ನವ ದೆಹಲಿ: ಹಾರ್ಲೆ ಡೇವಿಡ್ಸನ್ ಎಕ್ಸ್ 440 ಬಿಡುಗಡೆಯಾದ (Harley-Davidson X440) ಒಂದು ತಿಂಗಳೊಳಗೆ ಏಕಾಏಕಿ ಬೆಲೆಯನ್ನು ಏರಿಸಿಕೊಂಡಿದೆ. ಹೊಸ ಎಂಟ್ರಿ ಲೆವೆಲ್ ಬೈಕಿನ ಬೆಲೆಯನ್ನು ಎಲ್ಲಾ ಮೂರು ವೇರಿಯೆಂಟ್ಗಳಲ್ಲಿ 10,500 ರೂ.ಗಳಷ್ಟು ಹೆಚ್ಚಿಸಲಾಗಿದೆ. ಆಗಸ್ಟ್ 3 ರವರೆಗೆ ಬೈಕ್ ಅನ್ನು ಮಾಡಿದ್ದರೆ ಇನ್ನೂ 2.29 ಲಕ್ಷ ರೂ.ಗಳಿಂದ 2.69 ಲಕ್ಷ ರೂ.ಗಳ ಆರಂಭಿಕ ಬೆಲೆಗಳಿಗೆ ಅರ್ಹರಾಗುತ್ತಾರೆ.
ಆಗಸ್ಟ್ 4ರಿಂದ ಜಾರಿಗೆ ಬರುವಂತೆ,ಎಕ್ಸ್ 440ನ ಬೆಲೆಗಳು ಎಲ್ಲಾ ವೇರಿಯೆಂಟ್ಗಳಿಎ 10,500 ರೂಪಾಯಿ. ಇದರರ್ಥ ಮೂಲ ಡೆನಿಮ್ ರೂಪಾಂತರದ ಬೆಲೆ ಈಗ 2,39,500 ರೂಪಾಯಿಗಳಾಗುತ್ತದೆ. ಮಧ್ಯಮ ಶ್ರೇಣಿಯ ವಿವಿಡ್ ವೇರಿಯೆಂಟ್ನ ಬೆಲೆ 2,59,500 ರೂಪಾಯಿ ಆಗುತ್ತದೆ. ಟಾಪ್ ವೇರಿಯೆಂಟ್ ಎಸ್ 2,79,500 ರೂಪಾಯಿಗಳಾಗುತ್ತದೆ.
ಹಾರ್ಲೆ ಎಕ್ಸ್ 440 ಬೈಕಿನ ಟೆಸ್ಟ್ ರೈಡ್ ಸೆಪ್ಟೆಂಬರ್ 1 ರಿಂದ ಪ್ರಾರಂಭವಾಗಲಿದೆ. ಅಕ್ಟೋಬರ್ನಲ್ಇ ಗ್ರಾಹಕರಿಗೆ ಬೈಕ್ ಗಳನ್ನು ವಿತರಿಸಲು ಪ್ರಾರಂಭಿಸುವುದಾಗಿ ಹೀರೋ ಹೇಳಿದೆ. ಪ್ರಸ್ತುತ, ಎಕ್ಸ್ 440 ಬೈಕಿನ ಬುಕಿಂಗ್ ಮೊತ್ತವು ರೂ.5,000 ಆಗಿದೆ. ಹೀರೋ ಮೋಟೊಕಾರ್ಪ್ ಕಂಪನಿಯು ಹಾರ್ಲೆ ಡೇವಿಡ್ಸನ್ ಎಕ್ಸ್ 440 ಬೈಕಿನ ಉತ್ಪಾದನೆಯನ್ನು ಸೆಪ್ಟೆಂಬರ್ ನಲ್ಲಿ ರಾಜಸ್ಥಾನದ ನೀಮ್ರಾನಾದಲ್ಲಿರುವ ತನ್ನ ಗಾರ್ಡನ್ ಫ್ಯಾಕ್ಟರಿಯಲ್ಲಿ ಆರಂಭಿಸಲಿದೆ. ಬುಕಿಂಗ್ ದಿನಾಂಕಗಳ ಪ್ರಕಾರ ಆದ್ಯತೆಯ ಆಧಾರದ ಮೇಲೆ ಗ್ರಾಹಕರಿಗೆ ವಿತರಣೆ ನಡೆಯಲಿದೆ. ಎಕ್ಸ್ 440ಗಾಗಿ ಮುಂದಿನ ಬುಕಿಂಗ್ ವಿಂಡೋ ಯಾವಾಗ ತೆರೆಯುತ್ತದೆ ಎಂಬ ಮಾಹಿತಿ ಇಲ್ಲ.
