ಬೆಂಗಳೂರು: ಭಾರತದ ಕಾರು ಮಾರುಕಟ್ಟೆಯಲ್ಲಿ ಈಗ ಎಸ್ಯುವಿಗಳದ್ದೇ ಅಬ್ಬರ. ನೋಡಲು ದೊಡ್ಡದಾಗಿರುವ ಹಾಗೂ ಉತ್ತಮ ಸವಾರಿ ಅನುಭವ ನೀಡುವ ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್ ಬಗ್ಗೆ ಜನರ ಆಸಕ್ತಿಯೂ ಹೆಚ್ಚಾಗಿದೆ. ಹೀಗಾಗಿ ವಾಹನ ತಯಾರಿಕಾ ಕಂಪನಿಗಳು ಕೂಡ ಎಸ್ಯುವಿ ಕಾರುಗಳನ್ನು ಮಾರುಕಟ್ಟೆಗೆ ಇಳಿಸುತ್ತಿವೆ. ಹೀಗಾಗಿ ಈ ಸೆಗ್ಮೆಂಟ್ನಲ್ಲಿ ದರ ಪೈಪೋಟಿ ಶುರುವಾಗಿದೆ. ಅದಕ್ಕಾಗಿ ಕಾಂಪಾಕ್ಟ್ ಎಸ್ಯುವಿ, ಮಿಡ್ ಸೈಜ್ ಎಸ್ಯುವಿ ಎಂದೆಲ್ಲ ವರ್ಗೀಕರಣ ಮಾಡಿ ಮಾರುಕಟ್ಟೆಗೆ ಬಿಡಲಾಗುತ್ತಿದೆ. ಈ ಕಾರುಗಳಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಶುರುವಾಗಿದೆ. ಇಲ್ಲೂ ಡೀಸೆಲ್ ಕಾರುಗಳಿಗೆ ಡಿಮ್ಯಾಂಡ್ ಜಾಸ್ತಿ. ಹಾಗಾದರೆ ಎಸ್ಯುವಿಗಳ ಪಟ್ಟಿಯಲ್ಲಿ ಡಿಮ್ಯಾಂಡ್ ಜಾಸ್ತಿ ಇರುವ 1.5 ಲೀಟರ್ ಎಂಜಿನ್ ಇರುವ ಡೀಸೆಲ್ ಕಾರುಗಳು ಯಾವುದೆಲ್ಲ ಎಂದು ನೋಡೋಣ.
ಟಾಟಾ ನೆಕ್ಸಾನ್
ಟಾಟಾ ನೆಕ್ಸಾನ್ ಡೀಸೆಲ್ ಕಾರಿನಲ್ಲಿ 1.5 ಲೀಟರ್ನ ಟರ್ಬೊ ಚಾರ್ಜ್ಡ್ ಎಂಜಿನ್ ಇದೆ. ಇದು 115 ಬಿಎಚ್ಪಿ ಪವರ್ ಹಾಗೂ 260 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರಲ್ಲಿ ಆರು ಸ್ಪೀಡ್ನ ಮ್ಯಾನುಯಲ್ ಹಾಗೂ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆಯಿದೆ. ಬೆಲೆ 10 ಲಕ್ಷದಿಂದ ಆರಂಭಗೊಂಡು 13.70 ಲಕ್ಷ ರೂಪಾಯಿ (ಎಕ್ಸ್ ಶೋರೂಮ್) ತನಕ ಇದೆ.
ಕಿಯಾ ಸೋನೆಟ್
ಕಿಯಾ ಕಂಪನಿಯ ಈ ಕಾಂಪ್ಯಾಕ್ಟ್ ಎಸ್ಯುವಿ ಸೋನೆಟ್ 1.5 ಲೀಟರ್ನ ಎಂಜಿನ್ ಹೊಂದಿದೆ. ಇದು 100 ಪಿಎಸ್ ಪವರ್ ಹಾಗೂ 240 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರಲ್ಲಿ ಆರು ಸ್ಪೀಡ್ನ ಮ್ಯಾನುಯಲ್ ಗೇರ್ ಬಾಕ್ಸ್ ಆಯ್ಕೆಯಿದೆ. ಅದೇ ರೀತಿ ಆಟೊಮ್ಯಾಟಿಕ್ ಗೇರ್ ಬಾಕ್ಸ್ ಹೊಂದಿರುವ ಸೋನೆಟ್ 115 ಪಿಎಸ್ ಪವರ್ ಹಾಗೂ 250 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರ ಬೆಲೆ 9.45 ಲಕ್ಷ ರೂಪಾಯಿಂದ ಆರಂಭಗೊಂಡು 14.39 ಲಕ್ಷ ರೂಪಾಯಿ ತನಕ ಇದೆ.
