ಬೆಂಗಳೂರು: ಸೆಮಿ ಕಂಡಕ್ಟರ್ ಚಿಪ್ಗಳ ಕೊರತೆಯ ಹೊರತಾಗಿಯೂ ಭಾರತದಲ್ಲಿ ಕಾರುಗಳ ಮಾರಾಟದಲ್ಲಿ ದಿನದಿಂದ ದಿನಕ್ಕೆ ಪ್ರಗತಿ ಕಾಣುತ್ತಿದೆ. ಜನರು ಕೂಡ ಹೊಸ ಕಾರುಗಳ ಗ್ರಾಹಕರಾಗಲು ಬಯಸುತ್ತಿದ್ದಾರೆ. ಹೀಗಾಗಿ ಭಾರತದಲ್ಲಿ ಅಧಿಪತ್ಯ ಸ್ಥಾಪಿಸಿರುವ ಎಲ್ಲ ಕಾರುಗಳ ಮಾರುಕಟ್ಟೆ ಹಿಗ್ಗುತ್ತಿದೆ. ಅಂತೆಯೇ ಮಾರುತಿ ಸುಜುಕಿಯಿಂದ (Maruti Suzuki ) ಹಿಡಿದು ಟಾಟಾದವರೆಗೆ ಕಳೆದ ಫೆಬ್ರವರಿಯಲ್ಲಿ ಗರಿಷ್ಠ ಸಂಖ್ಯೆಯಲ್ಲಿ ಮಾರಾಟವಾದ ಕಾರುಗಳ ಬಗ್ಗೆ ತಿಳಿದುಕೊಳ್ಳೋಣ.
1. ಮಾರುತಿ ಸುಜುಕಿ ಬಲೆನೊ
ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದ ಕಾರು ಮಾರುತಿ ಸುಜುಕಿಯ ಬಲೆನೊ. ಈ ಬ್ರಾಂಡ್ನ 18,592 ಕಾರುಗಳು ಫೆಬ್ರವರಿ 2023ರಲ್ಲಿ ಮಾರಾಟವಾಗಿವೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 12, 570 ಕಾರುಗಳು ಮಾರಾಟವಾಗಿದ್ದವು.
2. ಮಾರುತಿ ಸುಜುಕಿ ಸ್ವಿಫ್ಟ್
ಭಾರತದ ಜನಪ್ರಿಯ ಹ್ಯಾಚ್ಬ್ಯಾಕ್ ಕಾರು ಮಾರುತಿ ಸುಜುಕಿ ಸ್ವಿಫ್ಟ್ನ 18,412 ಯೂನಿಟ್ ಫೆಬ್ರವರಿಯಲ್ಲಿ ಮಾರಾಟವಾಗಿದೆ. ಆದರೆ, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಕಡಿಮೆ. ಯಾಕೆಂದರೆ ಆ ವರ್ಷ 19,202 ಕಾರುಗಳು ಸೇಲ್ ಆಗಿದ್ದವು.
3. ಮಾರುತಿ ಸುಜುಕಿ ಆಲ್ಟೊ
ಇದು ಭಾರತೀಯರ ಅಚ್ಚುಮೆಚ್ಚಿನ ಕಾರು. ಆದರೆ ಕಳೆದ ಫೆಬ್ರವರಿಯಲ್ಲಿ ಟಾಪ್ 10 ಪಟ್ಟಿಯಲ್ಲಿ 3ನೇ ಸ್ಥಾನ ಪಡೆದುಕೊಂಡಿದೆ. 18,114 ಕಾರುಗಳು ಒಂದು ತಿಂಗಳಲ್ಲಿ ಮಾರಾಟವಾಗಿವೆ. ಕಳೆದ ವರ್ಷ 11, 551 ಕಾರುಗಳು ಮಾರಾಟವಾಗಿದ್ದವು.
4. ಮಾರುತಿ ಸುಜುಕಿ ವ್ಯಾಗನ್ಆರ್
ನಾಲ್ಕನೇ ಸ್ಥಾನ ಪಡೆದ ಕಾರು ಮಾರುತಿ ಸುಜುಕಿಯ ವ್ಯಾಗನ್ಆರ್. 16, 889 ಕಾರುಗಳನ್ನು ಕಂಪನಿ ಮಾರಾಟ ಮಾಡಿದೆ. ಕಳೆದ ವರ್ಷ ಇದೇ ಅವಧಿಯ 14,669 ಕಾರುಗಳಿಗೆ ಹೋಲಿಸಿದರೆ ಪ್ರಗತಿ ಸಾಧಿಸಿದೆ.
