ನವ ದೆಹಲಿ: ಟಾಟಾ ಮೋಟಾರ್ಸ್ ಮುಂಬರುವ ವಾರಗಳಲ್ಲಿ ಮೈಕ್ರೊ ಎಸ್ಯುವಿ ಪಂಚ್ ಸಿಎನ್ಜಿ (Tata Punch CNG) ಆವೃತ್ತಿಯನ್ನು ರಸ್ತೆಗೆ ಇಳಿಸಲಿದೆ. ಈ ಮೂಲಕ ತನ್ನ ಸಿಎನ್ಜಿ ಆವೃತ್ತಿಯ ಕಾರುಗಳ ಸಂಖ್ಯೆಯನ್ನು ಹೆಚ್ಚಿಸಲಿದೆ. ಟಾಟಾ ಪಂಚ್ ಸಿಎನ್ಜಿಯ ಉತ್ಪಾದನೆಯು ಆರಂಭಗೊಂಡಿದೆ. ಇದು ಟಾಟಾದ ಇತರ ಸಿಎನ್ ಜಿ ಚಾಲಿತ ಕಾರುಗಳಾದ ಟಿಯಾಗೊ ಸಿಎನ್ ಜಿ, ಟಿಗೋರ್ ಸಿಎನ್ ಜಿ ಮತ್ತು ಆಲ್ಟ್ರೋಜ್ ಸಿಎನ್ಜಿ ಸಾಲಿಗೆ ಸೇರಿಕೊಳ್ಳಲಿದೆ.
ಆಟೋ ಎಕ್ಸ್ಪೊ 2023 ರಲ್ಲಿ ಸಿಎನ್ಜಿ ಪಂಚ್ ಕಾರನ್ನು ಪರಿಚಯಿಸಲಾಗಿತ್ತು. ಆದರೆ, ಕಾರಿನ ಮೂಲಕ ಸ್ವರೂಪದಲ್ಲಿ ಯಾವುದೇ ಬದಲಾವಣೆ ಇಲ್ಲದೇ ಕೇವಲ ಸಿಎನ್ಜಿ ಕಿಟ್ ನೀಡುವ ಯೋಜನೆ ಅದಾಗಿತ್ತು. ಆದರೆ, ಈ ಕಾರು ರಸ್ತೆಗಿಳಿಯುವ ಮೊದಲು ಕೆಲವೊಂದು ಹೆಚ್ಚಿನ ಫೀಚರ್ಗಳನ್ನು ಪಡೆದುಕೊಳ್ಳಲಿವೆ ಎಂದು ಹೇಳಲಾಗುತ್ತಿದೆ. ವಿಶೇಷವೆಂದರೆ, ಪಂಚ್ ಸಿಎನ್ಜಿ ಕಾರು ಸಿಂಗಲ್-ಪ್ಯಾನ್ ಸನ್ರೂಫ್ ಪಡೆಯುತ್ತಿದೆ. ಇದು ಟಾಟಾ ಆಲ್ಟ್ರೋಜ್ನಿಂದ ಪಡೆಯಲಾಗಿದೆ ಎಂದು ಹೇಳಲಾಗುತ್ತಿದೆ.
ಆಲ್ಟ್ರೋಜ್ ಸಿಎನ್ಜಿಯಂತೆಯೇ ಟಾಟಾ ಪಂಚ್ ಸಿಎನ್ಜಿ ವಿಶಿಷ್ಟವಾದ ಡ್ಯುಯಲ್ ಸಿಲಿಂಡರ್ ಸೆಟಪ್ ಅನ್ನು ಹೊಂದಿರುತ್ತದೆ. ಇದನ್ನು ಬೂಟ್ ಕಂಪಾರ್ಟ್ಮೆಂಟ್ ಫ್ಲೋರ್ನ ಕೆಳಗೆ ಬುದ್ಧಿವಂತಿಕೆಯಿಂದ ಇರಿಸಲಾಗುತ್ತದೆ. ಈ ವ್ಯವಸ್ಥೆಯು ಪಂಚ್ ಸಿಎನ್ಜಿಗೆ ಪ್ರಾಯೋಗಿಕ ಮತ್ತು ಸಾಕಷ್ಟು ಬೂಟ್ ಸ್ಪೇಸ್ ನೀಡುತ್ತದೆ. ಸಿಎನ್ ಜಿ-ಚಾಲಿತ ಕಾರುಗಳಿಗಿಂತ ಭಿನ್ನವಾಗಿ ಸಿಎನ್ಜಿ ಟ್ಯಾಂಕ್ ಲಭ್ಯವಿರುವ ಬೂಟ್ ಸ್ಪೇಸ್ ಗಮನಾರ್ಹವಾಗಿ ಹೆಚ್ಚು ಕೊಡುತ್ತದೆ. ಆಲ್ಟ್ರೋಜ್ ಸಿಎನ್ಜಿಯಂತೆ ಹೊಸ ಪಂಚ್ ಸಿಎನ್ಜಿ ಕೂಡ ಎರಡು 30-ಲೀಟರ್ ಸಿಎನ್ ಜಿ ಟ್ಯಾಂಕ್ ಗಳನ್ನು ಹೊಂದಿರುತ್ತದೆ, ಇದು ಗರಿಷ್ಠ 60 ಲೀಟರ್ ಸಾಮರ್ಥ್ಯ ಹೊಂದಿದೆ.
