ಮುಂಬಯಿ: ಬಜಾಜ್ ಕಂಪನಿಯು ಅವೆಂಜರ್ 220 ಸ್ಟ್ರೀಟ್ ಬೈಕ್ನ ಉತ್ಪಾದನೆಯನ್ನು 2020ರಲ್ಲಿ ಸ್ಥಗಿತಗೊಳಿಸಿತ್ತು. ಇದೀಗ ಮತ್ತದೇ ಬೈಕ್ ಭಾರತದ ರಸ್ತೆಗೆ ಇಳಿಯಲಿದೆ ಎಂಬುದಾಗಿ ವರದಿಯಾಗಿದೆ. ಈ ಹಿಂದೆ ಬಳಸುತ್ತಿದ್ದ ಅವೆಂಜರ್ 220 ಕ್ರೂಸ್ನ ಎಂಜಿನ ಬಳಸಲಾಗುತ್ತದೆ ಎಂದು ಹೇಳಲಾಗಿದೆ. ಅಂದಾಜಿನ ಪ್ರಕಾರ ಪಲ್ಸರ್ 220ಯಲ್ಲಿರುವ ಎಂಜಿನ್ ಅದಾಗಿರಬಹುದು.
220 ಸ್ಟ್ರೀಟ್ ಬೈಕಿನಲ್ಲಿ ಏರ್ ಅಥವಾ ಆಯಿಲ್ ಕೂಲ್ಡ್, 220ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಇರಬಹುದು ಎನ್ನಲಾಗಿದೆ. ಇದು 8,500 ಆರ್ಪಿಎಂನಲ್ಲಿ 19 ಬಿಹೆಚ್ಪಿ ಪವರ್ ಮತ್ತು 7,000 ಆರ್ಪಿಎಂನಲ್ಲಿ 17.55 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸಲಿದೆ. . ಇದು ಟೆಲಿಸ್ಕೋಪಿಕ್ ಫೋರ್ಕ್ ಮತ್ತು ಟ್ವಿನ್ ಶಾಕ್ ಅಬ್ಸಾರ್ಬರ್ಗಳ ಜತೆ ಮಾರುಕಟ್ಟೆಗೆ ಇಳಿಬಹುದು. ಈ ಮೂಲಕ ಬೇಸಿಸ್ ಸಸ್ಪೆನ್ಷನ್ ಸ್ಥಗಿತಗೊಳ್ಳಬಹುದು ಎನ್ನಲಾಗಿದೆ. 220 ಕ್ರೂಸ್ ಬೈಕ್ನಂತೆಯೇ ಮುಂಭಾಗದಲ್ಲಿ ಡಿಸ್ಕ್ ಮತ್ತು ಹಿಂಭಾಗದಲ್ಲಿ ಡ್ರಮ್ ಬ್ರೇಕ್ ಇರಲಿದೆ.
ಪ್ರಸ್ತುತ ಮಾರಾಟವಾಗುತ್ತಿರುವ ಅವೆಂಜರ್ 220 ಕ್ರೂಸ್ ಗೆ ಹೋಲಿಸಿದರೆ, 220 ಸ್ಟ್ರೀಟ್ ಹೆಚ್ಚು ಕಪ್ಪುಬಣ್ಣದ ಔಟ್ ಬಾಡಿವರ್ಕ್, ಅಲಾಯ್ ವೀಲ್ಗಳನ್ನು ಹೊಂದಿರಲಿವೆ. ಬ್ಯಾಕ್ರೆಸ್ಟ್ ಮತ್ತು ಮುಂಭಾಗದ ವಿಂಡ್ ಸ್ಕ್ರೀನ್ ಕೂಡ ಇರುವುದಿಲ್ಲ. ಅವೆಂಜರ್ 160 ಸ್ಟ್ರೀಟ್ನಂತೆಯೇ ಅದರ ವಿನ್ಯಾಸವೂ ಇರಲಿದೆ.
ಇದನ್ನೂ ಓದಿ ವ: MG Moto : ಎಂಜಿ ಹೆಕ್ಟರ್ ಬೆಲೆ 61,000 ರೂಪಾಯಿವರೆಗೆ ಏರಿಕೆ; ಶೈನ್ ವೇರಿಯೆಂಟ್ ಬಿಡುಗಡೆ
ಬಜಾಜ್ ಅವೆಂಜರ್ 220 ಸ್ಟ್ರೀಟ್ನ ಬೆಲೆ
ಅವೆಂಜರ್ 220 ಕ್ರೂಸ್ ಬೈಕಿನ ಬೆಲೆಯು ದೆಹಲಿಯ ಎಕ್ಸ್ ಶೋರೂಮ್ನಲ್ಲಿ .1,38,368 ರೂಪಾಯಿ. ಅವೆಂಜರ್ ನ ಸ್ಟ್ರೀಟ್ ವೇರಿಯೆಂಟ್ ಅದಕ್ಕಿಂತ ಕಡಿಮೆ ಬೆಲೆಯಲ್ಲಿ ಸಿಗಬಹುದು ಎಂದು ಹೇಳಲಾಗಿದೆ.