ಬೆಂಗಳೂರು: ಟಾಟಾ ಮೋಟಾರ್ಸ್ನ ಜನಪ್ರಿಯ ಎಲೆಕ್ಟ್ರಿಕ್ ಕಾರು ನೆಕ್ಸಾನ್ ಇವಿಯ ಡಾರ್ಕ್ ಎಡಿಷನ್ ಭಾರತದಲ್ಲಿ ಸೋಮವಾರ ಬಿಡುಗಡೆಯಾಗಿದೆ. ನೆಕ್ಸಾನ್ ಡಾರ್ಕ್ ಎಡಿಷನ್ ಎರಡು ಆವೃತ್ತಿಗಳಲ್ಲಿ ಭಾರತದಲ್ಲಿ ಲಭ್ಯವಿದೆ. ಜಡ್ಎಕ್ಸ್ ಪ್ಲಸ್ ಎಲ್ಯುಎಕ್ಸ್ 19.04 ಲಕ್ಷ ರೂಪಾಯಿಗೆ ಲಭ್ಯವಿದ್ದರೆ, ಜಡ್ಎಕ್ಸ್ ಪ್ಲಸ್ ಎಲ್ಯುಎಕ್ಸ್ 7.2 ಕಿಲೋ ವ್ಯಾಟ್ ಫಾಸ್ಟ್ ಚಾರ್ಜಿಂಗ್ ಇರುವ ಕಾರು 19.54 ಲಕ್ಷ ರೂಪಾಯಿಗೆ ಲಭ್ಯವಿದೆ. ಎರಡೂ ಎಕ್ಸ್ಶೋರೂಮ್ ಬೆಲೆಯಾಗಿದೆ. ನೆಕ್ಸಾನ್ ಇವಿ ಕಾರು ಒಂದು ಬಾರಿ ಚಾರ್ಜ್ ಮಾಡಿದರೆ 453 ಕಿಲೋ ಮೀಟರ್ ದೂರಕ್ಕೆ ಸಾಗುತ್ತದೆ. ಅಂತೆಯೇ ಹೊಸ ಮಾಡೆಲ್ನಲ್ಲಿ 10.25 ಇಂಚಿನ ಇನ್ಫೋಟೈನ್ಮೆಂಟ್ ಸಿಸ್ಟಮ್ ನೀಡಲಾಗಿದೆ. ಹಾಗಾದರೆ ಈ ಕಾರಿನ ವಿಶೇಷತೆಗಳೇನು ಎಂಬುದನ್ನು ನೋಡೋಣ.
ಕಾರಿನ ಇಂಟೀಯರ್ ಹೇಗಿದೆ?
10.25 ಇಂಚಿನ ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಕಾರಿಗೆ ಇಂಟೀರಿಯರ್ನಲ್ಲಿ ಕೊಟ್ಟಿರುವ ದೊಡ್ಡ ಅಪ್ಡೇಟ್. ಇದು ಹರ್ಮನ್ ಕಂಪನಿಯ ಇನ್ಪೋಟೈನ್ಮೆಂಟ್ ಸಿಸ್ಟಮ್ ಆಗಿದೆ. ರಿಯರ್ ವ್ಯೂ ಕ್ಯಾಮೆರಾ, ಎಚ್ಡಿ ಡಿಸ್ಪ್ಲೇ, ಆರು ಪ್ರಾದೇಶಿಕ ಭಾಷೆಗಳಲ್ಲಿ ವಾಯ್ಸ್ ಅಸಿಸ್ಟ್ ಸಿಸ್ಟಮ್, ವೈರ್ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆ್ಯಪಲ್ ಕಾರ್ ಪ್ಲೇ ಸೌಲಭ್ಯವಿದೆ ಈ ಸಿಸ್ಟಮ್ನಲ್ಲಿ. ಡಾರ್ಕ್ ಥೀಮ್ನ ಡೋರ್ಗಳು, ಜ್ಯುವೆಲ್ಡ್ ಕಂಟ್ರೋಲ್ ನಾಬ್, ಇವಿ ಬ್ಲ್ಯೂ ಹೈಲೈಟ್ ಸ್ವಿಚ್ಗಳು, ಗ್ಲಾಸಿ ಪಿಯಾನೊ ಬ್ಲ್ಯಾಕ್ ಡ್ಯಾಶ್ ಬೋರ್ಡ್, ಲೆದರ್ ಸ್ಟೀರಿಂಗ್ ಕಾರನ್ನು ಅತ್ಯಾಕರ್ಷಕಗೊಳಿಸಿದೆ.
ನೆಕ್ಸಾನ್ ಇವಿ ಮ್ಯಾಕ್ಸ್ ಡಾರ್ಕ್ ಕಾರಿನಲ್ಲಿ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, ಆಟೋ ಹೋಲ್ಡ್, ಲೆದರ್ ವೆಂಟಿಲೇಟೆಡ್ ಸೀಟ್, ಏರ್ ಫ್ಯೂರಿಫೈಯರ್, ವೈರ್ಲೆಸ್ ಸ್ಮಾರ್ಟ್ಫೋನ್ ಚಾರ್ಜರ್, ಕ್ರೂಸ್ ಕಂಟ್ರೋಲ್, ಆಟೋ ಡಿಮ್ಮಿಂಗ್ ಐವಿಆರ್ಎಮ್, ಎಲೆಕ್ಟ್ರಿಕ್ ಸನ್ರೂಫ್ ಮತ್ತು ಆಟೋ ಹೆಡ್ಲ್ಯಾಂಪ್ ಫೀಚರ್ಗಳನ್ನು ನೀಡಲಾಗಿದೆ. ರೇನ್ ಸೆನ್ಸ್ ವೈಪರ್, ಆಟೋ ಟೆಂಪರೇಚರ್ ಕಂಟ್ರೋಲ್, ಕೂಲ್ಡ್ ಗ್ಲವ್ ಬಾಕ್ಸ್, ರಿಯರ್ ಎಸಿ ವೆಂಟ್ಸ್, ಸ್ಮಾರ್ಟ್ ಕಿ ಪುಶ್ ಬಟನ್, ಎಲೆಕ್ಟ್ರಿಕ್ ಒವಿಆರ್ಎಮ್, ರಿಯರ್ ವೈಪರ್ ವಾಶರ್, ಡಿಫಾಗರ್ ಹಾಗೂ ಗ್ರಾಫಿಕ್ ಡಿಸ್ಪ್ಲೇ ನೀಡಲಾಗಿದೆ.
ಎಕ್ಸ್ಟೀರಿಯರ್ ಹೇಗಿದೆ?
ಟಾಟಾ ನೆಕ್ಸಾನ್ ಬ್ಲ್ಯಾಕ್ ಎಡಿಷನ್ ಕಾರು ಮಿಡ್ನೈಟ್ ಬ್ಲ್ಯಾಕ್ ಹಾಗೂ ಚಾರ್ಕೊಲ್ ಗ್ರೇ ಅಲಾಯ್ ವೀಲ್ನೊಂದಿಗೆ ಲಭ್ಯವಿದೆ. ಪ್ರೊಜೆಕ್ಟರ್ ಹೆಡ್ಲ್ಯಾಂಪ್ ಹಾಗೂ ಟ್ರೈ ಆರೋ ಎಲ್ಇಡಿ ಟೇಲ್ ಲ್ಯಾಂಪ್, ಸ್ಟೇನ್ ಬ್ಲ್ಯಾಕ್ ಹ್ಯುಮಾನಿಟಿ ಲೈನ್, ಶಾರ್ಕ್ ಫಿನ್ ಆಂಟೆನಾ, ರೂಪ್ ಟೇಲ್ ಡಾರ್ಕ್ ಬ್ಯಾಜಿಂಗ್ ಫೆಂಡರ್ಗಳಿವೆ.
ಡಾರ್ಕ್ ಎಡಿಷನ್ ಕುರಿತು ಮಾತನಾಡಿದ ಮಾರ್ಕೆಂಟಿಂಗ್ ಹಾಗೂ ಸಶೇ್ಲಸ್ ವಿಭಾಗದ ಮುಖ್ಯಸ್ಥ ವಿವೇಕ್ ಶ್ರೀವಾಸ್ತವ, ನೆಕ್ಸಾನ್ ಇವಿ ಬ್ರಾಂಡ್ ಕಿರು ಅವಧಿಯಲ್ಲಿ 50 ಸಾವಿರಕ್ಕೂ ಅಧಿಕ ಗ್ರಾಹಕರ ಮೆಚ್ಚುಗೆಯನ್ನು ಪಡೆದುಕೊಂಡಿದೆ. ಎಲೆಕ್ಟ್ರಿಕ್ ವಾಹನಗಳ ಮಾರುಕಟ್ಟೆಯಲ್ಲಿ ಕ್ರಾಂತಿ ಸೃಷ್ಟಿಯಾಗಿದೆ. ಇದರ ಯಶಸ್ಸಿನೊಂದಿಗೆ ಡಾರ್ಕ್ ಎಡಿಷನ್ ಕಾರನ್ನೂ ಬಿಡುಗಡೆ ಮಾಡಲಾಗಿದೆ ಎಂದು ಹೇಳಿದರು.