ನವದೆಹಲಿ: ತವರಿನ ಉದ್ಘಾಟನಾ ಪಂದ್ಯದಲ್ಲಿಯೇ ಡೆಲ್ಲಿ ಕ್ಯಾಪಿಟಲ್ಸ್(Delhi Capitals) ಭರ್ಜರಿ ಗೆಲುವಿನ ಶುಭಾರಂಭ ಕಂಡಿದೆ. ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್(Mumbai Indians) ವಿರುದ್ಧ 29 ರನ್ಗಳ ಗೆಲುವಿನ ನಗೆ ಬೀರಿದೆ. ಮೆಗ್ ಲ್ಯಾನಿಂಗ್(53), ಜೆಮಿಮಾ ರೋಡ್ರಿಗಸ್(69*) ಅವರ ಅರ್ಧಶತಕ ಹಾಗೂ ಜೆಸ್ ಜೊನಾಸೆನ್(3 ವಿಕೆಟ್) ಅವರ ಬೌಲಿಂಗ್ ಪರಾಕ್ರಮ ಡೆಲ್ಲಿ ಸರದಿಯ ಪ್ರಮುಖ ಹೈಲೆಟ್ಸ್ ಆಗಿತ್ತು.
ಇಲ್ಲಿನ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಮಹಿಳಾ ಪ್ರೀಮಿಯರ್(WPL 2024) ಲೀಗ್ನ 12ನೇ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ನಿಗದಿತ ತವರಿನ ಸಂಪೂರ್ಣ ಲಾಭವೆತ್ತಿ 20 ಓವರ್ಗಳಲ್ಲಿ ಕೇವಲ 4 ವಿಕೆಟ್ ನಷ್ಟಕ್ಕೆ 192 ರನ್ ಬಾರಿಸಿತು. ಬೃಹತ್ ಮೊತ್ತವನ್ನು ಕಂಡು ಬೆಚ್ಚಿಬಿದ್ದ ಮುಂಬೈ ಇಂಡಿಯನ್ಸ್ ಆರಂಭದಿಂದಲೇ ವಿಕೆಟ್ ಕಳೆದುಕೊಂಡು ತನ್ನ ಪಾಲಿನ ಆಟದಲ್ಲಿ 8 ವಿಕೆಟ್ಗೆ 163 ರನ್ ಗಳಿಸಿ ಹೀನಾಯ ಸೋಲು ಕಂಡಿತು.
A roaring beginning at home for the @DelhiCapitals 👏👏#DC maintain their 🔝 position on the points table with a 29-run win over #MI 🥳
— Women's Premier League (WPL) (@wplt20) March 5, 2024
Live 💻📱https://t.co/NlmvrPq6yj#TATAWPL | #DCvMI pic.twitter.com/vP1zGzzFwt
ಕಳೆದ 2 ಪಂದ್ಯಗಳಿಂದ ಹೊರಗುಳಿದಿದ್ದ ಹರ್ಮನ್ಪ್ರೀತ್ ಕೌರ್ ಅವರು ಈ ಪಂದ್ಯದಲ್ಲಿ ಆಡಲಿಳಿದು ಮತ್ತೆ ನಾಯಕತ್ವ ವಹಿಸಿಕೊಂಡರು. ಆದರೆ, ಅವರ ಆಗಮನದಿಂದ ತಂಡಕ್ಕೆ ದೊಡ್ಡ ಲಾಭವೇನು ಆಗಲಿಲ್ಲ. 6 ರನ್ಗೆ ಔಟಾದರು. ಈ ಮೊತ್ತಕ್ಕೆ 6 ಎಸೆತ ಕೂಡ ಎದುರಿಸಿದರು. ಭರವಸೆಯ ಆಟಗಾರ್ತಿ ನ್ಯಾಟ್‌ ಸ್ಕಿವರ್‌ ಬ್ರಂಟ್‌(5), ಯಾಸ್ತಿಯಾ ಭಾಟಿಯಾ(6) ಕೂಡ ಅಗ್ಗಕ್ಕೆ ಔಟಾದರು. ಅಮನ್ಜೋತ್ ಕೌರ್ 42 ರನ್ ಬಾರಿಸಿ ತಂಡದ ಪರ ಅತ್ಯಧಿಕ ರನ್ ಗಳಿಸಿದ ಆಟಗಾರ್ತಿ ಎನಿಸಿಕೊಂಡರು. ಅಂತಿಮ ಹಂತದಲ್ಲಿ ಎಸ್ ಸಜನಾ ಅಜೇಯ 24 ರನ್ ಬಾರಿಸಿದರು. ಡೆಲ್ಲಿ ಪರ ಜೆಸ್ ಜೊನಾಸೆನ್ 21 ರನ್ ವೆಚ್ಚದಲ್ಲಿ 3 ವಿಕೆಟ್ ಕಿತ್ತು ಮಿಂಚಿದರು.
