆ.
ಡೆಲ್ಲಿ ತಂಡ 8 ಅಂಕದೊಂದಿಗೆ ಮೊದಲ ಅಗ್ರಸ್ಥಾನದಲ್ಲೇ ಮುಂದುವರಿದಿದೆ. ಇಂದು ನಡೆಯುವ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಯುಪಿ ವಾರಿಯರ್ಸ್ ಮುಖಾಮುಖಿಯಾಗಲಿವೆ. ಇಲ್ಲಿ ಯಾರೇ ಗೆದ್ದರೂ ಒಂದು ಸ್ಥಾನಗಳ ಏರಿಕೆ ಖಚಿತ. ಈ ತಂಡ ಯಾವುದು ಎನ್ನುವುದು ಇಂದಿನ ಪಂದ್ಯದ ಕುತೂಹಲ. ಮುಂಬೈ ಗೆದ್ದರೆ ಆರ್ಸಿಬಿ ಒಂದು ಸ್ಥಾನ ಕುಸಿತ ಕಾಣಲಿದೆ. ಯುಪಿ ಗೆದ್ದರೆ ಆರ್ಸಿಬಿ ಯಥಾಸ್ಥಿತಿಯಂತೆ ದ್ವಿತೀಯ ಸ್ಥಾನದಲ್ಲೇ ಉಳಿಯಲಿದೆ.
With that 19-run by Gujarat Giants, here's how the Points Table looks after Match 1⃣3⃣ of #TATAWPL 2024 🙌#GGvRCB pic.twitter.com/W4hOGz9olg
— Women's Premier League (WPL) (@wplt20) March 6, 2024
ನೂತನ ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಡೆಲ್ಲಿ ಕ್ಯಾಪಿಟಲ್ಸ್ | 5 | 4 | 1 | 8 (+1.301) |
| ಆರ್ಸಿಬಿ | 6 | 3 | 3 | 6 (+0.038) |
| ಮುಂಬೈ ಇಂಡಿಯನ್ಸ್ | 5 | 3 | 2 | 6 (+0.018) |
| ಯುಪಿ ವಾರಿಯರ್ಸ್ | 5 | 2 | 3 | 4 (-0.073) |
| ಗುಜರಾತ್ ಜೈಂಟ್ಸ್ | 5 | 1 | 4 | 0 (-1.278) |
ಗೆಲುವಿನ ಖಾತೆ ತೆರೆದ ಗುಜರಾತ್
ಇಲ್ಲಿನ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಗುಜರಾತ್ ನಾಯಕಿ ಬೆತ್ ಮೂನಿ(85*) ಮತ್ತು ಲಾರಾ ವೊಲ್ವಾರ್ಡ್ಟ್(76) ಅವರ ಆಕರ್ಷಕ ಅರ್ಧಶತಕ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ಗೆ 199 ರನ್ ಬಾರಿಸಿ ತನ್ನ ಟಾಸ್ ಆಯ್ಕೆಯನ್ನು ಸಮರ್ಥಿಸಿಕೊಂಡಿತು. ಬೃಹತ್ ಮೊತ್ತವನ್ನು ಒಂದು ಹಂತದ ವರೆಗೆ ದಿಟ್ಟ ರೀತಿಯಲ್ಲಿ ಬೆನ್ನಟ್ಟಿಕೊಂಡು ಹೋದ ಆರ್ಸಿಬಿ ಅಂತಿಮ ಹಂತದಲ್ಲಿ ಸತತ ವಿಕೆಟ್ ಕಳೆದುಕೊಂಡು ವಿಕೆಟ್ಗೆ ರನ್ ಗಳಿಸಿ ಸೋಲೊಪ್ಪಿಕೊಂಡಿತು. ಸತತ 4 ಸೋಲಿನಿಂದ ಕಂಗೆಟ್ಟಿದ್ದ ಗುಜರಾತ್ ಜೈಂಟ್ಸ್ ಮೊದಲ ಗೆಲುವಿನ ನಗೆ ಬೀರಿತು.
ಇದನ್ನೂ ಓದಿ WPL 2024: ಕೊನೆಗೂ ಗೆಲುವಿನ ಖಾತೆ ತೆರೆದ ಗುಜರಾತ್: ಆರ್ಸಿಗೆ 19 ರನ್ ಸೋಲು
Delhi brings 𝙙𝙚𝙡𝙞𝙜𝙝𝙩 for the Gujarat Giants 😃👏#RCB came close to the target but it's #GG who register their first win of the season 🙌
— Women's Premier League (WPL) (@wplt20) March 6, 2024
Scorecard 💻📱https://t.co/W8mqrR94WB#TATAWPL | #GGvRCB | @Giant_Cricket pic.twitter.com/3B5r6VQpNP
ಶತಕದತ್ತ ಮುನ್ನುಗುತ್ತಿದ್ದ ವೊಲ್ವಾರ್ಡ್ಟ್ ಅವರು ರನೌಟ್ ಬಲೆಗೆ ಬಿದ್ದು ವಿಕೆಟ್ ಕಳೆದುಕೊಂಡರು. 45 ಎಸೆತಗಳಿಂದ 13 ಬೌಂಡರಿ ಬಾರಿ 76 ರನ್ ಚಚ್ಚಿದರು. ವೊಲ್ವಾರ್ಡ್ಟ್ ಮತ್ತು ಮೂನಿ ಸೇರಿಕೊಂಡು ಮೊದಲ ವಿಕೆಟ್ಗೆ ಬರೋಬ್ಬರಿ 140 ರನ್ ಜತೆಯಾಟ ನಡೆಸಿದರು. ಈ ಮೊತ್ತ ಕೇವಲ 13 ಓವರ್ನಲ್ಲಿ ದಾಖಲಾಗಿತ್ತು. ವೊಲ್ವಾರ್ಡ್ಟ್ ವಿಕೆಟ್ ಪತನದ ಬಳಿಕ ಫೋಬೆ ಲಿಚ್ಫೀಲ್ಡ್ 18 ರನ್ ಗಳಿಸಿದ್ದು ಬಿಟ್ಟರೆ, ಬಳಿಕ ಬಂದವರೆಲ್ಲ ದೊಡ್ಡ ಹೊಡೆತಕ್ಕೆ ಮುಂದಾಗಿ ವಿಕೆಟ್ ಕೈಚೆಲ್ಲಿದರು. ಮೂನಿ 12 ಬೌಂಡರಿ ಮತ್ತು 1 ಸಿಕ್ಸರ್ ಬಾರಿಸಿ ಅಜೇಯ 85 ರನ್ ಗಳಿಸಿದರು.