ರಾಜ್ಕೋಟ್: ಇಂಗ್ಲೆಂಡ್(India vs England 3rd Test) ವಿರುದ್ಧದ ಮೂರನೇ ಟೆಸ್ಟ್ನ ಎರಡನೇ ಇನ್ನಿಂಗ್ಸ್ನಲ್ಲಿ ಅಮೋಘ ಆಟವಾಡಿದ ಯಶಸ್ವಿ ಜೈಸ್ವಾಲ್(Yashasvi Jaiswal) ಭರ್ಜರಿ ಶತಕ ಸಿಡಿಸಿ ಹಲವು ದಾಖಲೆ ಬರೆದಿದ್ದಾರೆ. ಇದೀಗ ಅವರು ಬಾರಿಸಿದ ಸಿಕ್ಸರ್ ಒಂದು ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಆಗಿದೆ. ಹೌದು, ಜೈಸ್ವಾಲ್ ಬಾರಿಸಿದ ಸಿಕ್ಸರ್ಗೆ ಕುರ್ಚಿಯೊಂದು ತುಂಡಾಗಿದೆ. ಈ ಕುರ್ಚಿಯ ಫೋಟೊ ವೈರಲ್(Video Goes Viral) ಆಗಿದೆ.
Yashasvi Jaiswal brings up his fifty with a six.
— Mufaddal Vohra (@mufaddal_vohra) February 17, 2024
– Back to back sixes from Jaiswal ….!!! 🔥pic.twitter.com/JUJkUTr9af
ಜೈಸ್ವಾಲ್ 133 ಎಸೆತಗಳಿಂದ 104 ಗಳಿಸಿದ ವೇಳೆ ಬೆನ್ನು ನೋವಿನ ಕಾರಣದಿಂದ ಆಟದಿಂದ ನಿವೃತ್ತರಾದರು. ನಾಲ್ಕನೇ ದಿನದಾಟದಲ್ಲಿ ಅವರು ಬ್ಯಾಟಿಂಗ್ಗೆ ಇಳಿಯುವ ಸಾಧ್ಯತೆ ಇದೆ. ಮೂರನೇ ದಿನದಾಟದಲ್ಲಿ ಅತ್ಯಂತ ಬಿರುಸಿನ ಬ್ಯಾಟಿಂಗ್ ನಡೆಸಿದ ಜೈಸ್ವಾಲ್ 5 ಸಿಕ್ಸರ್ ಮತ್ತು 9 ಬೌಂಡರಿ ಬಾರಿಸಿ ಮಿಂಚಿದರು. ಇದರಲ್ಲಿ ರೆಹಾನ್ ಅಹ್ಮದ್ ಬೌಲ್ ಮಾಡಿದ 31ನೇ ಓವರ್‌ನ ಮೊದಲ ಎಸೆತದಲ್ಲಿ ಜೈಸ್ವಾಲ್ ಬಾರಿಸಿದ ಸಿಕ್ಸರ್ ಇಂಗ್ಲೆಂಡ್‌ನ ಡಗೌಟ್‌ಗೆ ಹಾನಿಯನ್ನುಂಟು ಮಾಡಿತು. ಸಿಕ್ಸರ್ ಬಾರಿಸಿದ ಚೆಂಡು ಇಂಗ್ಲೆಂಡ್‌ನ ಡಗೌಟ್ನಲ್ಲಿದ್ದ ಕುರ್ಚಿಗೆ ಬಿದ್ದಿದೆ. ಚೆಂಡು ಬಿದ್ದ ರಭಸಕ್ಕೆ ಕುರ್ಚಿ 2 ತುಂಡಾಗಿದೆ.
Jaiswal SIX 🤦♂️🔨 pic.twitter.com/BTMf3dQoND
— Om prakash Padhi (@Sadmusicst44696) February 17, 2024
ಅಜೇಯ ಶತಕ ಬಾರಿಸಿ ಸಂಭ್ರಮಿಸಿದ ಯಶಸ್ವಿ ಜೈಸ್ವಾಲ್ ಸದ್ಯ 2024ರ ಸಾಲಿನಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತ್ಯಧಿಕ ರನ್ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ. ಜೈಸ್ವಾಲ್ಗೂ ಮುನ್ನ ಅಗ್ರ ಸ್ಥಾನದಲ್ಲಿ ನ್ಯೂಜಿಲ್ಯಾಂಡ್ನ ಅನುಭವಿ ಆಟಗಾರ ಕೇನ್ ವಿಲಿಯಮ್ಸನ್ ಕಾಣಿಸಿಕೊಂಡಿದ್ದರು. ವಿಲಿಯಮ್ಸನ್ ಈ ವರ್ಷದಲ್ಲಿ 6 ಇನಿಂಗ್ಸ್ ಆಡಿ 486 ರನ್ ಕಲೆಹಾಕಿದ್ದಾರೆ. ಇದೀಗ ಜೈಸ್ವಾಲ್ 10 ಇನಿಂಗ್ಸ್ನಿಂದ 535 ರನ್ ಬಾರಿಸಿ ಅಗ್ರಸ್ಥಾನ ಪಡೆದಿದ್ದಾರೆ. ವಿಲಿಯಮ್ಸನ್ 2ನೇ ಸ್ಥಾನಕ್ಕೆ ಕುಸಿದಿದ್ದಾರೆ. 11 ಇನಿಂಗ್ಸ್ ಆಡಿ 416 ರನ್ ಬಾರಿಸಿರುವ ಟೀಮ್ ಇಂಡಿಯಾದ ನಾಯಕ ರೋಹಿತ್ ಶರ್ಮ ಅವರು ಮೂರನೇ ಸ್ಥಾನದಲ್ಲಿದ್ದಾರೆ.
ಜೈಸ್ವಾಲ್ ಶತಕದ ಬಳಿಕ ಇಂಗ್ಲೆಂಡ್ ವಿರುದ್ಧದ ಹಾಲಿ ಸರಣಿಯಲ್ಲಿ 400 ರನ್ಗಳ ಗಡಿ ದಾಟಿದರು. ಅಲ್ಲದೆ ಅವರು ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ವಿರಾಟ್ ಕೊಹ್ಲಿ ನಂತರ 400ಕ್ಕೂ ಹೆಚ್ಚು ರನ್ ಗಳಿಸಿದ ಭಾರತದ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ಜೈಸ್ವಾಲ್ 104 ರನ್ ಗಳಿಸಿದ್ದಾಗ ಬೆನ್ನು ನೋವಿನ ಸಮಸ್ಯೆ ಉಂಟಾಯಿತು. ದಿನದಾಟದ 8 ಓವರ್ ಗಳು ಬಾಕಿ ಇರುವಾಗ ಜೈಸ್ವಾಲ್ ಬೆನ್ನುನೋವಿನ ಸಮಸ್ಯೆ ಬಗ್ಗೆ ಹೇಳಿಕೊಂಡರು. ಎಡಗೈ ಆರಂಭಿಕ ಆಟಗಾರ ಉತ್ತಮ ಫಾರ್ಮ್ನಲ್ಲಿದ್ದರು. ಫಿಸಿಯೊ ಅವರಿಗೆ ನೋವು ನಿವಾರಕಗಳನ್ನು ನೀಡಿದರು. ಆದರೆ ಅದು ಪರಿಣಾಮಕಾರಿ ಎಂದು ತೋರಲಿಲ್ಲ.. ಮುಂದಿನ ಓವರ್ ಬಳಿಕ ವಾಪಸ್ ನಡೆದರು.