ನವ ದೆಹಲಿ : ಪವರ್ಫುಲ್ ಎಸ್ಯುವಿ (Jeep Compass) ಜೀಪ್ ಕಂಪಾಸ್ನ 1.4-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಭಾರತದಲ್ಲಿ ಏಪ್ರಿಲ್ ಬಳಿಕ ಜಾರಿಗೆ ಬಂದಿರುವ ಬಿಎಸ್ 6 ಹಂತ2ದ ಮಾಲಿನ್ಯ ಹೊರಸೂಸುವಿಕೆಯ ಮಾನದಂಡಗಳನ್ನು ಪೂರೈಸುತ್ತಿಲ್ಲ. ಹೀಗಾಗಿ ಕಂಪನಿಯು ಕಂಪಾಸ್ ಪೆಟ್ರೋಲ್ ಎಂಜಿನ್ ಕಾರುಗಳನ್ನು ಮಾರಾಟವನ್ನು ಸ್ಥಗಿತಗೊಳಿಸಿದೆ. ಕಂಪನಿಯು ಡಿಸೆಂಬರ್ 2022ರಲ್ಲಿ ಮ್ಯಾನುಯಲ್ ಪೆಟ್ರೋಲ್ ಕಾರುಗಳನ್ನು ಹಂತಹಂತವಾಗಿ ನಿಲ್ಲಿಸಿತ್ತು. ಕೊನೆಯಲ್ಲಿ ಪೆಟ್ರೋಲ್ ಎಂಜಿನ್ ಡಿಸಿಟಿ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆಯೊಂದಿತ್ತು. ಅದರ ಮಾರಾಟವನ್ನು ಇದೀಗ ನಿಲ್ಲಿಸಲಾಗಿದೆ. ವೆಬ್ಸೈಟ್ ಹಾಗೂ ಶೋರೂಮ್ಗಳ ಮಾರಾಟ ಪಟ್ಟಿಯಲ್ಲಿ ಈ ಕಾರುಗಳು ಲಭ್ಯವಿಲ್ಲ. ಪೆಟ್ರೊಲ್ ಎಂಜಿನ್ಗಳ ಮಾರಾಟ ನಿಲ್ಲಿಸಿರುವ ಕಾರಣ ಕಂಪಾಸ್ ಡೀಸೆಲ್ ಮಾತ್ರ ಮುಂದುವರಿಯಲಿದೆ.
ಜಾಗತಿಕವಾಗಿ ಕಟ್ಟುನಿಟ್ಟಾದ ಮಾಲಿನ್ಯ ಮಾನದಂಡಗಳು ಜಾರಿಗೆ ಬಂದಿರುವ ಕಾರಣ ಜೀಪ್ ಈಗಾಗಲೇ ಜಾಗತಿಕವಾಗಿ 1.4 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಉತ್ಪಾದನೆಯನ್ನು ನಿಲ್ಲಿಸಿದೆ. ಈ ಎಂಜಿನ್ ದಕ್ಷಿಣ ಅಮೆರಿಕ ಮತ್ತು ಯುರೋಪ್ ದೇಶಗಳಲ್ಲಿ ಲಭ್ಯವಿತ್ತು. 2020ರಲ್ಲಿ ಫೇಸ್ ಲಿಫ್ಟೆಡ್ ಕಂಪಾಸ್ ಬಂದಾಗ ಪರಿಣಾಮಕಾರಿ 1.3-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಅಳವಡಿಕೆ ಮಾಡಲಾಯಿತು. ಆದಾಗ್ಯೂ, ಫೇಸ್ ಲಿಫ್ಟೆಡ್ ಮಾದರಿಯಲ್ಲಿ 1.4 ಲೀಟರ್ ಎಂಜಿನ್ ಮುಂದುವರಿದ ಕೆಲವೇ ಮಾರುಕಟ್ಟೆಗಗಳಲ್ಲಿ ಭಾರತವೂ ಒಂದಾಗಿತ್ತು. ಭಾರತದಲ್ಲಿ ಆ ವೇಳೆ ಬಿಎಸ್6 ಮಾನದಂಡ ಇತ್ತು. ಇದೀಗ ಹೊಸ ಮಾನದಂಡಗಳು ಬಂದಿರುವ ಕಾರಣ ಪೆಟ್ರೋಲ್ ಎಂಜಿನ್ ಪೂರೈಕೆ ಸ್ಥಗಿತವಾಗಲಿದೆ.