ಇದನ್ನೂ ಓದಿ WPL 2024: ಕನ್ನಡತಿ ವೃಂದಾ ದಿನೇಶ್ ಸ್ಥಾನಕ್ಕೆ ಬದಲಿ ಆಟಗಾರ್ತಿಯಾಗಿ ಉಮಾ ಚೆಟ್ರಿ ಆಯ್ಕೆ
ಉತ್ತಮ ಆರಂಭ ಪಡೆದ ಡೆಲ್ಲಿ
ಡೆಲ್ಲಿ ಪರ ಇನಿಂಗ್ಸ್ ಆರಂಭಿಸಿದ ಲ್ಯಾಡಿ ಸೆಹವಾಗ್ ಖ್ಯಾತಿಯ ಶಫಾಲಿ ವರ್ಮ ಅವರು ಆರಂಭದಿಂದಲೇ ಮುಂಬೈ ಬೌಲರ್ಗಳ ಮೇಲೆರಗಿ ತಮ್ಮ ಹಾಗೂ ತಂಡದ ಮೊತ್ತವನ್ನು ಹಿಗ್ಗಿಸಿದರು. ಅವರ ಈ ಸ್ಫೋಟಕ ಬ್ಯಾಟಿಂಗ್ ವೇಳೆ ಒಂದು ಜೀವದಾನ ಕೂಡ ಸಿಕ್ಕಿತ್ತು. ಅಂತಿಮವಾಗಿ 28 ರನ್ಗೆ ವಿಕೆಟ್ ಕೈಚೆಲ್ಲಿದರು. ಈ ಮೊತ್ತವನ್ನು ಕೇವಲ 12 ಎಸೆತಗಳಿಂದ ದಾಖಲಿಸಿದರು. ಸಿಡಿದ್ದು 2 ಸಿಕ್ಸರ್ ಮತ್ತು 3 ಬೌಂಡರಿ.
ICYMI!
— Women's Premier League (WPL) (@wplt20) March 5, 2024
Jemimah Rodrigues 👉 A live-wire on the field 😁👌
Live 💻📱https://t.co/NlmvrPq6yj#TATAWPL | #DCvMI | @DelhiCapitals | @JemiRodrigues pic.twitter.com/2VI85tW84m
ಶಫಾಲಿ ವಿಕೆಟ್ ಪತನದ ಬಳಿಕ ಮೆಗ್ ಲ್ಯಾನಿಂಗ್ ಕೂಡ ತಮ್ಮ ಆಟಕ್ಕೆ ಚುರುಕು ಮುಟ್ಟಿಸಿದರು. 12 ಓವರ್ ತನಕ ಬ್ಯಾಟಿಂಗ್ ಕಾಯ್ದುಕೊಂಡ ಲ್ಯಾನಿಂಗ್ 38 ಎಸೆತಗಳಿಂದ 6 ಬೌಂಡರಿ ಮತ್ತು 2 ಸೊಗಸಾದ ಸಿಕ್ಸರ್ ನೆರವಿನಿಂದ 53ರನ್ ಬಾರಿಸಿದರು. ಇದು ಲ್ಯಾನಿಂಗ್ ಅವರ ಸತತ 2 ಅರ್ಧಶತಕ. ಇದಕ್ಕೂ ಮುನ್ನ ಗುಜರಾತ್ ವಿರುದ್ಧದ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದ್ದರು.
ಜೆಮಿಮಾ ಅರ್ಧಶತಕ
ನಾಲ್ಕನೇ ಕ್ರಮಾಂಕದಲ್ಲಿ ಆಡಲಿಳಿದ ಜೆಮಿಮಾ ರೋಡಿಗ್ರಸ್ ಭರವಸೆಯ ಆಟವಾಡಿದರು. ಕೊನೆಯ ತನಕ ಬ್ಯಾಟಿಂಗ್ ನಡೆಸಿದ ಅವರು 33 ಎಸೆತಗಳಿಂದ 69 ರನ್ ಬಾರಿಸಿ ಅಜೇಯರಾಗಿ ಉಳಿದರು. ಅವರ ಈ ಅರ್ಧಶತಕದ ಇನಿಂಗ್ಸ್ನಲ್ಲಿ 8 ಬೌಂಡರಿ ಮತ್ತು 3 ಸಿಕ್ಸರ್ ದಾಖಲಾಯಿತು. ಉಳಿದಂತೆ ಆಲಿಸ್ ಕ್ಯಾಪ್ಸಿ 19 ರನ್ ಬಾರಿಸಿದರು. ಮುಂಬೈ ಪರ ಪ್ರಧಾನ ಬೌಲರ್ ಶಬ್ನಿಮ್ ಇಸ್ಮಾಯಿಲ್ ಈ ಪಂದ್ಯದಲ್ಲಿ ಸರಿಯಾಗಿ ದಂಡಿಸಿಕೊಂಡರು. 4 ಓವರ್ ಎಸೆದು 11ರ ಸರಾಸರಿಯಲ್ಲಿ 46 ರನ್ ಬಿಟ್ಟುಕೊಟ್ಟರು. ಕಿತ್ತದ್ದು ಒಂದು ವಿಕೆಟ್ ಮಾತ್ರ. ಮುಂಬೈ ತಂಡದ ಫೀಲ್ಡಿಂಗ್ ಕೂಡ ಈ ಪಂದ್ಯದಲ್ಲಿ ಅತ್ಯಂತ ಕಳಪೆ ಮಟ್ಟದಿಂದ ಕೂಡಿತ್ತು. ಹಲವು ಕ್ಯಾಚ್ ಜತೆಗೆ ಬೌಂಡರಿಗಳನ್ನು ಕೂಡ ತಡೆಯುವಲ್ಲಿ ಎಡವಿದರು. ಇದು ಕೂಡ ತಂಡದ ಸೋಲಿಗೆ ಪ್ರಮುಖ ಕಾರಣವಾಯಿತು.