ಎಂಜಿನ್ ಸಾಮರ್ಥ್ಯ ಏನು?
ಎಕ್ಸ್ 440 ಬೈಕಿನಲ್ಲಿ ಏರ್/ಆಯಿಲ್ ಕೂಲ್ಡ್ 440 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 6,000 ಆರ್ ಪಿಎಂನಲ್ಲಿ 27 ಬಿಎಚ್ಪಿ ಪವರ್ ಮತ್ತು 4,000 ಆರ್ಪಿಪಿಎಂನಲ್ಲಿ 38 ಎನ್ಎಂ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಈ ಎಂಜಿನ್ನೊಂದಿಗೆ 6 ಸ್ಪೀಡ್ ಗೇರ್ ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ ನೊಂದಿಗೆ ಸ್ಟೀಲ್ ಟ್ರೆಲ್ಲಿಸ್ ಫ್ರೇಮ್ ಅನ್ನು ಅಳವಡಿಸಲಾಗಿದ್ದು, 43 ಎಂಎಂ ಯುಎಸ್ ಡಿ ಫೋರ್ಕ್ ಮತ್ತು ಟ್ವಿನ್ ಶಾಕ್ ಅಬ್ಸಾರ್ಬರ್ ಸೆಟಪ್ ಅನ್ನು ಇಡಲಾಗಿದೆ. ಬ್ರೇಕಿಂಗ್ ಸಿಸ್ಟಂ ಅನ್ನು ದೊಡ್ಡದಾದ 320 ಎಂಎಂ ಫ್ರಂಟ್ ರೋಟರ್ ಮತ್ತು ಡ್ಯುಯಲ್ ಚಾನೆಲ್ ಎಬಿಎಸ್ ಸ್ಟ್ಯಾಂಡರ್ಡ್ ಆಗಿ ಅಳವಡಿಸಲಾಗಿದೆ.
ಸೀಟ್ ಎತ್ತರ 805 ಎಂಎಂ ಮತ್ತು ಎಚ್ಡಿ ಎಕ್ಸ್ 440 190.5 ಕೆ.ಜಿ. ತೂಕವನ್ನು ಹೊಂದಿದೆ. 13.5-ಲೀಟರ್ ಫ್ಯೂಯಲ್ ಟ್ಯಾಂಕ್ ಹೊಂದಿದೆ. 170 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿರುವ ಈ ಬೈಕ್ ಹೊಸ ಎಂಆರ್ಎಫ್ ಜಾಪರ್ ಹೈಕ್ ರಬ್ಬರ್, 100/90-18 (ಮುಂಭಾಗ) ಮತ್ತು 140/70-17 (ಹಿಂಭಾಗ) ಗಾತ್ರದ ಟೈರ್ಗಳನ್ನು ನೀಡಲಾಗಿದೆ.
