ಬೆಂಗಳೂರು: ಮೈಕ್ರೋ ಮೊಬಿಲಿಟಿ ಕಂಪನಿಯಾಗಿರುವ ಇನ್ಗೊ ಎಲೆಕ್ಟ್ರಿಕ್ ಹೊಚ್ಚ ಹೊಸ ಇನ್ ಗೊ ಫ್ಲೀ 2.0 (InGo Flee) ಬೈಕ್ ಅನ್ನು ಬಿಡುಗಡೆ ಮಾಡಿದೆ. ಇನ್ ಗೊ ಫ್ಲೀ 2.0 ವಾಹನಕ್ಕೆ62,000 ರೂಪಾಯಿಗೆ ರಸ್ತೆಗೆ ಇಳಿಯಲಿದ್ದು ಸಿಕ್ಕಾಪಟ್ಟೆ ಲೋಡ್ ಎಳೆಯುವ ಕೆಪಾಟಿಸಿ ಇದಕ್ಕಿದೆ. ಇನ್ಗೊ ಫ್ಲೀ 2.0 ನ ಉನ್ನತ-ಕಾರ್ಯಕ್ಷಮತೆಯನ್ನು ಹೊಂದಿರುವ ಜತೆಗೆ ಶೂನ್ಯ ನಿರ್ವಹಣೆ ವೆಚ್ಚ ಸಾಕು ಎಂದು ಕಂಪಪನಿ ಹೇಳಿದೆ. ತನ್ನ ವರ್ಗದಲ್ಲಿ ಅತಿ ಹೆಚ್ಚು ಲೋಡ್ ಹೊರುವ ಸಾಮರ್ಥ್ಯವನ್ನು ಹೊಂದಿರುವ ಇನ್ಗೊ ಫ್ಲೀನಲ್ಲಿ 25 ಕೆ.ಜಿ ವಸ್ತು ಕ್ಯಾರಿಯರ್ನಲ್ಲಿ ಮತ್ತು ಫುಟ್ ಬೋರ್ಡ್ ನಲ್ಲಿ 50 ಕೆ.ಜಿ ಸಾಗಿಸಲು ಸಾಧ್ಯವಿದೆ.
ಐಒಟಿ (Internet of Things) ಮತ್ತು ಟೆಲಿಮ್ಯಾಟಿಕ್ಸ್ ವೈಶಿಷ್ಟ್ಯಗಳ ಮೂಲಕ ರಿಯಲ್ ಟೈಮ್ ಟ್ರ್ಯಾಂಕಿಂಗ್, ರಿಮೋಟ್ ಲಾಕಿಂಗ್, ಜಿಯೋ-ಫೆನ್ಸಿಂಗ್ ಹಾಗೂ ಕಳ್ಳತನದ ವೇಳೆ ಅಲರ್ಟ್ ಆಗುವ ಫೀಚರ್ಗಳನ್ನು ಇದು ಹೊಂದಿದೆ. ವಾಹನವು ತನ್ನ ಲಿಥಿಯಂ-ಐಯಾನ್ ಬ್ಯಾಟರಿ ಹೊಂದಿದ್ದು, ಚಾರ್ಜಿಂಗ್ ವ್ಯವಸ್ಥೆಯೂ ಅನುಕೂಲಕರವಾಗಿದೆ. 4 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ ತ್ವರಿತವಾಗಿ ಚಾರ್ಜ್ ಆಗುವ ವ್ಯವಸ್ಥೆ ಇದರಲ್ಲಿದೆ.
ಇನ್ಗೋ ಫ್ಲೀ ಫೀಚರ್ಗಳಿವು
⦁ ರೇಂಜ್ : 50 ಕಿ.ಮೀ
⦁ ಬ್ಯಾಟರಿ: 1kW, 48V, 23.2Ah
⦁ ಪೀಕ್ ಟಾರ್ಕ್: 65 ಎನ್ಎಂ
⦁ ಸಸ್ಪೆಂಷನ್: ಮುಂಭಾಗದಲ್ಲಿ 43 ಎಂಎಂ ಟೆಲಿಸ್ಕೋಪಿಕ್, ಹಿಂಭಾಗದಲ್ಲಿ ಹೆವಿ ಡ್ಯೂಟಿ ಶಾಕ್ ಗಳು
⦁ ಅಳತೆಗಳು: 1670 x 685 x 1200 ಮಿಮೀ
⦁ ಗರಿಷ್ಠ ವೇಗ: ಗಂಟೆಗೆ 25 ಕಿ.ಮೀ.