ಇದನ್ನೂ ಓದಿ : Kia Seltos : ಕಿಯಾ ಸೆಲ್ಟೋಸ್ ಫೇಸ್ಲಿಫ್ಟ್ ಕಾರಿನ ಮೈಲೇಜ್ ವಿವರ ಬಹಿರಂಗ
ಟಾಟಾ ಪಂಚ್ನ ಸಿಎನ್ಜಿ ರೂಪಾಂತರಗಳು ಈಗಾಗಲೇ ರಸ್ತೆಯಲ್ಲಿರುವ 1.2-ಲೀಟರ್ ಮೂರು ಸಿಲಿಂಡರ್ ನ್ಯಾಚುರಲಿ-ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಹೊಂದಿದೆ. ಸಿಎನ್ಜಿ ಮೋಡ್ನಲ್ಲಿ, ಪಂಚ್ 77 ಬಿಎಚ್ಪಿ ಪವರ್ ಮತ್ತು 97 ಎನ್ಎಂ ಟಾರ್ಕ್ ನೀಡುತ್ತದೆ . ಪ್ರತಿಸ್ಪರ್ಧಿಗಳಿಗಿಂತ ಒಂದು ಅನುಕೂಲವೆಂದರೆ ಪಂಚ್ ಸಿಎನ್ಜಿ ನೇರವಾಗಿ ಸಿಎನ್ಜಿ ಮೋಡ್ ನಲ್ಲಿ ಎಂಜಿನ್ ಸ್ಟಾರ್ಟ್ ಮಾಡುವ ಆಯ್ಕೆಯನ್ನು ನೀಡುತ್ತದೆ. ಈ ವೈಶಿಷ್ಟ್ಯವನ್ನು ಪ್ರಸ್ತುತ ಇತರ ಪ್ರತಿಸ್ಪರ್ಧಿಗಳು ಕಂಪನಿಗಳು ನೀಡುತ್ತಿಲ್ಲ.
ಇನ್ನೇನಿವೆ ವಿಶೇಷತೆಗಳು
ಸನ್ರೂಫ್ ಹೊರತಾಗಿ ಹೊಸ ಪಂಚ್ ಸಿಎನ್ ಜಿ ತನ್ನ ಪೆಟ್ರೋಲ್ ಚಾಲಿತ ಆವೃತ್ತಿಯ ವೈಶಿಷ್ಟ್ಯಗಳನ್ನು ಉಳಿಸಿಕೊಳ್ಳುತ್ತದೆ. ಇದರಲ್ಲಿ 7 ಇಂಚಿನ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್. ಇನ್ಸ್ ಟ್ರೂಮೆಂಟ್ ಕನ್ಸೋಲ್ ನಲ್ಲಿ 7-ಇಂಚಿನ ಟಿಎಫ್ಟಿ ಎಂಐಡಿ, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಪುಶ್ ಸ್ಟಾರ್ಟ್-ಸ್ಟಾಪ್ ಬಟನ್ ಮತ್ತು ಮಲ್ಟಿ ಫಂಕ್ಷನಲ್ ಸ್ಟೀರಿಂಗ್ ವೀಲ್ ಸೇರಿವೆ. ಪಂಚ್ ಸಿಎನ್ಜಿಯಲ್ಲಿರುವ ಏಕೈಕ ವಿಶಿಷ್ಟ ಅಂಶವೆಂದರೆ ಬೂಟ್ ಡೋರ್ ಮೇಲೆ ಹಾಕಿರುವ ‘ಐ-ಸಿಎನ್ ಜಿ’ ಬ್ಯಾಡ್ಜ್.
ಮಾರುಕಟ್ಟೆಯಲ್ಲಿ, ಟಾಟಾ ಪಂಚ್ ಸಿಎನ್ಜಿ ಹ್ಯುಂಡೈ ಕಂಪನಿಯ ಹೊಸ ಎಕ್ಸ್ಟೆರ್ ಸಿಎನ್ಜಿಯಿಂದ ಸ್ಪರ್ಧೆಯನ್ನು ಎದುರಿಸಲಿದೆ. ಇದನ್ನು ಇತ್ತೀಚೆಗೆ ಪಂಚ್ ಮತ್ತು ಸಿಟ್ರೋಯನ್ ಸಿ3 ಗೆ ನೇರ ಪ್ರತಿಸ್ಪರ್ಧಿಯಾಗಿ ಬಿಡುಗಡೆ ಮಾಡಲಾಗತ್ತು/ ಹೆಚ್ಚುವರಿಯಾಗಿ, ಪಂಚ್ ಸಿಎನ್ಜಿ ಇದೇ ಬೆಲೆಗೆ ಲಭಿಸುವ ಸಿಎನ್ಜಿ ಚಾಲಿತ ಹ್ಯಾಚ್ ಬ್ಯಾಕ್ ಗಳಾದ ಮಾರುತಿ ಸುಜುಕಿ ಸ್ವಿಫ್ಟ್ ಮತ್ತು ಬಲೆನೊ, ಹ್ಯುಂಡೈ ಗ್ರ್ಯಾಂಡ್ ಐ 10 ನಿಯೋಸ್ ಮತ್ತು ಟಾಟಾದ ಆಲ್ಟ್ರೋಜ್ ಗೆ ಪ್ರತಿಸ್ಪರ್ಧಿಯಾಗಲಿದೆ.