5. ಮಾರುತಿ ಸುಜುಕಿ ಡಿಸೈರ್
ಟಾಪ್ 10 ಪಟ್ಟಿಯಲ್ಲಿರುವ ಏಕೈಕ ಸೆಡಾನ್ ಕಾರು ಮಾರುತಿ ಸುಜುಕಿ ಡಿಸೈರ್. 16, 798 ಕಾರುಗಳು ಫೆಬ್ರವರಿಯಲ್ಲಿ ಮಾರಾಟವಾಗಿವೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 17, 438 ಕಾರುಗಳನ್ನು ಕಂಪನಿ ಮಾರಾಟ ಮಾಡಿತ್ತು.
6. ಮಾರುತಿ ಸುಜುಕಿ ಬ್ರೆಜಾ
ಟಾಪ್ 10 ಪಟ್ಟಿಯಲ್ಲಿರುವ ಮೊದಲ ಎಸ್ಯುವಿ. ಫೆಬ್ರವರಿ 2023ರಲ್ಲಿ 15, 787 ಕಾರುಗಳು ಮಾರಾಟವಾಗಿದ್ದವು. ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ ಸಂಖ್ಯೆಯಲ್ಲಿ ವೃದ್ಧಿಯಾಗಿದೆ. 2022ರ ಫೆಬ್ರವರಿಯಲ್ಲಿ 9, 256 ಕಾರುಗಳು ಸೇಲ್ ಅಗಿದ್ದವು.
7. ಟಾಟಾ ನೆಕ್ಸಾನ್
ಪಟ್ಟಿಯಲ್ಲಿ ಸ್ಥಾನ ಪಡೆದ ಎರಡನೇ ಕಾರು. ಆದರೆ ಮಾರುತಿ ಸುಜುಕಿ ಹೊರತುಪಡಿಸಿದಂತೆ ಮೊದಲ ಕಾರು. 13,914 ನೆಕ್ಸಾನ್ ಕಾರುಗಳು ಫೆಬ್ರವರಿ 2023ರಲ್ಲಿ ಸೇಲ್ ಆಗಿವೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 12, 259 ನೆಕ್ಸಾನ್ ಮಾರಾಟವಾಗಿದ್ದವು.
8. ಮಾರುತಿ ಇಕೊ
ಇದು ಲಿಸ್ಟ್ನಲ್ಲಿರುವ ವ್ಯಾನ್. ಒಟ್ಟು 11,352 ಕಾರುಗಳನ್ನು ಮಾರುತಿ ಸುಜುಕಿ ಫೆಬ್ವವರಿಯಲ್ಲಿ ಮಾರಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 9,190 ಕಾರುಗಳು ರಸ್ತೆಗೆ ಇಳಿದಿದ್ದವು.
ಇದನ್ನೂ ಓದಿ: Honda Motorcycle : ಹೋಂಡಾ ಹೈನೆಸ್ ಸಿಬಿ350, ಸಿಬಿ350ಆರ್ಎಸ್ ಹೊಸ ಆವೃತ್ತಿ ಬಿಡುಗಡೆ
9. ಟಾಟಾ ಪಂಚ್
ಟಾಟಾ ಮೋಟಾರ್ಸ್ನ ಮಿನಿ ಎಸ್ಯುವಿ ಪಂಚ್ ನಿಧಾನವಾಗಿ ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಪಡೆಯುತ್ತಿದೆ. ಫೆಬ್ರವರಿಯಲ್ಲಿ ಒಟ್ಟು 11,168 ಕಾರುಗಳು ಮಾರಾಟವಾಗಿವೆ. ಕಳೆದ ವರ್ಷ ಈ ಅವಧಿಯಲ್ಲಿ 9,592 ಕಾರುಗಳನ್ನು ಮಾರಾಟ ಮಾಡಿತ್ತು ಟಾಟಾ ಮೋಟಾರ್ಸ್.
10. ಹ್ಯುಂಡೈ ಕ್ರೆಟಾ
ಈ ಪಟ್ಟಿಯಲ್ಲಿರುವ ಏಕೈಕ ದೊಡ್ಡ ಗಾತ್ರದ ಎಸ್ಯುವಿ ಹ್ಯುಂಡೈ ಕ್ರೆಟಾ. ಫೆಬ್ರವರಿಯಲ್ಲಿ 10, 421 ಕಾರುಗಳು ಮಾರಾಟವಾಗಿದ್ದವು. ಕಳೆದ ವರ್ಷ 9606 ಕಾರುಗಳನ್ನು ಕಂಪನಿ ಮಾರಿತ್ತು.