ಬೆಂಗಳೂರು: ಟಾಟಾ ಪಂಚ್ ಮತ್ತು ಸಿಟ್ರೋನ್ ಸಿ3 ಯಂಥ ಕಾರು ಪ್ರಿಯರ ನೆಚ್ಚಿನ ಮೈಕ್ರೊ ಎಸ್ಯುವಿ ಕಾರುಗಳಿಗೆ ನೇರ ಪ್ರತಿಸ್ಪರ್ಧಿಯಾದ ಹ್ಯುಂಡೈ ಎಕ್ಸ್ಟೆರ್ ಕಾರಿನ ಬೆಲೆ ಅನಾವರಣಗೊಂಡಿದೆ. ಟಾಟಾ ಪಂಚ್ನ ಬೆಲೆ 6 ಲಕ್ಷ ರೂಪಾಯಿಗಳಿಂದ ಪ್ರಾರಂಭವಾದರೆ, ಸಿಟ್ರೋನ್ ಸಿ3 ಹ್ಯಾಚ್ ಬ್ಯಾಕ್ನ ಆರಂಭಿಕ ಬೆಲೆ 6.16 ಲಕ್ಷ ರೂ. ಹೊಸ ಹ್ಯುಂಡೈ ಎಕ್ಟೆರ್ ಕಾರಿನ ಆರಂಭಿಕ ಬೆಲೆ 5.99 ಲಕ್ಷ ರೂಪಾಯಿಗಳಾಗಿದ್ದು, ಟಾಪ್ ಎಂಡ್ ವೇರಿಯೆಂಟ್ನ ಬೆಲೆ 9.31 ಲಕ್ಷ ರೂಪಾಯಿಗಳಾಗಿವೆ. (ಎಕ್ಸ್ ಶೋ ರೂಮ್ ಬೆಲೆ) .
ತನ್ನ ಪ್ರತಿಸ್ಪರ್ಧಿಗಳಂತೆಯೇ, ಹ್ಯುಂಡೈ ಎಕ್ಸ್ಟೆರ್ ಕೂಡ ಕಾಂಪ್ಯಾಕ್ಟ್ ಹ್ಯಾಚ್ ಬ್ಯಾಕ್ನ ಎಲ್ಲ ಹೋಲಿಕೆಗಳನ್ನು ಹೊಂದಿವೆ. ಆದರೆ ಎತ್ತರದ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು ಒರಟಾದ ಸ್ಟೈಲಿಂಗ್ ಅಂಶಗಳು ಹೆಚ್ಚುಗಾರಿಕೆಯಾಗಿದೆ ಮುಂಭಾಗ ಮತ್ತು ಹಿಂಭಾಗದಲ್ಲಿ ಫಾಕ್ಸ್ ಸ್ಕಿಡ್ ಪ್ಲೇಟ್ ಗಳು, ಬಂಪರ್ಗಳ ಮೇಲೆ ಬಾಡಿ ಕ್ಲಾಡಿಂಗ್ ಮತ್ತು ಚಕ್ರದ ಕಮಾನುಗಳ ಮೇಲೆ ಬಾಡಿ ಮೌಲ್ಡಿಂಗ್ಗಳನ್ನು ಹೊಂದಿದೆ. ಎಕ್ಸ್ಟರ್ ಎಚ್ಆಕಾರದ ಡೇರನ್ನಿಂಗ್ ಎಲ್ಇಡಿಗಳು ಮತ್ತು ಎಲ್ಇಡಿ ಪ್ರಾಜೆಕ್ಟರ್ಗಳನ್ನು ಹೊಂದಿದೆ. ಸ್ಪ್ಲಿಟ್ ಹೆಡ್ಲ್ಯಾಂಪ್ ಸೆಟ್ಅಪ್ ಕೂಡ ಇದರಲ್ಲಿದೆ. ಇದು ಮುಂಭಾಗದಲ್ಲಿ ಎಚ್-ಆಕಾರದ ಎಲ್ಇಡಿ ಲೈಟ್ಗಳನ್ನು ನೀಡಲಾಗಿದೆ.
ಇಂಟೀರಿಯರ್ ಹೇಗಿದೆ?
ಕ್ಯಾಬಿನ್ ಒಳಗೆ, ಹ್ಯುಂಡೈ ಎಕ್ಸ್ಟರ್ ಮೂರು ಒಳಾಂಗಣ ವಿನ್ಯಾಸಗಳನ್ನು ಹೊಂದಿದೆ. ಲೈಟ್ ಗ್ರೇ, ಕಾಸ್ಮಿಕ್ ಬ್ಲೂ ಮತ್ತು ಲೈಟ್ ಸೀಜ್. ಡ್ಯಾಶ್ಬೋರ್ಡ್ ವಿನ್ಯಾಸ ಹೊಂದಿದೆ. ಇದು ಗ್ರ್ಯಾಂಡ್ ಐ10 ನಿಯೋಸ್ನಿಂದ ಸ್ಫೂರ್ತಿ ಪಡೆದಿದೆ. ಇದು ಐ20 ಮತ್ತು ವೆರ್ನಾದಿಂದ ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರೂಮೆಂಟ್ ಕನ್ಸೋಲ್, ವೃತ್ತಾಕಾರದ ಎಸಿ ವೆಂಟ್ಗಳು, 8 ಇಂಚಿನ ಟಚ್ಸ್ಟ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಮತ್ತು ಗ್ರ್ಯಾಂಡ್ ಐ 10 ನಿಯೋಸ್ನ ಸೆಂಟರ್ ಕನ್ಸೋಲ್ ಒಳಗೊಂಡಿದೆ.
