ನವ ದೆಹಲಿ: ಭಾರತದಲ್ಲಿ ಮಧ್ಯಮ ಗಾತ್ರದ ಎಸ್ಯುವಿಗಳು ಪ್ರಾಬಲ್ಯ ಮೆರೆಯುತ್ತಿವೆ. ಆಟೊ ಉದ್ಯಮ ಈ ಸೆಗ್ಮೆಂಟ್ನಲ್ಲಿ ಹೆಚ್ಚು ಹೂಡಿಕೆಗಳನ್ನು ಮಾಡುತ್ತಿದೆ. ಇತ್ತೀಚೆಗೆ ಕಿಯಾ ಕಂಪನಿಯೂ ಸೆಲ್ಟೋಸ್ ಫೇಸ್ಲಿಫ್ಟ್ ಕಾರನ್ನು ಬಿಡುಗಡೆ ಮಾಡಿತ್ತು. ಇದರ ಬೆನ್ನಲ್ಲೇ ಹೋಂಡಾ ಎಲಿವೇಟ್ ಎಸ್ಯುವಿಯನ್ನು ಪ್ರಕಟಿಸಿದೆ. ಇದೀಗ ಹೊಸ ಸಿಟ್ರೋಯೆನ್ ಸಿ 3 ಏರ್ ಕ್ರಾಸ್ ಸಹ ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ತನ್ನ ಛಾಪು ಮೂಡಿಸಲು ಸಿದ್ಧವಾಗಿದೆ. ಸಿಟ್ರೋಯೆನ್ಇ ಸಿ3 ಏರ್ ಕ್ರಾಸ್ ಕಾರಿನ ಮೈಲೇಜ್ ಹಾಗೂ ಇನ್ನಿತರ ಮಾಹಿತಿಯನ್ನು ಪ್ರಕಟಿಸಿದೆ.
ಸಿಟ್ರೋಯೆನ್ ಸಿ3 ಏರ್ ಕ್ರಾಸ್ ಕಾರಿನಲ್ಲಿ 1.2 ಲೀಟರಿನ ಮೂರು ಸಿಲಿಂಡರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದ್ದು, 6 ಸ್ಪೀಡಿನ ಮ್ಯಾನುವಲ್ ಗೇರ್ ಬಾಕ್ಸ್ ನೀಡಲಅಗಿದೆ. ಸಣ್ಣ ಸಿ 3 ಹ್ಯಾಚ್ ಬ್ಯಾಕ್ ನಲ್ಲಿ ಈಗಾಗಲೇ ಲಭ್ಯವಿರುವ ಈ ಪವರ್ ಟ್ರೇನ್ ಅನ್ನು ಇಲ್ಲೂ ಬಳಸಲಾಗಿದೆ. ಇದು 110 ಬಿಹೆಚ್ಪಿ ಪವರ್ ಮತ್ತು 190 ಎನ್ಎಂ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇಂಧನ ದಕ್ಷತೆ ವಿಚಾರಕ್ಕೆ ಬಂದಾಗ ಏರ್ ಕ್ರಾಸ್ 18.5 ಕಿ.ಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿಯು ಹೇಳಿದೆ.
ಈ ಮೈಲೇಜ್ನೊಂದಿಗೆ ಸಿಟ್ರೋಯೆನ್ ಸಿ3 ಏರ್ ಕ್ರಾಸ್ ಮಾರುತಿ ಸುಜುಕಿ ಗ್ರ್ಯಾಂಡ್ ವಿಟಾರಾ ಮತ್ತು ಟೊಯೊಟಾ ಅರ್ಬನ್ ಕ್ರೂಸರ್ ಹೈರೈಡರ್ ನಂತರ ಮೈಲೇಜ್ ವಿಚಾರದಲ್ಲಿ ಎರಡನೇ ಸ್ಥಾನದಲ್ಲಿದೆ. ಈ ಎರಡೂ ಎಸ್ ಯುವಿಗಳ 1.5-ಲೀಟರ್ ನ್ಯಾಚುರಲಿ-ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ 21.12 ಕಿ.ಮೀ ಮೈಲೇಜ್ ನೀಡುತ್ತವೆ.
ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ, ಸಿ3 ಏರ್ ಕ್ರಾಸ್ನ ಟರ್ಬೊ-ಪೆಟ್ರೋಲ್ ಎಂಜಿನ್ ಹ್ಯುಂಡೈ ಕ್ರೆಟಾ (16.85 ಕಿ.ಮೀ) ಮತ್ತು ಕಿಯಾ ಸೆಲ್ಟೋಸ್ (17.35 ಕಿ.ಮೀ) ನಲ್ಲಿ ಕಂಡುಬರುವ 1.5-ಲೀಟರ್ ನಾಲ್ಕು ಸಿಲಿಂಡರ್ ನ್ಯಾಚುರಲಿ-ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ನ ಮೈಲೇಜ್ ಅನ್ನು ಮೀರಿಸುತ್ತದೆ. ಇದು ಸ್ಕೋಡಾ ಕುಶಾಕ್ (16.83 ಕಿ.ಮೀ) ಮತ್ತು ಟೈಗುನ್ (18.23 ಕಿ.ಮೀ) ನ 1.0-ಲೀಟರ್ ಮೂರು ಸಿಲಿಂಡರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ಗಿಂತ ಹೆಚ್ಚು ಇಂಧನ ದಕ್ಷತೆಯನ್ನು ಹೊಂದಿದೆ. ಹೋಂಡಾ ಎಲಿವೇಟ್ ತನ್ನ 1.5-ಲೀಟರ್ ನಾಲ್ಕು ಸಿಲಿಂಡರ್ ನ್ಯಾಚುರಲಿ-ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ 16.11 ಕಿ.ಮೀ ಮೈಲೇಜ್ ನೀಡುವ ಮೂಲಕ ಅತ್ಯಂತ ಕಡಿಮೆ ಇಂಧನ ದಕ್ಷತೆಯನ್ನು ಹೊಂದಿದೆ.
5 ಮತ್ತು 7 ಸೀಟರ್ ಆಯ್ಕೆಯಲ್ಲಿ ಲಭ್ಯವಿರುತ್ತದೆ
ಸಿಟ್ರೋಯೆನ್ ಸಿ 3 ಏರ್ ಕ್ರಾಸ್ ಐದು ಮತ್ತು ಏಳು ಆಸನಗಳ ಕಾನ್ಫಿಗರೇಶನ್ನಲ್ಲಿ ಲಭ್ಯವಿರುತ್ತದೆ. ನಾಲ್ಕು ಕಸ್ಟಮೈಸೇಶನ್ ಪ್ಯಾಕ್ಗಳೊಂದಿಗೆ ಬರಲಿದೆ. ಈ ಎಸ್ಯುವಿಯಲ್ಲಿ 7 ಇಂಚಿನ ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕನ್ಸೋಲ್, 10.25 ಇಂಚಿನ ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಂ, ವೈರ್ಲೆಸ್ ಆಪಲ್ ಕಾರ್ ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ, ಹಿಲ್ ಹೋಲ್ಡ್ ಅಸಿಸ್ಟ್ ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಂನಂತಹ ಫೀಚರ್ಗಳು ಇರಲಿವೆ. ಆದಾಗ್ಯೂ, ಇದು ತನ್ನ ವಿಭಾಗದಲ್ಲಿ ಕಡಿಮೆ ಸುಸಜ್ಜಿತ ಎಸ್ ಯುವಿಯಾಗಿದೆ. ಸನ್ ರೂಫ್, ಸ್ವಯಂಚಾಲಿತ ಹವಾಮಾನ ನಿಯಂತ್ರಣ, ಪುಶ್ ಸ್ಟಾರ್ಟ್-ಸ್ಟಾಪ್ ಬಟನ್ನಂಥ ಫೀಚ್ಗಳು ಇಲ್ಲ.
ಸೆಪ್ಟೆಂಬರ್ನಲ್ಲಿ ಬುಕಿಂಗ್ ಆರಂಭ
ಸಿ 3 ಏರ್ ಕ್ರಾಸ್ ಬುಕಿಂಗ್ ಸೆಪ್ಟೆಂಬರ್ನಲ್ಲಿ ಪ್ರಾರಂಭವಾಗಲಿದೆ ಎಂದು ಸಿಟ್ರೋಯೆನ್ ಘೋಷಿಸಿದೆ. ಹಬ್ಬದ ಋತುವಿನ ಸಮಯಕ್ಕೆ ಸರಿಯಾಗಿ ಅಕ್ಟೋಬರ್ 2023 ರಲ್ಲಿ ವಿತರಣೆಗಳು ಪ್ರಾರಂಭವಾಗಲಿವೆ.