ನವ ದೆಹಲಿ: ಟಾಟಾ ಮೋಟಾರ್ಸ್ ತನ್ನ ಆಲ್ಟ್ರೊಜ್ ಪ್ರೀಮಿಯಂ ಹ್ಯಾಚ್ ಬ್ಯಾಕ್ ನ ಸಿಎನ್ಜಿ ಆವೃತ್ತಿಯನ್ನು ಮೇ ತಿಂಗಳಲ್ಲಿ ಬಿಡುಗಡೆ ಮಾಡಿತ್ತು. ಆಲ್ಟ್ರೊಜ್ ಐಸಿಎನ್ಜಿ ಎಂದು ಕರೆಯುವ ಇದರ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ .7.55 ಲಕ್ಷದಿಂದ ರೂಪಾಯಿಂದ 10.55 ಲಕ್ಷ ರೂಪಾಯಿಗಳಾಗಿವೆ. ಈ ಪ್ರೀಮಿಯಮ್ ಹ್ಯಾಚ್ ಬ್ಯಾಕ್ ಸಿಎನ್ಜಿ ಇಂಧನದಲ್ಲಿ ಎಷ್ಟು ಮೈಲೇಜ್ ಕೊಡುತ್ತದೆ ಎಂಬ ಮಾಹಿತಿ ಬಹಿರಂಗಗೊಂಡಿದೆ. ಇದು ಪೆಟ್ರೋಲ್ ಎಂಜಿನ್ಗಿಂತ ಶೇಕಡಾ 50ರಷ್ಟು ಹೆಚ್ಚು. ಹೀಗಾಗಿ ನಿತ್ಯ ಬಳಕೆಯ ಸವಾರರಿಗೆ ಇದು ದೊಡ್ಡ ಮಟ್ಟದ ಮೈಲೇಜ್ ಗ್ಯಾರಂಟಿ ಕೊಡಲಿದೆ.
ಆಲ್ಟ್ರೋಜ್ ಸಿಎನ್ ಜಿ 1.2-ಲೀಟರ್ ಎಂಜಿನ್ ಹೊಂದಿದ್ದು, 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ಗೆ ಜೋಡಿಸಲಾಗಿದೆ. ಪೆಟ್ರೋಲ್ ಮೋಡ್ನಲ್ಲಿ ಇದು 88 ಬಿಎಚ್ ಪಿ ಮತ್ತು 115 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸಿದರೆ, ಸಿಎನ್ಜಿ ಮೋಡ್ನಲ್ಲಿ ಇದು 77 ಬಿಎಚ್ಪಿ ಮತ್ತು 103 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಹೋಲಿಕೆಯಲ್ಲಿ, ಅದರ ನೇರ ಪ್ರತಿಸ್ಪರ್ಧಿಗಳಾದ ಮಾರುತಿ ಸುಜುಕಿ ಬಲೆನೊ ಸಿಎನ್ ಜಿ ಮತ್ತು ಟೊಯೊಟಾ ಗ್ಲಾಂಝಾ ಸಿಎನ್ ಜಿ – ಇದೇ ರೀತಿಯ 77 ಬಿಹೆಚ್ ಪಿ ಉತ್ಪಾದಿಸುತ್ತವೆ ಆದರೆ ಅವುಗಳು ಸಿಎನ್ ಜಿ ಮೋಡ್ಗಳಲ್ಲಿ ಕೇವಲ 98.5 ಎನ್ಎಂ ಉತ್ಪಾದಿಸುತ್ತವೆ.
