Tata Altroz : ಟಾಟಾ ಆಲ್ಟ್ರೋಜ್ನಲ್ಲಿ ಎರಡು ಹೊಸ ವೇರಿಯೆಂಟ್ಗಳ ಪರಿಚಯ; ಏನೇನಿವೆ ಫೀಚರ್ಗಳು?

Sukhesha Padibagilu

1 ವರ್ಷ ago

ಬೆಂಗಳೂರು: ಟಾಟಾ ಮೋಟಾರ್ಸ್ ತನ್ನ ಆಲ್ಟ್ರೋಜ್ ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಕಾರಿನಲ್ಲಿ ಎಕ್ಸ್ ಎಂ ಮತ್ತು ಎಕ್ಸ್ ಎಂ (ಎಸ್) ಎಂಬ ಎರಡು ಹೊಸ ವೇರಿಯೆಂಟ್ಗಳನ್ನು ಗ್ರಾಹಕರಿಗೆ ಪರಿಚಯಿಸಿದೆ ಇದು 1.2 ಪೆಟ್ರೋಲ್-ಮ್ಯಾನುವಲ್ ಪವರ್ ಟ್ರೇನ್ನೊಂದಿಗೆ ಮಾತ್ರ ಲಭ್ಯವಿದೆ. ದೆಹಲಿಯ ಎಕ್ಸ್ ಶೋರೂಂ ದರದಂತೆ ಕ್ರಮವಾಗಿ ರೂ.6.90 ಲಕ್ಷ ಮತ್ತು ರೂ.7.35 ಲಕ್ಷ ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ. ಈ ಹೊಸ ಟ್ರಿಮ್ಗಳು ಸನ್ರೂಫ್, ಎತ್ತರ ಸರಿಹೊಂದಿಸಬಹುದಾದ ಡ್ರೈವರ್ ಸೀಟ್ ಸೇರಿದಂತೆ ಹಲವು ಹೊಸ ಫೀಚರ್ಗಳನ್ನು ಹೊಂದಿದೆ. ಇದಲ್ಲದೆ, ಆಲ್ಟ್ರೋಜ್ನ ಇತರ ವೇರಿಯೆಂಟ್ಗಳು ಕೂಡ ಸ್ಟ್ಯಾಂಡರ್ಡ್ ಆಗಿ ಹೊಸ ಫೀಚರ್ಗಳನ್ನು ಪಡೆದುಕೊಳ್ಳುತ್ತದೆ.

Introducing Tata ALTROZ XM and XM(S) variants, now with high-end features at an entry-level price. Accessorize the variants as per your choice!

Visit https://t.co/u8pVKNNCPi to book yours today!#ALTROZXM #ALTROZXMS #ALTROZ #TheGoldStandard #PremiumHatchback #TataMotors pic.twitter.com/nDmIYV5vSS
— Tata Motors Cars (@TataMotors_Cars) July 20, 2023

ಆಲ್ಟ್ರೋಜ್ ಎಕ್ಸ್ ಎಂ ಸ್ಟೀರಿಂಗ್-ಮೌಂಟೆಡ್ ಕಂಟ್ರೋಲ್ಗಳು, ಎತ್ತರವನ್ನು ಸರಿಹೊಂದಿಸಬಹುದಾದ ಡ್ರೈವರ್ ಸೀಟ್, ಎಲೆಕ್ಟ್ರಿಕಲ್ ಆಗಿ ಸರಿಹೊಂದಿಸಬಹುದಾದ ವಿಂಗ್ ಮಿರರ್ಗಳು ಮತ್ತು ವ್ಹೀಲ್ ಕವರ್ ಹೊಂದಿರುವ 16 ಇಂಚಿನ ಸ್ಟೀಲ್ ವ್ಹೀಲ್ ಸೇರಿದಂತೆ ಹಲವು ಫೀಚರ್ಗಳೊಂದಿಗೆ ರಸ್ತೆಗಿಳಿದಿದೆ. ಮತ್ತೊಂದೆಡೆ, ಎಕ್ಸ್ಎಂ (ಎಸ್) ಟ್ರಿಮ್, ಎಕ್ಸ್ಎಂ ವೇರಿಯೆಂಟ್ಗಿಂತ ಹೆಚ್ಚುವರಿಯಾಗಿ ಸನ್ರೂಫ್ ಸಹ ಪಡೆಯುತ್ತದೆ. 9 ಇಂಚಿನ ಟಚ್ ಸ್ಕ್ರೀನ್ ಎರಡೂ ವೇರಿಯೆಂಟ್ಗಳಲ್ಲಿ ಆಯ್ಕೆಯನ್ನೂ ನೀಡಲಾಗಿದೆ.

