ಬೆಂಗಳೂರು: ಸ್ಪೋರ್ಟಿ ಲುಕ್ ಹೊಂದಿರುವ ಬೈಕ್ಗಳಿಗೆ (Indian Bikes) ದಿನದಿಂದ ದಿನಕ್ಕೆ ಬೇಡಿಕೆ ಹೆಚ್ಚಾಗುತ್ತಿದೆ. ಪ್ರಮುಖವಾಗಿ ಯುವ ಸಮುದಾಯದ ಗ್ರಾಹಕರು ಇಂಥ ಬೈಕ್ಗಳ ಬಗ್ಗೆ ಹೆಚ್ಚಿನ ಆಸಕ್ತಿ ಹೊಂದಿದ್ದಾರೆ. ಹೀಗಾಗಿ ಭಾರತದಲ್ಲಿರುವ ಪ್ರತಿಯೊಂದು ಕಂಪನಿಗಳೂ ಸ್ಪೋರ್ಟಿ ಲುಕ್ ಹೊಂದಿರುವ ಹಲವು ಬೈಕ್ಗಳನ್ನು ರಸ್ತೆಗಳಿಸಿವೆ. ಇವುಗಳಲ್ಲಿ ಈ ಕೆಳಗೆ ಪಟ್ಟಿ ಮಾಡಿರುವ ಬೈಕ್ಗಳು ಎರಡು ಲಕ್ಷ ರೂಪಾಯಿಗಿಂತ ಕಡಿಮೆ ಬೆಲೆಯಲ್ಲಿ ದೊರೆಯುತ್ತವೆ.
ಕೆಟಿಎಮ್ 125 ಡ್ಯೂಕ್
ಕೆಟಿಎಮ್ ಕಂಪನಿಯ ಈ 124. 7 ಸಿಸಿಯ ಬೈಕ್ ಅತಿವೇಗದ ಸವಾರಿಗೆ ಹೇಳಿ ಮಾಡಿಸಿದಂತಿದೆ. ಇದರಲ್ಲಿ ಲಿಕ್ವಿಡ್ ಕೂಲ್ಡ್ ಡಿಒಎಚ್ಸಿ ಎಂಜಿನ್ ಇದೆ. ಇದು 9,250 ಆರ್ಪಿಎಮ್ನಲ್ಲಿ 14.3 ಎಚ್ಪಿ ಪವರ್ ಬಿಡುಗಡೆ ಮಾಡಿದರೆ, 8000 ಆರ್ಪಿಎಮ್ನಲ್ಲಿ 12 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರ ಬೆಲೆ 1.79 ಲಕ್ಷ ರೂಪಾಯಿ (ಡೆಲ್ಲಿ ಎಕ್ಸ್ ಶೋರೂಮ್).
ಬಜಾಜ್ ಪಲ್ಸರ್ ಎನ್ಎಸ್200, ಆರ್ಎಸ್ 200
ಎರಡೂ ಬೈಕ್ಗಳು 199. 5 ಸಿಸಿಯ ಎಂಜಿನ್ ಹೊಂದಿದೆ. ಇದು ಗರಿಷ್ಠ 24.16 ಎಚ್ಪಿ ಪವರ್ ಹಾಗೂ 18.74 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಬಜಾಜ್ ಪಲ್ಸರ್ನ ಎನ್ಎಸ್ ಬೈಕ್ 1.47 ಲಕ್ಷ ರೂಪಾಯಿಯಿಂದ ಆರಂಭಗೊಂಡರೆ, ಆರ್ಎಸ್ ಬೈಕ್ನ ಬೆಲೆ 1.71 ಲಕ್ಷ ರೂಪಾಯಿಗೆ ಶುರುವಾಗುತ್ತದೆ.