ಇಂಧನ ದಕ್ಷತೆಗೆ ಸಂಬಂಧಿಸಿದಂತೆ, ಟಾಟಾ ಆಲ್ಟ್ರೋಜ್ ಸಿಎನ್ ಜಿ 26.2 ಕಿ.ಮೀ / ಕೆಜಿ (ಎಆರ್ ಎಐ) ಮೈಲೇಜ್ ನೀಡುತ್ತದೆ ಎಂದು ಹೇಳಲಾಗಿದೆ. ಆದಾಗ್ಯೂ, ಅದರ ಮುಖ್ಯ ಪ್ರತಿಸ್ಪರ್ಧಿಗಳಾದ ಬಲೆನೊ ಸಿಎನ್ ಜಿ ಮತ್ತು ಗ್ಲಾಂಝಾ ಸಿಎನ್ ಜಿ – ಗಮನಾರ್ಹವಾಗಿ 30.61 ಕಿ.ಮೀ / ಕೆಜಿ ಮೈಲೇಜ್ ಹೊಂದಿವೆ. ಆದಾಗ್ಯೂ, ರಿಯಲ್ ಟೈಮ್ನಲ್ಲಿ ಈ ಎಲ್ಲಾ ಮಾದರಿಗಳ ಮೈಲೇಜ್ ಘೋಷಿಸಿಕೊಂಡ ಅಂಕಿಅಂಶಗಳಿಗಿಂತ ಭಿನ್ನವಾಗಿರುತ್ತದೆ ಎಂಬುದನ್ನು ಗಮನಿಸಬೇಕಾಗುತ್ತದೆ.
ಇದನ್ನೂ ಓದಿ : Expensive Scooters: Here Is A List Of The Most Expensive Scooters In The Indian Market
ಆಲ್ಟ್ರೋಜ್ ವಿಶೇಷತೆಗಳೇನು?
ಆಲ್ಟ್ರೋಜ್ ಸನ್ ರೂಫ್ ನೀಡುವ ಮೊದಲ ಸಿಎನ್ ಜಿ ಚಾಲಿತ ಹ್ಯಾಚ್ ಬ್ಯಾಕ್ ಕಾರಾಗಿದೆ. ಇದು ಸಿಎನ್ ಜಿ ಟ್ಯಾಂಕ್ ಗಳಿಗಾಗಿ ಟಾಟಾ ಮೋಟಾರ್ಸ್ ನ ಪೇಟೆಂಟ್ ಪಡೆದ ಡ್ಯುಯಲ್ ಸಿಲಿಂಡರ್ ಸೆಟ್ ಅಪ್ ಪಡೆದುಕೊಂಡಿದೆ. ಇದು ಈ ವಿಭಾಗದಲ್ಲಿಯೇ ಹೊಸತು ವಿಶಿಷ್ಟ ಸೆಟ್ ಅಪ್ ನ ಪರಿಣಾಮವಾಗಿ, ಆಲ್ಟ್ರೊಜ್ನ ಲಗೇಜ್ ಸ್ಪೇಜ್ ಚೆನ್ನಾಗಿದೆ. ಸಿಲಿಂಡರ್ ಅಳವಡಿಸಿರುವ ಹೊರತಾಗಿಯೂ 210 ಲೀಟರ್ ಬೂಟ್ ಸ್ಪೇಸ್ ಅನ್ನು ಸಿಗುತ್ತದೆ. ಆದಾಗ್ಯೂ ಇದು ಸ್ಟ್ಯಾಂಡರ್ಡ್ ಆಲ್ಟ್ರೊಜ್ ನ 345-ಲೀಟರ್ ಬೂಟ್ ಗಿಂತ 135 ಲೀಟರ್ ಕಡಿಮೆ. ಇದಲ್ಲದೆ, ಅದರ ಪ್ರತಿಸ್ಪರ್ಧಿಗಳಿಗಿಂತ ಭಿನ್ನವಾಗಿ ಆಲ್ಟ್ರೋಜ್ ಕಾರನ್ನು ನೇರವಾಗಿ ಸಿಎನ್ ಜಿ ಮೋಡ್ನಲ್ಲಿಯೇ ಸ್ಟಾರ್ಟ್ ಮಾಡಬಹುದು. ಪ್ರಸ್ತುತ, ಟಾಟಾ ಆಲ್ಟ್ರೋಜ್ ಸಿಎನ್ ಜಿ ಆರು ವೇರಿಯೆಂಟ್ಗಳಲ್ಲಿ ಲಭ್ಯವಿದೆ – ಎಕ್ಸ್ ಇ, ಎಕ್ಸ್ ಎಂ +, ಎಕ್ಸ್ ಎಂ + (ಎಸ್), ಎಕ್ಸ್ ಝಡ್, ಎಕ್ಸ್ ಝಡ್ + (ಎಸ್) ಮತ್ತು ಎಕ್ಸ್ ಝಡ್ + ಒ (ಎಸ್).