⦁ ಚಾರ್ಜರ್ ಮತ್ತು ಚಾರ್ಜಿಂಗ್ ಸಮಯ: 54.6V / 6A – 4 ಗಂಟೆಗಳು
⦁ ಚಕ್ರ ಗಾತ್ರ: 10″x3.00″ (ಮುಂಭಾಗ ಮತ್ತು ಹಿಂಭಾಗ)
⦁ ಮ್ಯಾಕ್ಸ್ ಪೇಲೋಡ್: ಫುಟ್ ಬೋರ್ಡ್ ನಲ್ಲಿ 50 ಕೆ.ಜಿ, ಕ್ಯಾರಿಯರ್ನಲ್ಲಿ 25 ಕೆ.ಜಿ
⦁ ಗ್ರೌಂಡ್ ಕ್ಲಿಯರೆನ್ಸ್: 149 ಎಂಎಂ
⦁ ಮೋಟರ್ & ಕಂಟ್ರೋಲರ್: 250W BLDC ಹಬ್ ಮೋಟರ್
ಇನ್ನೇನು ವಿಶೇಷತೆ?
ಇನ್ಗೊ ಫ್ಲೀ 2.0ದಲ್ಲಿ ಎರಡು ಸೀಟ್ಗಳ ಆಯ್ಕೆಯೂ ಸೇರಿದೆ. ಇನ್ಗೊ ಫ್ಲೀ 2.0 10-ಇಂಚಿನ ಎಲ್ಸಿಡಿಯೊಂದಿಗೆ ಬರಲಿದ್ದು ಇದರಲ್ಲಿ ಬ್ಯಾಟರಿ ಗೇಜ್ ಕೂಡ ಇದೆ. ಇದು ಪ್ರಯಾಣದ ಬಗ್ಗೆ ನೈಜ-ಸಮಯದ ಮಾಹಿತಿಯನ್ನು ಒದಗಿಸುತ್ತದೆ. ಸುಧಾರಿತ ಸಸ್ಪೆಂಷನ್ ವ್ಯವಸ್ಥೆಯು ಸವಾರಿಯ ಗುಣಮಟ್ಟವನ್ನು ಹೆಚ್ಚಿಸುತ್ತದೆ. 110 ಎಂಎಂ ಬ್ರೇಕ್ ಡಿಸ್ಕ್ ಹೊಂದಿರುವ ಹೊಂದಿರುವ ಅಗಲವಾದ ಮುಂಭಾಗದ ಚಕ್ರಗಳು ಉತ್ತಮ ಸುರಕ್ಷತೆ ಒದಗಿಸುತ್ತದೆ. ಮುಂಭಾಗ ಮತ್ತು ಹಿಂಭಾಗದ ಟ್ಯೂಬ್ ಲೆಸ್ ಟೈರ್ ಗಳು ವಾಹನದ ಒಟ್ಟಾರೆ ದಕ್ಷತೆಯನ್ನು ಹೆಚ್ಚಿಸುತ್ತದೆ. 350 ಎಂಎಂ ಅಗಲದ ಅಲ್ಟ್ರಾ-ಕಂಫರ್ಟ್ ಸೀಟ್ ಅನ್ನು ದೀರ್ಘ ಸವಾರಿಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ.
ಇನ್ಗೊ ಫ್ಲೈ 2.0 ಹೊಸ ಸ್ಟೈಲಿಂಗ್ ಮತ್ತು ಗ್ರಾಫಿಕ್ಸ್ ಪಡೆದುಕೊಂಡಿದೆ. ಇದು ತಾಜಾ ಸೌಂದರ್ಯವನ್ನು ನೀಡುತ್ತದೆ. ಬ್ಯಾಟರಿ ಲೆವೆಲ್ ಇಂಡಿಕೇಷನ್ ಹೊಂದಿರುವ ಚಾರ್ಜರ್ ಇರಲ್ಲಿದೆ.
