ಬೆಂಗಳೂರು : ಟೋವಿನೋ ಥಾಮಸ್‌ (Tovino Thomas) ಹಾಗೂ ಕೀರ್ತಿ ಸುರೇಶ್‌ ( Keerthy Suresh) ಅಭಿನಯದ ʼವಾಶಿʼ (‘Vaashi’) ಚಿತ್ರದ ಟ್ರೈಲರ್‌ ಬಿಡುಗೊಡೆಗೊಂಡಿದೆ. ವಾಶಿ ಮಲಯಾಳಂ ಚಿತ್ರವಾಗಿದ್ದು, ಚಿತ್ರದ ಟ್ರೈಲರ್‌ ಮೂಲಕ ನಾಯಕ ಮತ್ತು ನಾಯಕಿಯ ಪಾತ್ರದ ಹೆಸರನ್ನು ಚಿತ್ರತಂಡ ರಿವೀಲ್‌ ಮಾಡಿದೆ. ಟೋವಿನೋ ಥಾಮಸ್‌, ಎಬಿನ್‌ ಮ್ಯಾಥ್ಯೂ ಆಗಿ ಕಾಣಿಸಿಕೊಳ್ಳುತ್ತಿದ್ದರೆ, ಮಾಧವಿ ಮೋಹನ್‌ ಆಗಿ ಕೀರ್ತಿ ಸುರೇಶ್‌ ಕಾಣಿಸಿಕೊಳ್ಳುತ್ತಿದ್ದಾರೆ.
ಇಬ್ಬರೂ ವಕೀಲರಾಗಿ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಇಬ್ಬರು ಒಬ್ಬರನ್ನೊಬ್ಬರು ಪ್ರೀತಿಸುತ್ತಿರುತ್ತಾರೆ. ಆದರೆ ಒಂದು ಪ್ರಕರಣ ಇವರಿಬ್ಬರನ್ನು ದೂರ ಮಾಡುತ್ತದೆ. ಪ್ರಕರಣದಲ್ಲಿ ಗೆಲುವು ಮತ್ತು ಅವರ ವೃತ್ತಿಯನ್ನು ಒಳಗೊಂಡಂತೆ ಅನೇಕ ವಿಷಯಗಳನ್ನು ಸಿನಿಮಾ ಒಳಗೊಂಡಿದೆ. ಶೀರ್ಷಿಕೆಯೇ ಹೇಳುವಂತೆ ಯಾರು ಗೆಲ್ಲುತ್ತಾರೆ ಎಂಬುದನ್ನು ನೋಡಲು ಪ್ರೇಕ್ಷಕರು ಥಿಯೇಟರ್‌ಗೆ ಭೇಟಿ ನೀಡಲೇ ಬೇಕು.
ಇದನ್ನೂ ಓದಿ | Keerthy Suresh : ಸೀರೆಯಲ್ಲಿ ಸಕತ್‌ ಹಾಟ್‌ ಲುಕ್‌, ಇದೀಗ ಸಿಕ್ಕಾಪಟ್ಟೆ ವೈರಲ್‌
ಟ್ರೈಲರ್‌ನಲ್ಲಿ ಸಖತ್‌ ಕುತೂಹಲವನ್ನು ಚಿತ್ರತಂಡ ಸೃಷ್ಟಿ ಮಾಡಿದ್ದು, ಜನರು ಸಿನಿಮಾ ರಿಲೀಸ್‌ ಆಗಲು ಕಾಯುತ್ತಿದ್ದಾರೆ. ವಿಡಿಯೋ ಶೇರಿಂಗ್‌ ಪ್ಲಾಟ್‌ ಫಾರ್ಮ್‌ನಲ್ಲಿ ಇದೀಗ ಟ್ರೈಲರ್‌ ಟ್ರೆಂಡಿಂಗ್‌ ಆಗಿದ್ದು, ಜನರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.