ಎಕ್ಸ್ಟೆರ್ ಕಾರು ಪುಶ್ ಸ್ಟಾರ್ಟ್-ಸ್ಟಾಪ್ ಬಟನ್, ಸರಿಹೊಂದಿಸಬಹುದಾದ ಡ್ರೈವರ್ ಸೀಟ್, ಸಿಂಗಲ್-ಪ್ಯಾನ್ ಸನ್ ರೂಫ್ (ಸೆಗ್ಮೆಂಟ್-ಫಸ್ಟ್), ವೈರ್ ಲೆಸ್ ಚಾರ್ಜರ್, ಕೂಲ್ಡ್ ಗ್ಲೋವ್ ಬಾಕ್ಸ್, ಹಿಂಭಾಗದ ಎಸಿ ವೆಂಟ್ ಗಳು, ಪ್ಯಾಡಲ್ ಶಿಫ್ಟರ್ಗಳು, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಮತ್ತು ಇನ್ಬಿಲ್ಟ್ ಡ್ಯಾಶ್ ಕ್ಯಾಮ್ ಅನ್ನು ಒಳಗೊಂಡಿದೆ.
ಇದನ್ನೂ ಓದಿ : Hyundai Exter: ಹ್ಯುಂಡೈ ಕಂಪನಿಯ ಹೊಸ ಎಕ್ಸ್ಟೆರ್ ಕಾರಿನ ವಿನ್ಯಾಸ ಹೇಗಿದೆ?
ಟಾಪ್-ಸ್ಪೆಕ್ ಎಸ್ಎಕ್ಸ್ (ಒ) ಕನೆಕ್ಟ್ ರೂಪಾಂತರವು ಹ್ಯುಂಡೈನ ಕನೆಕ್ಟೆಡ್ ಕಾರು ವೈಶಿಷ್ಟ್ಯಗಳನ್ನು ಸಹ ನೀಡುತ್ತದೆ. ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ ಆರು ಏರ್ ಬ್ಯಾಗ್ ಗಳು, ಇಬಿಡಿಯೊಂದಿಗೆ ಎಬಿಎಸ್, ರಿವರ್ಸ್ ಪಾರ್ಕಿಂಗ್ ಸೆನ್ಸಾರ್ ಗಳು, ಹಿಂಭಾಗದ ಕ್ಯಾಮೆರಾ, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಹಿಲ್ ಹೋಲ್ಡ್ ಅಸಿಸ್ಟ್ ಸೇರಿವೆ.
ಎಂಜಿನ್ ಹೇಗಿದೆ
ಹ್ಯುಂಡೈ ಎಕ್ಸ್ಟರ್ 1.2-ಲೀಟರ್ ನಾಲ್ಕು ಸಿಲಿಂಡರ್ ನ್ಯಾಚುರಲಿ-ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಹೊಂದಿದೆ. 5-ಸ್ಪೀಡ್ ಮ್ಯಾನುವಲ್ ಮತ್ತು 5-ಸ್ಪೀಡ್ ಎಎಂಟಿ ಗೇರ್ ಬಾಕ್ಸ್ ಆಯ್ಕೆಗಳೊಂದಿಗೆ ಲಭ್ಯವಿದೆ. ಈ ಎಂಜಿನ್ 83 ಬಿಎಚ್ಪಿ ಪವರ್ ಮತ್ತು 113.8 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು ಗ್ರ್ಯಾಂಡ್ ಐ 10 ನಿಯೋಸ್, ಔರಾ, ಐ 20 ಮತ್ತು ವೆನ್ಯೂಗಳಂತಹ ಇತರ ಕಾಂಪ್ಯಾಕ್ಟ್ ಹ್ಯುಂಡೈ ಮಾದರಿಗಳಲ್ಲಿ ಕಂಡುಬರುವ ಅದೇ ಎಂಜಿನ್. ಎಕ್ಸ್ಟೆರ್ ಸಿಎನ್ ಜಿ ಇಂಧನ ಆಯ್ಕೆಯನ್ನು ನೀಡುತ್ತದೆ, ಸಿಎನ್ಜಿಮೋಡ್ನಲ್ಲಿ ಕಾರ್ಯನಿರ್ವಹಿಸುವಾಗ 69 ಪಿಎಸ್ ಶಕ್ತಿ ಮತ್ತು 95.2 ಎನ್ಎಂ ಟಾರ್ಕ್ ಅನ್ನು ನೀಡುತ್ತದೆ.
ಅಟ್ಲಾಸ್ ವೈಟ್, ಕಾಸ್ಮಿಕ್ ಬ್ಲೂ, ಫೈರಿ ರೆಡ್, ರೇಂಜರ್ ಖಾಕಿ, ಸ್ಟಾರ್ರಿ ನೈಟ್, ಟೈಟಾನ್ ಗ್ರೇ, ಅಟ್ಲಾಸ್ ಬ್ಲ್ಯಾಕ್ ವಿತ್ ಅಬಿಸ್ ಬ್ಲ್ಯಾಕ್, ಕಾಸ್ಮಿಕ್ ಬ್ಲೂ ವಿತ್ ಅಬಿಸ್ ಬ್ಲ್ಯಾಕ್ ಮತ್ತು ರೇಂಜರ್ ಖಾಕಿ ವಿತ್ ಅಬಿಸ್ ಬ್ಲ್ಯಾಕ್ ಸೇರಿದಂತೆ ಎಕ್ಸ್ಟರ್ ಕಾರಿನಲ್ಲಿ ಗ್ರಾಹಕರು ಒಂಬತ್ತು ಬಣ್ಣದ ಆಯ್ಕೆಗಳನ್ನು ಆಯ್ಕೆ ಮಾಡಬಹುದು.