ಆಲ್ಟ್ರೋಜ್ ನ ಎಲ್ಲಾ ಪೆಟ್ರೋಲ್-ಮ್ಯಾನುವಲ್ ವೇರಿಯೆಂಟ್ಗಳು ಈಗ ನಾಲ್ಕು ಪವರ್ ವಿಂಡೋಸ್ ಮತ್ತು ಕಿ ಲೆಸ್ ಎಂಟ್ರಿಯನ್ನು ಸ್ಟ್ಯಾಂಡರ್ಡ್ ಆಗಿ ಪಡೆಯಲಿವೆ ಎಂಬುದಾಗಿ ಟಾಟಾ ಮೋಟಾರ್ಸ್ ಘೋಷಿಸಿದೆ. ಹೆಚ್ಚುವರಿಯಾಗಿ, ಎಕ್ಸ್ಇ, ಎಕ್ಸ್ಎಂ +, ಎಕ್ಸ್ಎಂ+ (ಎಸ್) ಮತ್ತು ಎಕ್ಸ್ಟಿ ವೇರಿಯೆಂಟ್ಗಳ ಪೆಟ್ರೋಲ್-ಮ್ಯಾನುವಲ್ ಕಾನ್ಫಿಗರೇಶನ್ ಸಹ ಹೊಸ ಫೀಚರ್ಗಳನ್ನು ಪಡೆಯುತ್ತವಎ. ಅವು ಈ ಕೆಳಗಿನಂತಿವೆ:

ಎಕ್ಸ್ಇ ಫಾಲೋ-ಮಿ-ಹೋಮ್ ಲ್ಯಾಂಪ್ಗಳನ್ನು ಹೊಂದಿದ್ದರೆ, ಎಕ್ಸ್ಎಂ + ಮತ್ತು ಎಕ್ಸ್ಎಂ + (ಎಸ್) ಟ್ರಿಮ್ಗಳು ಈಗ ರಿವರ್ಸ್ ಕ್ಯಾಮೆರಾ, ಎತ್ತರ ಸರಿಹೊಂದಿಸಬಹುದಾದ ಡ್ರೈವರ್ ಸೀಟ್ ಮತ್ತು ಕ್ರೂಸ್ ಕಂಟ್ರೋಲ್ ಜತೆ ಬರುತ್ತದೆ. ಕೊನೆಯದಾಗಿ, ಎಕ್ಸ್ ಟಿ ಟ್ರಿಮ್ ಎತ್ತರವನ್ನು ಸರಿಹೊಂದಿಸಬಹುದಾದ ಡ್ರೈವರ್ ಸೀಟ್, 16 ಇಂಚಿನ ಹೈಪರ್ ಸ್ಟೈಲ್ ವೀಲ್ಗಳು ಮತ್ತು ಹಿಂಭಾಗದ ಡಿಫಾಗರ್ ಸಹ ಪಡೆಯುತ್ತದೆ.

ಇದನ್ನೂ ಓದಿ : KIA Seltos : ಕಿಯಾ ಸೆಲ್ಟೋಸ್ನ ಫೇಸ್ಲಿಫ್ಟ್ ಬೆಲೆ ಅನಾವರಣ; ಎಷ್ಟಿದೆ, ಫೀಚರ್ ಇತ್ಯಾದಿ ಮಾಹಿತಿ ಇಲ್ಲಿದೆ

ಪ್ರತಿಸ್ಪರ್ಧಿ ಯಾರು?

ಟಾಟಾ ಆಲ್ಟ್ರೊಜ್ ಕಾರಿಗೆ ಹ್ಯುಂಡೈ ಐ20 ಕಾರು ನೇರ ಪ್ರತಿಸ್ಪರ್ಧಿ. ಐ20ಯ ಬೆಲೆ ರೂ.7.46 ಲಕ್ಷ ರೂಪಾಯಿಂದ ಆರಂಭಗೊಂಡು 11.88 ಲಕ್ಷ ರೂಪಾಯಿ ತನಕ ಇದೆ. ಮಾರುತಿ ಸುಜುಕಿ ಬಲೆನೊ ಕೂಡ ಆಲ್ಟ್ರೋಜ್ ಇರುವ ಸೆಗ್ಮೆಂಟ್ನಲ್ಲಿ ಪ್ರಭಾವ ಹೊಂದಿದೆ. ಅದರ ಬೆಲೆ .6.61 ಲಕ್ಷ-9.88 ಲಕ್ಷ ರೂಪಾಯಿ ತನಕ ಇದೆ. ಟೊಯೊಟಾ ಗ್ಲಾಂಝಾ ರೂ.6.81 ಲಕ್ಷ-10.00 ಲಕ್ಷ ರೂಪಾಯಿ ಆಲ್ಟ್ರೋಜ್ಗೆ ಪೈಪೋಟಿ ನೀಡುತ್ತದೆ.

ಬೆಲೆ ಏರಿಕೆ ಮಾಡಿರುವ ಟಾಟಾ

ಟಾಟಾ ಮೋಟಾರ್ಸ್ ಇತ್ತೀಚೆಗೆ ತನ್ನ ಎಲ್ಲಾ ಸೀರಿಸ್ನ ಕಾರುಗಳ ಬೆಲೆಯನ್ನು ಶೇಕಡಾ 0.6 ರಷ್ಟು ಹೆಚ್ಚಿಸಿತ್ತು. ಆದಾಗ್ಯೂ, ಜುಲೈ 16, 2023 ಕ್ಕಿಂತ ಮೊದಲು ಬುಕ್ ಮಾಡಿದ ಎಲ್ಲಾ ಕಾರುಗಳು ಮತ್ತು ಎಸ್ಯುವಿಗಳಿಗೆ ಈ ಬೆಲೆ ಏರಿಕೆಯಿಂದ ವಿನಾಯಿತಿ ನೀಡಲಾಗಿದೆ.