ಹೈದರಾಬಾದ್: ಆಸ್ಟ್ರೇಲಿಯಾ ವಿರುದ್ಧದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್(WTC Final 2023) ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ರೋಹಿತ್ ಶರ್ಮಗೆ(Rohit Sharma) ತೆಲುಗಿನ ವಿವಾದಾತ್ಮಕ ನಟಿ ಶ್ರೀ ರೆಡ್ಡಿ(sri reddy) ಅವರು ಟ್ವಿಟರ್ನಲ್ಲಿ ಹಿಗ್ಗಾಮುಗ್ಗಾ ಜಾಡಿಸಿದ್ದಾರೆ. ಆದರೆ ಕಿಂಗ್ ವಿರಾಟ್ ಕೊಹ್ಲಿ(virat kohli) ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಲಂಡನ್‌ನ ಅತ್ಯಂತ ಪುರಾತನವೂ ಆದ ಕೆನ್ನಿಂಗ್ಟನ್‌ ಓವಲ್ನಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯಾ 469 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ನಡೆಸಿದ ಭಾರತ 296 ರನ್ ಗಳಿಸಿ 173 ರನ್ಗಳ ಹಿನ್ನಡೆ ಅನುಭವಿಸಿದೆ. ಸದ್ಯ ಆಸೀಸ್ ದ್ವಿತೀಯ ಇನಿಂಗ್ಸ್ನಲ್ಲಿ ಬ್ಯಾಟಿಂಗ್ ನಡೆಸುತ್ತಿದೆ.
ರೋಹಿತ್ ಶರ್ಮ ಅವರು ಟಾಸ್ ಸೋತು ಬೌಲಿಂಗ್ ಆರಿಸಿದ್ದೇ ತಂಡದ ಹಿನ್ನಡೆಗೆ ಪ್ರಮುಖ ಕಾರಣ ಎಂದಿರುವ ಶ್ರೀ ರೆಡ್ಡಿ ಅವರು ಟ್ವೀಟ್ ಮೂಲಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. “ಇದೇನು ಐಪಿಎಲ್ ನಾಯಕತ್ವ ಎಂದುಕೊಂಡಿದ್ದಾರಾ?, ನಿಮ್ಮ ನಾಯಕತ್ವವನ್ನು ನೋಡಿ ವಿರಾಟ್ ಕೊಹ್ಲಿ ನಗುತ್ತಿದ್ದಾರೆ. ದಿನವಿಡಿ ಫೀಲ್ಡಿಂಗ್ ಮತ್ತು ಬೌಲಿಂಗ್ ಮಾಡಬೇಕಾದರೆ ಆಟಗಾರರಿಗೆ ನೀವು ಜೋಶ್ ತುಂಬುವ ಮೂಲಕ ಸ್ಫೂರ್ತಿಯಾಗಬೇಕು. ಆದರೆ ನೀವೇ ಸಪ್ಪೆ ಮೋರೆ ಹಾಕಿ ಮೈದಾನದಲ್ಲಿ ನಿಂತರೆ ಹೇಗೆ?, ಇದಕ್ಕೆಲ್ಲ ವಿರಾಟ್ ಕೊಹ್ಲಿಯನ್ನು ನೋಡಿ ಕಲಿಯಬೇಕು. ಅವರು ಆಟಗಾರರನ್ನು ಸದಾ ಹುರಿದುಂಬಿಸುತ್ತಿರುತ್ತಾರೆ. ನಿಮ್ಮ ನಾಯಕತ್ವ ಅತ್ಯಂತ ಕಳಪೆ ಮಟ್ಟದಿಂದ ಕೂಡಿದೆ” ಎಂದು ಟ್ವೀಟ್ ಮೂಲಕ ರೋಹಿತ್ಗೆ ಹಿಗ್ಗಾಮುಗ್ಗಾ ಜಾಡಿಸಿದ್ದಾರೆ. ಇದರ ಜತೆಗೆ ಮೊಹಮ್ಮದ್ ಸಿರಾಜ್ ಬಗ್ಗೆಯೂ ಕಟುವಾದ ಕಾಮೆಂಟ್ ಮಾಡಿದ್ದು, ಸಿರಾಜ್ ಎಷ್ಟು ಚೀಪ್ ಬೌಲಿಂಗ್ ನಡೆಸುತ್ತಾರೆ ಎಂದಿದ್ದಾರೆ.
ಇದನ್ನೂ ಓದಿ WTC Final 2023: ದಾಖಲೆ ಬರೆದ ಅಜಿಂಕ್ಯ ರಹಾನೆ; 296ಕ್ಕೆ ಭಾರತ ಆಲೌಟ್
తొక్కలో Captaincy, ఇదేమన్నా IPL అనుకున్నావా బాబు, నీ Captaincy చూసి కోహ్లి నవ్వుకుంటున్నాడు, ఇదేంట్రా బాబు అని, రోజంతా ఫీల్డింగ్ చేస్తూ బౌలింగ్ చెయ్యాలంటే ప్లేయర్స్ లో జోష్ కావాలి, అది కోహ్లి ఒక్కడే చెయ్యగలడు, He will inspire players, He is the Best Test Captain in the World 🙏
— Sri Reddy (@MsSriReddy) June 7, 2023
ಶ್ರೀ ರೆಡ್ಡಿ ಮಾಡಿರುವ ಈ ಟ್ವೀಟ್ಗೆ ರೋಹಿತ್ ಶರ್ಮ ಅಭಿಮಾನಿಗಳು ಸರಿಯಾದ ರೀತಿಯಲ್ಲಿಯೇ ತಿರುಗೇಟು ನೀಡಿದ್ದಾರೆ. ಕ್ರಿಕೆಟ್ ಬಗ್ಗೆ ತಿಳಿಯದ ನೀವು ಈ ರೀತಿ ಮಾತನಾಡುವುದರಲ್ಲಿ ಯಾವುದೇ ಅರ್ಥವಿಲ್ಲ. ನಿಮ್ಮ ಈ ಟ್ವೀಟ್ ನಿಂದ ರೋಹಿತ್ ನಾಯಕತ್ವದ ಮೇಲೆ ಯಾವುದೇ ಪ್ರಭಾವವು ಬೀರುವುದಿಲ್ಲ ಎಂದು ಕಾಮೆಂಟ್ ಮಾಡಿದ್ದಾರೆ.