ಟಿವಿಎಸ್ ಅಪಾಚೆ ಆರ್ಟಿಆರ್ 200 4ವಿ
ಟಿವಿಎಸ್ ಅಪಾಚೆ ಆರ್ಟಿಆರ್ 160 ಹಾಗೂ ಆರ್ಟಿಆರ್ 200 4ವಿ ಬೈಕ್ಗಳು 2 ಲಕ್ಷ ರೂಪಾಯಿಗಿಂತ ಕಡಿಮೆ ಬೆಲೆಯಲ್ಲಿ ದೊರೆಯುತ್ತದೆ. 160 ಬೈಕ್ 17.3 ಎಚ್ಪಿ ಪವರ್ ಹಾಗೂ 14.52 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಈ ಬೈಕ್ನ ಗರಿಷ್ಠ ಬೆಲೆ 1.31 ಲಕ್ಷ ರೂಪಾಯಿ (ಎಕ್ಸ್ ಶೋರೂಮ್ ಡೆಲ್ಲಿ). ಅದೇ ರೀತಿ 200 ಸಿಸಿಯ ಬೈಕ್ 20.5 ಎಚ್ಪಿ ಪವರ್ ಬಿಡುಗಡೆ ಮಾಡುತ್ತದೆ. ಈ ಬೈಕ್ನ ಎಕ್ಸ್ಶೋರೂಮ್ ಬೆಲೆ 1.40 ಲಕ್ಷ ರೂಪಾಯಿ.
ಹೀರೋ ಎಕ್ಸ್ಟ್ರೀಮ್ 160
ಹೀರೊ ಎಕ್ಸ್ಟ್ರೀಮ್ ಬೈಕ್ 163 ಸಿಸಿಯ ಎಂಜಿನ್ ಹೊಂದಿದೆ. ಇದು 15 ಬಿಎಚ್ಪಿ ಪವರ್ ಹಾಗೂ 14 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದು ನಾಲ್ಕು ವೇರಿಯೆಂಟ್ಗಳಲ್ಲಿ ಲಭ್ಯವಿದೆ. ಈ ಬೈಕ್ನ ಎಕ್ಸ್ಶೋರೂಮ್ ಗರಿಷ್ಠ ಬೆಲೆ 1.30 ಲಕ್ಷ ರೂಪಾಯಿ. ಹೀರೋ ಎಕ್ಸ್ಟ್ರೀಮ್ 200 ಎಸ್ ಬೈಕ್ ಕೂಡ 2 ಲಕ್ಷ ರೂಪಾಯಿ ಒಳಗೆ ಲಭ್ಯವಿದೆ. ಇದರ ಗರಿಷ್ಠ ಬೆಲೆ 1.35 ಲಕ್ಷ ರೂಪಾಯಿ. ಇದು 17.6 ಬಿಎಚ್ಪಿ ಪವರ್, 16.45 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ.
ಹೋಂಡಾ ಹಾರ್ನೆಟ್ 2.0
ಹೋಂಡಾ ಹಾರ್ನೆಟ್ ಬೈಕ್ನಲ್ಲಿ 184. 40 ಸಿಸಿಯ ಎಂಜಿನ್ ಇದ್ದು, 17 ಬಿಎಚ್ಪಿ ಪವರ್ ಹಾಗೂ 16.1 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಹಾರ್ನೆಟ್ 2.0 ಬೈಕ್ನ ಆರಂಭಿಕ ಬೆಲೆ 1.36 ಲಕ್ಷ ರೂಪಾಯಿಗಳು.
ಸುಜುಕಿ ಜಿಕ್ಸರ್ ಎಸ್ಎಫ್ 150
ಸುಜುಕಿ ಜಿಕ್ಸರ್ ಎಸ್ಎಫ್ನಲ್ಲಿ ಸಿಂಗಲ್ ಸಿಲಿಂಡರ್ 155 ಸಿಸಿಯ ಎಂಜಿನ್ ಇದೆ. ಇದು 13.4 ಎಚ್ಪಿ ಪವರ್ ಹಾಗೂ 13.8 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಈ ಬೈಕ್ನ ಗರಿಷ್ಠ ಎಕ್ಸ್ಶೋರೂಮ್ ಬೆಲೆ 1.48 ಲಕ್ಷ ರೂಪಾಯಿಗಳು.
ಯಮಹಾ ಎಮ್ಟಿ 15
ಯಮಹಾ ಎಮ್ಟಿ 15 ಬೈಕ್ನಲ್ಲಿ 155 ಸಿಸಿ ಲಿಕ್ವಿಡ್ ಕೂಲ್ಡ್ ಎಂಜಿನ್ ಇದೆ. ಇದು ಗರಿಷ್ಠ 18 ಬಿಚ್ಪಿ ಪವರ್ ಹಾಗೂ 14.1 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಈ ಬೈಕ್ನ ಆರಂಭಿಕ ಬೆಲೆ 1.68 ಲಕ್ಷ ರೂಪಾಯಿ.