ನವ ದೆಹಲಿ: ಯಮಹಾ ಮೋಟಾರ್ ಇಂಡಿಯಾ ಕಂಪನಿಯು ತನ್ನ 125 ಸಿಸಿ ಸಾಮರ್ಥ್ಯದ ಸ್ಕೂಟರ್ಗಳ (Yamaha Scooter) 2023ನೇ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಈ ಸ್ಕೂಟರ್ಗಳು ಭಾರತ ಸರಕಾರದ ಬಿಎಸ್6 ಹೊಸ ಮಾನದಂಡಗಳಿಗೆ ಪೂರಕವಾಗಿ ತಯಾರಿಸಲಾಗಿದೆ. ಪ್ರಮುಖವಾಗಿ ಇದರ ಎಂಜಿನ್ಗಳು ಎ20 ಪೆಟ್ರೋಲ್ ಎಂಜಿನ್ಗಳನ್ನು ಹೊಂದಿವೆ. ಫ್ಯಾಸಿನೊ 125, ರೇ ಜಡ್ಆರ್ 125, ರೇ ಜಡ್ಆರ್ ಸ್ಟ್ರೀಟ್ ರ್ಯಾಲಿ ಸ್ಕೂಟರ್ಗಳನ್ನು ಬಿಡುಗಡೆ ಮಾಡಿದೆ. ಈ ಸ್ಕೂಟರ್ಗಳು ಕಡಿಮೆ ಪ್ರಮಾಣದಲ್ಲಿ ಹೊಗೆಯುಗುಳುತ್ತವೆ ಎಂದು ಹೇಳಲಾಗಿದೆ.
ಹೊಸ ಮಾದರಿಗಳು ಸ್ಕೂಟರ್ಗಳಲ್ಲಿ OBD2 ತಾಂತ್ರಿಕತೆಯಿದ್ದು, ಸ್ಕೂಟರ್ ಎಂಜಿನ್ ಅರೋಗ್ಯವನ್ನು ಸ್ಕ್ಯಾನ್ ಮಾಡುವ ಮೂಲಕ ಮಾಹಿತಿಯನ್ನು ರವಾನಿಸಲಿದೆ. 125 ಸಿಸಿಯ ಹೈಬ್ರಿಡ್ ಸ್ಕೂಟರ್ಗಳು ಬ್ಲೂಟೂಥ್ ಮೂಲಕ ವೈ ಕನೆಕ್ಟಿಂಗ್ ಆಪ್ ಹೊಂದಿದೆ. ಇದರ ಮೂಲಕ ಸವಾರಿ ಕುರಿತು ಸಂಪೂರ್ಣ ಮಾಹಿತಿ ಸಂಗ್ರಹ ಮಾಡಲು ಸಾಧ್ಯವಿದೆ.
ಹೊಸ ಮಾದರಿಯ ಸ್ಕೂಟರ್ಗಳು ಇ20 ಪೆಟ್ರೋಲ್ನಿಂದ ಚಲಿಸಲಿದೆ. ಏರ್ ಕೂಲ್ಡ್, ಫ್ಯೂಯಲ್ ಇಂಜೆಕ್ಟರ್ 125 ಸಿಸಿ ಬ್ಲ್ಯೂ ಕೋರ್ ಎಂಜಿನ್ ಹೊಂದಿದೆ. ಇದು 8.2 ಪಿಎಸ್ ಪವರ್ ಹಾಗೂ 10.3 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರಲ್ಲಿ ಸ್ಮಾರ್ಟ್ ಮೋಟಾರ್ ಜನರೇಟರ್ ಕೂಡ ಇರುತ್ತದೆ.
ಇದನ್ನೂ ಓದಿ : EV Vehicles : ಸರಕಾರಿ ಇಲಾಖೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನಷ್ಟೇ ಬಳಸಲು ಹಿಮಾಚಲ ಪ್ರದೇಶ ಸರಕಾರ ತೀರ್ಮಾನ
ಫ್ಯಾಸಿನೊ ಬೈಕ್ನ ಬೆಲೆ 91, 030 ರೂಪಾಯಿಗಳಾಗಿದ್ದು, ರೇ ಜಡ್ ಆರ್ ಸ್ಕೂಟರ್ ಬೆಲೆ 89,530 ರೂಪಾಯಿಗಳು. ಸ್ಟ್ರೀಲ್ ರ್ಯಾಲಿ ಸ್ಕೂಟರ್ ಬೆಲೆ 93,530 ರೂಪಾಯಿಗಳು.