ವೇರಿಯೆಂಟ್ಗಳ ಕುರಿತು ಮಾಹಿತಿ
ಎಕ್ಸ್ 440 ನ ಬೇಸ್ ಡೆನಿಮ್ ವೇರಿಯೆಂಟ್ ವೈರ್-ಸ್ಪೋಕ್ ರಿಮ್ಗಳು ಮತ್ತು ಕನಿಷ್ಠ ಬ್ಯಾಡ್ಜಿಂಗ್ ನೊಂದಿಗೆ ಬರುತ್ತದೆ. ಮಧ್ಯಮ ಶ್ರೇಣಿಯ ವಿವಿಡ್ ವೇರಿಯೆಂಟ್ ಅಲಾಯ್ ಚಕ್ರಗಳು ಮತ್ತು ಡ್ಯುಯಲ್-ಟೋನ್ ಬಣ್ಣ ಆಯ್ಕೆಗಳೊಂದಿಗೆ ಬರುತ್ತದೆ. ಟಾಪ್-ಸ್ಪೆಕ್ ಎಸ್ ರೂಪಾಂತರವು ಡೈಮಂಡ್-ಕಟ್ ಅಲಾಯ್ ಚಕ್ರಗಳು, ಮೆಕ್ಯಾನಿಕಲ್ ಎಂಜಿನ್ ಕೂಲಿಂಗ್ ಫಿನ್ಗಳು3 ಡಿ ಬ್ಯಾಡ್ಜಿಂಗ್ ಮತ್ತು ಬ್ಲೂಟೂತ್ ಕನೆಕ್ಟಿವಿಟಿಯೊಂದಿಗೆ ಕಲರ್ ಟಿಎಫ್ ಟಿ ಡ್ಯಾಶ್ನೊಂದಿಗೆ ಬರುತ್ತದೆ. ಇದು ನ್ಯಾವಿಗೇಷನ್ ಮತ್ತು ನೋಟಿಫಿಕೇಶನ್ ಅಲರ್ಟ್ಗಳನ್ನು ಸಕ್ರಿಯಗೊಳಿಸುತ್ತದೆ.
ಇದನ್ನೂ ಓದಿ ; Tiago EV : ಭಾರತದ ಇವಿ ಕಾರುಗಳ ಮಾರುಕಟ್ಟೆಯಲ್ಲಿ ಅಗ್ರಸ್ಥಾನ ಪಡೆದ ಟಿಯಾಗೊ
ಡೆನಿಮ್ ವೇರಿಯೆಂಟ್ ಸಾಸಿವೆ ಹಳದಿ ಬಣ್ಣದಲ್ಲಿ ಲಭ್ಯವಿದೆ. ಮುಖ್ಯವಾಗಿ ಕಪ್ಪು ಬೈಕಿನಲ್ಲಿ ಹಳದಿ ಟ್ಯಾಂಕ್ ಇದೆ. ವಿವಿಡ್ ವೇರಿಯೆಂಟ್ ಮೆಟಾಲಿಕ್ ದಪ್ಪ ಕೆಂಪು ಅಥವಾ ಮೆಟಾಲಿಕ್ ಡಾರ್ಕ್ ಸಿಲ್ವರ್ ಬಣ್ಣ ಹೊಂದಿದೆ. ಟಾಪ್-ಸ್ಪೆಕ್ ಎಸ್ ವೇರಿಯೆಂಟ್ ಸ್ಟೆಲ್ಥಿ ಮ್ಯಾಟ್ ಬ್ಲ್ಯಾಕ್ ಬಣ್ಣದಲ್ಲಿ ಮಾತ್ರ ಲಭ್ಯವಿದೆ. ಎಲ್ಲಾ ರೂಪಾಂತರಗಳು ಯುಎಸ್ಬಿ ಚಾರ್ಜಿಂಗ್ ಪೋರ್ಟ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಪಡೆಯುತ್ತವೆ.
ಎಕ್ಸ್ 440 ನ ಡೆನಿಮ್ ವೇರಿಯೆಂಟ್ ಬೆಲೆ 2.29 ಲಕ್ಷ ರೂ.ಗಳಾಗಿದ್ದು, ನಂತರದ ವೇಯೆಯೆಂಟ್ಗೆ 20,000 ರೂಪಾಯಿ ಹೆಚ್ಚಿದೆ. ಅಂದರೆ ವಿವಿಡ್ ನ ಬೆಲೆಯು ರೂ.2.49 ಲಕ್ಷಗಳಾದರೆ, ಟಾಪ್ ಸ್ಪೆಕ್ ಎಸ್ ಬೈಕ್ನ ಬೆಲೆಯು ರೂ.2.69 ಲಕ್ಷಗಳಾಗಿದೆ. ಈ ಬೆಲೆ ವಿಚಾರಕ್ಕೆ ಬಂದರೆ ಹಾರ್ಲೆ-ಡೇವಿಡ್ಸನ್ ಎಕ್ಸ್ 440 ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ಗೆ ಪೈಪೋಟಿ ನೀಡಲಿದೆ.