ಬೆಂಗಳೂರು : ಬ್ಯಾಟರಿ ಚಾಲಿತ ದ್ವಿ ಚಕ್ರ ವಾಹನಗಳಿಗೆ ದಿನದಿಂದ ದಿನಕ್ಕೆ ಬೇಡಿಕೆ ಹೆಚ್ಚುತ್ತಿದ್ದು, ಕಂಪನಿಗಳ ಉತ್ಸಾಹವೂ ಹಿಗ್ಗುತ್ತಿದೆ. ಅಂತೆಯೇ ಹೈದರಾಬಾದ್ ಮೂಲದ ಸಂಸ್ಥೆ ಪ್ಯೂರ್ ಇವಿ ಹೊಚ್ಚ ಹೊಸ ಎಲೆಕ್ಟ್ರಿಕ್ ಬೈಕ್ ಮಾರುಕಟ್ಟೆಗೆ ಬಿಡಲು ಸಜ್ಜಾಗಿದೆ. ಅದು ಒಂದು ಬಾರಿ ಚಾರ್ಜ್ ಮಾಡಿದರೆ ಅದು 135 ಕಿಲೊ ಮೀಟರ್ ಸಾಗುತ್ತದೆ ಎಂದು ಕಂಪನಿ ಹೇಳಿದೆ. ಬೈಕ್ಗೆ ಇಕೊಡ್ರಿಫ್ಟ್ ಎಂದು ಹೆಸರು ಇಡಲಾಗಿದ್ದು, 2023ರ ಜನವರಿ ಆರಂಭದಲ್ಲಿ ಮಾರುಕಟ್ಟೆಗೆ ಪರಿಚಯಗೊಳ್ಳಲಿದೆ. ಇದು ಸಂಪೂರ್ಣವಾಗಿ ಭಾರತದಲ್ಲೇ ತಯಾರದ ಬೈಕ್ ಎಂದು ಹೇಳಲಾಗಿದೆ.
ಬೈಕ್ನಲ್ಲಿ 3 ಕಿಲೋ ವ್ಯಾಟ್ನ ಬ್ಯಾಟರಿ ಇರಲಿದ್ದು, ಕಂಪನಿಯೇ ಬ್ಯಾಟರಿ ಪ್ಯಾಕ್ ಅನ್ನು ತಯಾರಿಸಿದೆ. ಬೈಕ್ ಗರಿಷ್ಠ 75 ಕಿಲೋ ಮೀಟರ್ ವೇಗದಲ್ಲಿ ಸಾಗಲಿದ್ದು ದೈನಂದಿನ ಪ್ರಯಾಣಕ್ಕೆ ಪೂರಕವಾಗಿ ನಿರ್ಮಾಣ ಮಾಡಲಾಗಿದೆ.
ಹೈದರಾಬಾದ್ ಮೂಲದ ಈ ಕಂಪನಿಯು ಭಾರತದಾದ್ಯಂತ 100 ಡೀಲರ್ಶಿಪ್ ಹೊಂದಿದೆ. ಈ ಶೋರೂಮ್ಗಳಿಗೆ ತೆರಳಿ ಬೈಕ್ನ ಟೆಸ್ಟ್ ರೈಡ್ ಮಾಡಬಹುದು. ಅದೇ ರೀತಿ ಸೇಲ್ ಹಾಗೂ ಆಫ್ಟರ್ ಸೇಲ್ ಸೇವೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಕಂಪನಿಯು ಸಾಕಷ್ಟು ಕೆಲಸಗಳನ್ನು ಮಾಡುತ್ತಿದೆ. ರೆಡ್, ಬ್ಲಾಕ್, ಗ್ರೇ ಮತ್ತು ಬ್ಲೂ ಬಣ್ಣದಲ್ಲಿ ಇಕೊಡ್ರಿಫ್ಟ್ ಬೈಕ್ಗಳು ಮಾರಾಟವಾಗಲಿವೆ.
ಪ್ಯೂರ್ ಇವಿ ಕಂಪನಿಯು ಅದಾಗಲೇ ಇಟ್ರಿಸ್ಟ್ 350 ಎಂಬ ಬೈಕ್ ಅನ್ನು ಮಾರುಕಟ್ಟೆಗೆ ಇಳಿಸಿದೆ. ಅದು ಗರಿಷ್ಠ 85 ಕಿಲೋ ಮೀಟರ್ ವೇಗದಲ್ಲಿ ಸಾಗುತ್ತದೆ. ಇದರಲ್ಲಿ 3.5 ಕಿಲೋವ್ಯಾಟ್ ಸಾಮರ್ಥ್ಯದ ಬ್ಯಾಟರಿಯಿದ್ದು, 6 ಗಂಟೆಗಳ ಅವಧಿಯಲ್ಲಿ ಪೂರ್ಣ ಚಾರ್ಜ್ ಆಗುತ್ತದೆ. ಇದು 90 ಕಿಲೋಮೀಟರ್ನಿಂದ 140 ಮೀಟರ್ ದೂರಕ್ಕೆ ಸಾಗುತ್ತದೆ. ಇದರಲ್ಲಿ ಡ್ರೈವ್, ಕ್ರಾಸ್ ಓವರ್ ಮತ್ತು ಥ್ರಿಲ್ ಎಂಬ ಮೂರು ರೈಡಿಂಗ್ ಮೋಡ್ಗಳಿವೆ.
ಇದನ್ನೂ ಓದಿ | MG Motor | ಭಾರತದಲ್ಲಿ ಅಗ್ಗದ ದರದ ಎಲೆಕ್ಟ್ರಿಕ್ ಕಾರು ಮಾರುಕಟ್ಟೆಗೆ ಇಳಿಸುವ ಸೂಚನೆ ಕೊಟ್ಟ ಎಮ್‌ಜಿ ಮೋಟಾರ್‌