ಈ ಹಿಂದೆ ಚಿತ್ರತಂಡ ಟೋವಿನೋ ಥಾಮಸ್‌ ಹಾಗೂ ಕೀರ್ತಿ ಸುರೇಶ್‌ ಅವರ ಪ್ರತ್ಯೇಕ ಮೇಕಿಂಗ್‌ ವಿಡಿಯೋ ಕೂಡ ರಿವೀಲ್‌ ಮಾಡಿದ್ದು, ತಮ್ಮ ಇನ್ಸ್ಟಾ ಮೂಲಕ ಕೀರ್ತಿ ಸುರೇಶ್‌ ಹಾಗೂ ಟೋವಿನೋ ಥಾಮಸ್‌ ಶೇರ್‌ ಮಾಡಿಕೊಂಡಿದ್ದಾರೆ.
ವಿಷ್ಣು ಜಿ ರಾಘವ್‌ ಈ ಚಿತ್ರದ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಕೋರ್ಟ್‌ ರೂಮ್‌ ಡ್ರಾಮಾ ಆಗಿರುವ ವಾಶಿ ಸಿನಿಮಾದ ಟ್ರೈಲರ್‌ ಹೆಚ್ಚಿನ ವ್ಯೂಸ್ ಪಡೆದು ಜನರ ಮನರಂಜಿಸುತ್ತಿದೆ. ಕಳೆದ ವರ್ಷ ಬಿಡುಗಡೆಯಾದ ಟೋವಿನೋ ಥಾಮಸ್‌ ಅವರ ಸೂಪರ್‌ ಹೀರೋ ಚಲನಚಿತ್ರ ʼಮಿನ್ನಲ್‌ ಮುರುಳಿʼ ಮೆಚ್ಚುಗೆ ಗಳಿಸಿತ್ತು.
ನಟಿ ಕೀರ್ತಿ ಸುರೇಶ್‌ ರಾಷ್ಟ್ರೀಯ ಪ್ರಶಸ್ತಿ ಪಡೆದ ನಟಿ ಮತ್ತು ಬಹು ಬೇಡಿಕೆಯಲ್ಲಿ ಇದ್ದಾರೆ. ನೀಲ್‌ ಡಿಕುನ್ಹಾ ಸಿನಿಮಾಗೆ ಛಾಯಾಗ್ರಹಣ ಮಾಡಿದ್ದು, ಅರ್ಜುನ್‌ ಬೆನ್‌ ಸಂಕಲನ ಮಾಡಿದ್ದಾರೆ. ಕೈಲಾಸ್‌ ಮೆನನ್‌ ಸಂಗೀತ ಸಂಯೋಜನೆ ಮಾಡಿದ್ದು, ವಿನಾಯಕ್‌ ಶಶಿಕುಮಾರ್‌ ಸಾಹಿತ್ಯ ಬರೆದಿದ್ದಾರೆ. ಸಾಬು ಮೋಹನ್‌ ಕಲಾ ನಿರ್ದೇಶಕರಾಗಿದ್ದು, ದಿವ್ಯಾ ಜಾರ್ಜ್‌ ಚಿತ್ರದ ಫ್ಯಾಷನ್‌ ಡಿಸೈನರ್‌ ಆಗಿದ್ದಾರೆ. ಚಿತ್ರ ಜೂನ್‌ 17ರಂದು ತೆರೆಗೆ ಬರಲಿದ್ದು, ಜನರನ್ನು ಹೇಗೆ ರಂಜಿಸಲಿದೆ ಎನ್ನುವುದು ಕಾದು ನೋಡಬೇಕಿದೆ.
ಇದನ್ನೂ ಓದಿ | ಆಶಿಕ್‌ ಬಾಬು ಹೊಸ ಚಿತ್ರ Neelavelicham ಫಸ್ಟ್‌ ಲುಕ್‌ ರಿಲೀಸ್‌, ಇದು ಬಶೀರ್‌ ಹಾರರ್‌!