ಇದನ್ನೂ ಓದಿ : EXCON 2023: ಎಕ್ಸ್‌ಕಾನ್‌ನಲ್ಲಿ ಟಾಟಾ ಮೋಟರ್ಸ್‌ನ ಎಲ್‌ಎನ್‌ಜಿ ಚಾಲಿತ ವಾಣಿಜ್ಯ ವಾಹನಗಳು ಲಾಂಚ್
ಹೊಸ ವಾಹನದ ಬಗ್ಗೆ ಮಾತನಾಡಿದ ಇನ್ಗೋ ಎಲೆಕ್ಟ್ರಿಕ್ಸ್ನ ಸಿಇಒ ಮತ್ತು ಸಹ-ಸಂಸ್ಥಾಪಕ ನಿಖಿಲ್ ಗೊನ್ಸಾಲ್ವಿಸ್ “ಜನರು ಸುರಕ್ಷಿತವಾಗಿ ಮತ್ತು ತಡೆರಹಿತ ಪ್ರಯಾಣಕ್ಕೆ ಅನುಕೂಲವಾಗುವ ರೀತಿಯಲ್ಲಿ ಇನ್ಗೊ ಫ್ಲೀ 2.0 ಅನ್ನು ವಿನ್ಯಾಸ ಮಾಡಲಾಗಿದೆ. ನಮ್ಮ ಮೊದಲ ಮಾಡೆಲ್ಗೆ ಹೆಚಚು ಪ್ರತಿಕ್ರಿಯೆಯ ದೊರಕಿದ ಹಿನ್ನೆಲೆಯಲ್ಲಿ ಇನ್ಗೊ ಫ್ಲೀ 2.0 ಅನ್ನು ಪರಿಚಯಿಸಿದ್ದೇವೆ. ಇದು ಸವಾರನಿಗೆ ಆರಾಮದಾಯಕದ ಜತೆ ಅತ್ಯುತ್ತಮ ಸವಾರಿ ಅನುಭವವನ್ನು ನೀಡುತ್ತದೆ. ಇನ್ಗೊ ಫ್ಲೀ 2.0 ಸಾರಿಗೆ ಮಾದರಿಯೊಂದನ್ನು ನೀಡುವ ಜತೆಗೆ ಸ್ಥಿರತೆ ಮತ್ತು ಸರಳವಾಗಿರುವ ಪ್ರಯಾಣದ ಆದ್ಯತೆ ನೀಡುವ ಅನುಭವವನ್ನು ಒದಗಿಸುತ್ತದೆ ಎಂದು ಹೇಳಿದರು.
ನಿಖಿಲ್ ಗೊನ್ಸಾಲ್ವಿಸ್ ಮತ್ತು ಮಂಜುನಾಥ್ ಪಂತಂಗಿ ಅವರು 2018 ರಲ್ಲಿ ಸ್ಥಾಪಿಸಿದ ಇನ್ಗೋ ನಿಜವಾದ ‘ಮೇಡ್ ಇನ್ ಇಂಡಿಯಾ’ ಉತ್ಪನ್ನವಾಗಿದೆ. ಪ್ರತಿಯೊಂದು ಘಟಕವನ್ನು ಸಂಪೂರ್ಣವಾಗಿ ದೇಶದಲ್ಲೇ ತಯಾರಿಸಲಾಗುತ್ತದೆ ಮತ್ತು ತರಿಸಿಕೊಳ್ಳಲಾಗುತ್ತದೆ. ಜಸ್ಟ್ ಡಯಲ್ನ ಸಹ-ಸಂಸ್ಥಾಪಕರಾಗಿರುವ ಉದ್ಯಮದ ಅನುಭವಿ ರಮಣಿ ಅಯ್ಯರ್ ಕೂಡ ಈ ತಂಡದಲ್ಲಿದ್ದಾರೆ.
ಗೋಲ್ಡನ್ ಟ್ರಯಾಂಗಲ್ ವಿನ್ಯಾಸ
ಇನ್ಗೊ ಫ್ಲೀ ಮೈಕ್ರೋ-ಮೊಬಿಲಿಟಿ ವಾಹನವಾಗಿದೆ. 120 ಕಿ.ಮೀ ವ್ಯಾಪ್ತಿಯಲ್ಲಿ 150 ಕೆ.ಜಿ ತೂಕವನ್ನು ಸಾಗಿಸುವ ಸಾಮರ್ಥ್ಯ ಹೊಂದಿದೆ. ಮಾನವನ ದೇಹದ ಬಯೋಮೆಕಾನಿಕ್ಸ್ ಅನ್ನು ಗಮನದಲ್ಲಿಟ್ಟುಕೊಂಡು ಇನ್ಗೊ ಅನ್ನು ಫ್ಲೀ ವಿಶಿಷ್ಟವಾಗಿ ವಿನ್ಯಾಸಗೊಳಿಸಲಾಗಿದೆ. ಫ್ಲೀ ವಾಹನವು ‘ಗೋಲ್ಡನ್ ಟ್ರಯಾಂಗಲ್ ಅನುಪಾತ’ ಹೊಂದಿದೆ. ಸೀಟ್ ಪೊಸಿಷನಿಂಗ್ ಮತ್ತು ಹಿಪ್ ಪ್ಲೇಸ್ ಮೆಂಟ್ ನ ವಿನ್ಯಾಸವು ಆರಾಮ ಮತ್ತು ಉತ್ತಮ ಸವಾರಿ ಅನುಭವ ನೀಡುತ್ತದೆ.