ಇದನ್ನೂ ಓದಿ : Hyundai Exter : ಹ್ಯುಂಡೈ ನೂತನ ಎಸ್ಯುವಿ ಎಕ್ಸ್ಟೆರ್ ಅನಾವರಣ, ಬುಕಿಂಗ್ ಆರಂಭ
ಭಾರತದಲ್ಲಿ ಕಂಪಾಸ್ನ ಮಾರಾಟದಲ್ಲಿ ಪೆಟ್ರೋಲ್ ಎಂಜಿನ್ ಪಾಳು ಶೇಕಡಾ 50ರಿಂದ 60ರಷ್ಟಿತ್ತು. ಯಾಕೆಂದರೆ ಡೆಲ್ಲಿ ಸೇರಿದಂತೆ ಕೆಲವು ಮೆಟ್ರೋನಗರಗಳಲ್ಲಿ ಇದು ಒಟ್ಟು ಮಾರಾಟದ 80 ಪ್ರತಿಶತ ಹೆಚ್ಚಾಗಿದೆ. ಕಂಪಾಸ್ ತಿಂಗಳಿಗೆ ಸರಾಸರಿ 650 ಯೂನಿಟ್ಗಳು ಮಾರಾಟವಾಗುತ್ತಿದ್ದವರು.ಅ ದರಲ್ಲಿ ಪೆಟ್ರೋಲ್ ಮಾಡೆಲ್ಗಳ ಪಾಲು ತಿಂಗಳಿಗೆ 350-400 ಯುನಿಟ್ಗಳಷ್ಟಿವೆ. ಇದೀಗ ಪೆಟ್ರೋಲ್ ಎಂಜಿನ್ ಮಾರಾಟ ಸ್ಥಗಿತಗೊಂಡಿರುವ ಕಾರಣ ಗ್ರಾಹರಿಗೆ ಆಯ್ಕೆ ಇಲ್ಲದಂತಾಗಿದೆ. ಏತನ್ಮಧ್ಯೆ, ಭಾರತದಲ್ಲಿ 2.4-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ನ ಕಂಪಾಸ್ ಉತ್ಪಾದನೆಯಾಗಿ ವಿದೇಶಗಳಿಗೆ ರಫ್ತು ಆಗುತ್ತದೆ. ಇದು ಕೂಡ ಈಗ ಭಾರತದ ಮಾರುಕಟ್ಟೆಗೆ ಸೂಕ್ತವಾಗಿಲ್ಲ.
ಮೂರು ವರ್ಷ ಬೇಕು
ಹೊಸ ಮಾನದಂಡಗಳಿಗೆ ಬೇಕಾದ ಎಂಜಿನ್ಗಳನ್ನು ತಯಾರಿಸಲು ಕಂಪನಿಯೊಂದು ಮೂರು ವರ್ಷ ಸಿದ್ಧತೆ ಮಾಡಿಕೊಳ್ಳಬೇಕಾಗುತ್ತದೆ. ಹಾಗೆಯೇ ಭಾರತದಲ್ಲಿ 1.3 ಲೀಟರ್ನ ಪೆಟ್ರೋಲ್ ಎಂಜಿನ್ ತಯಾರಿಸಬಹುದಾಗಿತ್ತು. ಹೀಗಾಗಿ ಭಾರತದಲ್ಲಿ ಕಂಪಾಸ್ನ ಪೆಟ್ರೋಲ್ ಎಂಜಿನ್ ಸಿಗಬೇಕಾದರೆ ಮೂರು ವರ್ಷ ಕಾಯಬೇಕಾಗುತ್ತದೆ. ಹೀಗಾಗಿ 2026ರಲ್ಲಿ ಕಾರು ಲಭ್ಯವಾಗಲಿದೆ.
2.0 ಲೀಟರ್ ಡೀಸೆಲ್ ಎಂಜಿನ್ ಕೂಡ ಸ್ಥಗಿತ
ಪೆಟ್ರೋಲ್ ವೇರಿಯೆಂಟ್ನ ಜತೆಗೆ ಜೀಪ್ 2.0-ಲೀಟರ್ ಡೀಸೆಲ್ ಎಂಜಿನ್ ಮತ್ತು 4×4 ಡ್ರೈವ್ ಟ್ರೇನ್ ಕೂಡ ಸ್ಥಗಿತವಾಗಲಿದೆ. ಜೀಪ್ ಇಂಡಿಯಾ ವೆಬ್ಸೈಟ್ನನ ಪಟ್ಟಿಯಿಂದ ಈ ಮಾಡೆಲ್ ಅನ್ನು ತೆಗೆದುಹಾಕಲಾಗಿದೆ. ಆದಾಗ್ಯೂ ಕೆಲವು ವಿತರಕರು ಮಾರಾಟವಾಗದ ಸ್ಟಾಕ್ ಅನ್ನು ನೀಡುತ್ತಿದೆ.
ಜೀಪ್ ಇಂಡಿಯಾಗೆ ಪರಿಣಾಮವೇನು?
ಭವಿಷ್ಯದಲ್ಲಿ ಭಾರತದಲ್ಲಿ ಬ್ರಾಂಡ್ನ ಪ್ರಮುಖ ಬ್ರಾಂಡ್ಗಳಾದ ಕಂಪಾಸ್ ಮತ್ತು ಮೆರಿಡಿಯನ್ ಏಕೈಕ ಡೀಸೆಲ್ ಎಂಜಿನ್ನೊಂದಿಗೆ ಮಾತ್ರ ಮುಂದುವರಿಯಲಿದೆ. ಅದೇ ರೀತಿ ಗ್ರ್ಯಾಂಡ್ ಚೆರೋಕಿ ಮತ್ತು ರಾಂಗ್ಲರ್ ಪೆಟ್ರೋಲ್ ಎಂಜಿನ್ನಲ್ಲಿ ಮಾತ್ರ ಲಭ್ಯವಿದೆ. ಪೆಟ್ರೋಲ್ ಮಾಡೆಲ್ಗಳು ಕಂಪಾಸ್ ಮಾರಾಟದಲ್ಲಿ ಹೆಚ್ಚು ಪಾಲು ಪಡೆದಿದ್ದ ಕಾರಣ ಪರಿಮಾಣಗಳು ಗಮನಾರ್ಹ ಕುಸಿತ ಕಾಣಬಹುದು.