ಹ್ಯುಂಡೈ ವೆನ್ಯು
ಹ್ಯುಂಡೈ ವೆನ್ಯು ಡೀಸೆಲ್ ಕಾರಿನ ಬೆಲೆ 10.46 ಲಕ್ಷ ರೂಪಾಯಿಂದ 13.14 ಲಕ್ಷ ರೂಪಾಯಿ ತನಕ ಇದೆ. (ಎಕ್ಸ್ಶೋರೂಮ್). ಈ ಕಾಂಪಾಕ್ಟ್ ಎಸ್ಯುವಿಯಲ್ಲಿ 1.5 ಲೀಟರ್ನ ಟರ್ಬೊ ಡೀಸೆಲ್ ಎಂಜಿನ್ ಇದೆ. ವೆನ್ಯು ಕಾರು 116 ಬಿಎಚ್ಪಿ ಪವರ್ ಹಾಗೂ 250 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ.
ಕಿಯಾ ಸೆಲ್ಟೋಸ್
ಕಿಯಾ ಸೆಲ್ಟೋಸ್ ಡೀಸೆಲ್ ಕಾರಿನ ಬೆಲೆ 12.39 ಲಕ್ಷ ರೂಪಾಯಿಗೆ ಆರಂಭಗೊಳ್ಳುತ್ತದೆ. ಗರಿಷ್ಠ ಬೆಲೆ 19.65 ಲಕ್ಷ ರೂಪಾಯಿ. ಇದರಲ್ಲಿ ನಾಲ್ಕು ಸಿಲಿಂಡರ್ನ ಟರ್ಬೊ ಡೀಸೆಲ್ ಎಂಜಿನ್ ಇದ್ದು 116 ಬಿಎಚ್ಪಿ ಪವರ್ ಹಾಗೂ 250 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. 6 ಸ್ಪೀಡ್ನ ಮ್ಯಾನುಯಲ್ ಹಾಗೂ 6 ಸ್ಪೀಡ್ನ ಐಎಮ್ಟಿ ಗೇರ್ಬಾಕ್ಸ್ ಇದರಲ್ಲಿದೆ.
ಮಹೀಂದ್ರಾ ಎಕ್ಸ್ಯುವಿ 300
ಮಹೀಂದ್ರಾ ಕಂಪನಿಯ ಎಕ್ಸ್ಯುವಿ 300 ಡೀಸೆಲ್ ಕಾರಿನ ಬೆಲೆ 9.90 ಲಕ್ಷ ರೂಪಾಯಿಯಿಂದ ಆರಂಭಗೊಂಡು 14.60 ಲಕ್ಷ ರೂಪಾಯಿವರೆಗೆ ಇದೆ. ಇದರಲ್ಲೂ 1.5 ಲೀಟರ್ನ ಟರ್ಬೊ ಎಂಜಿನ್ ಇದೆ. 117 ಬಿಎಚ್ಪಿ ಪವರ್ ಹಾಗೂ 300 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ ಈ ಎಂಜಿನ್. 6 ಸ್ಪೀಡ್ನ ಮ್ಯಾನುಯಲ್ ಹಾಗೂ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆ ಇಲ್ಲಿದೆ.
ಮಹೀಂದ್ರಾ ಥಾರ್
ಮಹಿಂದ್ರಾ ಕಂಪನಿಯ ಥಾರ್ ಡೀಸೆಲ್ ಕಾರುಗಳು 10.55 ಲಕ್ಷ ರೂಪಾಯಿಂದ ಆರಂಭಗೊಂಡು 16.78 ಲಕ್ಷ ರೂಪಾಯಿ ತನಕ ಬೆಲೆ ಹೊಂದಿದೆ. ಇದರಲ್ಲೂ 1.5 ಲೀಟರ್ನ ಟರ್ಬೊ ಎಂಜಿನ್ ಇದ್ದು, 118 ಬಿಎಚ್ಪಿ ಪವರ್ ಹಾಗೂ 300 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಸಿಕ್ಸ್ ಸ್ಪೀಡ್ನ ಮ್ಯಾನುಯಲ್ ಹಾಗೂ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಆಯ್ಕೆಗಳಿವೆ.
ಹ್ಯುಂಡೈ ಕ್ರೆಟಾ
ಇದರಲ್ಲಿಯೂ 1.5 ಲೀಟರ್ನ ಡೀಸೆಲ್ ಎಂಜಿನ್ ಆಯ್ಕೆಯಿದೆ. ಈ ಟರ್ಬೊ ಎಂಜಿನ್ 116 ಬಿಎಚ್ಪಿ ಪವರ್ ಹಾಗೂ 250 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಕಾರಿನ ಬೆಲೆ 11.96 ಲಕ್ಷ ರೂಪಾಯಿಯಿಂದ ಆರಂಭಗೊಂಡು 19.20 ಲಕ್ಷ ರೂಪಾಯಿ ತನಕ ಇದೆ.
ಮಹಿಂದ್ರಾ ಬೊಲೆರೊ
ಮಹೀಂದ್ರಾ ಬೊಲೆರೊ ಕಾರು 9.78 ಲಕ್ಷ ರೂಪಾಯಿಂದ ಆರಂಭಗೊಂಡು 10.78 ಲಕ್ಷ ರೂಪಾಯಿ ತನಕ ಇದೆ. ಇದರಲ್ಲಿ 1.5 ಲೀಟರ್ನ ಡೀಸೆಲ್ ಎಂಜಿನ್ ಇದೆ. ಇದು 76 ಬಿಎಚ್ಪಿ ಪವರ್ ಹಾಗೂ 210 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ.