ನವ ದೆಹಲಿ: ಟಾಟಾ ಮೋಟಾರ್ಸ್ ಪಂಚ್ ಸಿಎನ್ಜಿ ಕಾರನ್ನು (Tata Punch CNG) ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಕಾರಿನ ಆರಂಭಿಕ ಬೆಲೆ 7.10 ಲಕ್ಷ ರೂಪಾಯಿ. ಟಾಪ್ ವೇರಿಯೆಂಟ್ನ ಬೆಲೆ (ಎಕ್ಸ್ ಶೋರೂಂ, ದೆಹಲಿ) 9.68 ಲಕ್ಷ ರೂಪಾಯಿ. ಪಂಚ್ ಸಿಎನ್ಜಿ ಪ್ಯೂರ್, ಅಡ್ವೆಂಚರ್ ಮತ್ತು ಎಕ್ಸ್ ಪ್ರೂಟೆಡ್ ಎಂಬ ಮೂರು ಟ್ರಿಮ್ಗಳಲ್ಲಿ ಲಭ್ಯವಿದೆ. ನಂತರದ ಎರಡು ವೇರಿಯೆಂಟ್ಗಳನ್ನು ಸಾಮಾನ್ಯ ಪಂಚ್ ನೊಂದಿಗೆ ನೀಡಲಾಗುವಂತೆ ಆಯ್ಕೆಯ ಪ್ಯಾಕೇಜ್ಗಳನ್ನೂ ಪಡೆಯುತ್ತದೆ. ಆದಾಗ್ಯೂ, ಟಾಟಾ ಟಾಪ್- ಸ್ಪೆಕ್ ಕ್ರಿಯೇಟಿವ್ ಟ್ರಿಮ್ನಲ್ಲಿ ಕಿಟ್ ಅನ್ನು ನೀಡುತ್ತಿಲ್ಲ. ಟಿಯಾಗೊ, ಟಿಗೋರ್ ಮತ್ತು ಆಲ್ಟ್ರೊಜ್ ನಂತರ ಸಿಎನ್ಜಿ ಸರಣಿಯಲ್ಲಿ ಇದು ನಾಲ್ಕನೇ ಕಾರಾಗಿದೆ.
ಪಂಚ್ ಸಿಎನ್ಜಿ ಪೆಟ್ರೋಲ್ ಪಂಚ್ನಲ್ಲಿರುವ 1.2 ಲೀಟರ್ ಮೂರು ಸಿಲಿಂಡರ್ ಎಂಜಿನ್ನೊಂದಿಗೆ ಬರುತ್ತಿದೆ. ಈ ಎಂಜಿನ್ ಪೆಟ್ರೋಲ್ನಲ್ಲಿ 86 ಬಿಎಚ್ಪಿ ಪವರ್ ಮತ್ತು 113 ಎನ್ಎಂ ಟಾರ್ಕ್ ಉತ್ಪಾದಿಸಿದರೆ, ಸಿಎನ್ಜಿಯೊಂದಿಗೆ ಇದು 73.4 ಬಿಎಚ್ಪಿ ಮತ್ತು 103 ಎನ್ಎಂ ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಟಾಟಾದ ಸಿಎನ್ಜಿ ಕಾರುಗಳನ್ನು ಟಾಟಾದ ಉಳಿದ ಕಾರುಗಳಂತೆಯೇ ಸಿಎನ್ಜಿ ಮೂಲಕ ನೇರವಾಗಿ ಸ್ಟಾರ್ಟ್ ಮಾಡಬಹುದು. ಈ ವೈಶಿಷ್ಟ್ಯವನ್ನು ಮಾರುತಿ ಅಥವಾ ಹ್ಯುಂಡೈ ಕಾರುಗಳು ನೀಡುವುದಿಲ್ಲ.
ಇದನ್ನೂ ಓದಿ : mercedes benz : 90 ಲಕ್ಷ ರೂಪಾಯಿಯ ಐಷಾರಾಮಿ ಕಾರು ಖರೀದಿಸಿದ ಕ್ರಿಕೆಟಿಗ ಉನಾದ್ಕಟ್, ಇಲ್ಲಿದೆ ವಿಡಿಯೊ
ಪಂಚ್ ಸಿಎನ್ ಜಿ ಟಾಟಾ ಮೋಟಾರ್ಸ್ ನ ಡ್ಯುಯಲ್ ಸಿಲಿಂಡರ್ ಸೆಟಪ್ ಅನ್ನು ಹೊಂದಿದೆ. ಈಗಾಗಲೇ ಆಲ್ಟ್ರೊಜ್ ಸಿಎನ್ಜಿಯಲ್ಲಿ ಈ ತಾಂತ್ರಿಕತೆ ಇದೆ. ದೊಡ್ಡ 60 ಲೀಟರ್ ಟ್ಯಾಂಕ್ ಅನ್ನು ಎರಡು ಸಣ್ಣ ಟ್ಯಾಂಕ್ಗಳಾಗಿ ಸಮಾನವಾಗಿ ವಿಂಗಡಿಸಲಾಗಿದೆ. ಸಿಎನ್ಜಿ ಟ್ಯಾಂಕ್ ಅನ್ನು ಬೂಟ್ ಫ್ಲೋರ್ ಅಡಿಯಲ್ಲಿ ಇರಿಸಲಾಗಿದೆ. ಪಂಚ್ ಸಿಎನ್ಜಿ 210 ಲೀಟರ್ ಬೂಟ್ ಸ್ಪೇಸ್ ಹೊಂದಿದೆ. ಇದು ಪೆಟ್ರೋಲ್ ಚಾಲಿತ ಪಂಚ್ಗಿಂತ 156 ಲೀಟರ್ ಕಡಿಮೆ.
ಫೀಚರ್ಗಳು
ಇತರ ಟಾಟಾ ಸಿಎನ್ಜಿ ಕಾರು ಮಾದರಿಗಳಂತೆ ಟೈಲ್ಗೇಟ್ ನಲ್ಲಿ ‘ಐಸಿಎನ್ ಜಿ’ ಬ್ಯಾಡ್ಜ್ ಅನ್ನು ಸೇರಿಸಿದೆ. ಅದನ್ನು ಹೊರತುಪಡಿಸಿ ಇನ್ಯಾವುದೇ ಬಾಹ್ಯ ವಿನ್ಯಾಸ ಬದಲಾವಣೆಗಳನ್ನು ಮಾಡಿಲ್ಲ. ಅಂತೆಯೇ, ಪಂಚ್ ಸಿಎನ್ಜಿಯ ಒಳಾಂಗಣದಲ್ಲಿ ಯಾವುದೇ ಗಮನಾರ್ಹ ಬದಲಾವಣೆಗಳಿಲ್ಲ.
ಟಾಪ್- ವೇರಿಯೆಂಟ್ನಲ್ಲಿ ಪಂಚ್ ಸಿಎನ್ ಜಿ 7.0-ಇಂಚಿನ ಟಚ್ ಸ್ಕ್ರೀನ್ ಮತ್ತು ಡಿಜಿಟಲ್ ಡ್ರೈವರ್ ಡಿಸ್ ಪ್ಲೇ, ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ ಪ್ಲೇ ಸಂಪರ್ಕ ಹೊಂದಿದೆ 16-ಇಂಚಿನ ಅಲಾಯ್ ವೀಲ್ಗಳು, ಎಂಜಿನ್ ಸ್ಟಾರ್ಟ್ / ಸ್ಟಾಪ್ ಬಟನ್, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಆಟೊ ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್ಗಳು, ಎತ್ತರ-ಸರಿಹೊಂದಿಸಬಹುದಾದ ಡ್ರೈವರ್ ಸೀಟ್ ಮತ್ತು ಸನ್ರೂಫ್ನಂತ ಫೀಚರ್ಗಳನ್ನು ನೀಡಲಾಗಿದೆ.
ಪಂಚ್ ಸಿಎನ್ಜಿ ಇತ್ತೀಚೆಗೆ ಬಿಡುಗಡೆಯಾದ ಹ್ಯುಂಡೈ ಎಕ್ಟೆರ್ ಕಾರಿಗೆ ಪ್ರತಿಸ್ಪರ್ಧಿಯಾಗಿದೆ. ಇದು ಬಿಡುಗಡೆಯಿಂದಲೂ ಸಿಎನ್ಜಿ ಪವರ್ ಟ್ರೈನ್ನೊಂದಿಗೆ ಬಂದಿತ್ತು. ಇದರ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.8.24 ಲಕ್ಷದಿಂದ ರೂ.8.97 ಲಕ್ಷಗಳಾಗಿದೆ.