ಪಾಪ! ಪ್ರಾಣಿಗಳಿಗೂ ಕೂಡ ಸುಸ್ತಾಗಿರುತ್ತದೆ. ಮನುಷ್ಯರಂತೆ ಅವುಗಳು ಕೂಡ ದಿನ ನಿತ್ಯದ ಕಾರ್ಯಗಳಲ್ಲಿ ದಣಿದಿರುತ್ತವೆ. ಹೀಗಾಗಿ ಅವುಗಳಿಗೂ ಮಸಾಜ್‌ ಬೇಕಲ್ಲವೇ! ಹೀಗೆ ಮಸಾಜ್‌ ಮಾಡಿಸಿಕೊಳ್ಳುವ ಬೆಕ್ಕಿನ ವಿಡಿಯೊ ಎಲ್ಲೆಡೆ ವೈರಲ್‌ (Viral Video) ಆಗಿದೆ. ಈ ಬೆಕ್ಕು ಹೇಗೆ ತನ್ನ ಮಾಲೀಕರಿಂದ ಮಸಾಜ್‌ ಮಾಡಿಸಿಕೊಳ್ಳುತ್ತದೆ ನೋಡಿ.
ಇಲ್ಲೊಬ್ಬರು ತಮ್ಮ ಮೀನಖಂಡಕ್ಕೆ ಒಂದು ಉಪಕರಣದ ಮೂಲಕ ಮಸಾಜ್‌ ಮಾಡಿಕೊಳ್ಳುತ್ತಿದ್ದಾರೆ. ಅದೇ ವೇಳೆ ಒಂದು ಪುಟ್ಟ ಬೆಕ್ಕು ಛಂಗನೆ ಹಾರಿ ಬರುತ್ತದೆ. ಆ ಉಪಕರಣಕ್ಕೆ ತನ್ನ ಮುಖವನ್ನಿಡುತ್ತದೆ. ಮುಖ ಹಾಗೂ ಕುತ್ತಿಗೆಯ ಬಳಿ ಆ ಉಪಕರಣದ ಮೂಲಕ ಮಸಾಜ್‌ ಮಾಡಿಸಿಕೊಳ್ಳುತ್ತದೆ. ಸ್ವಲ್ಪ ಹೊತ್ತು ಮಸಾಜ್‌ ಮಾಡಿಸಿಕೊಂಡು ತನ್ನ ಪಾಡಿಗೆ ಹೊರಟು ಹೋಗುತ್ತದೆ. ಮಸಾಜ್‌ ಮಾಡಿಸಿಕೊಳ್ಳುವ ಈ ಬೆಕ್ಕಿನ ವರ್ತನೆ ಎಷ್ಟೊಂದು ಮಜವಾಗಿದೆ! ಮಾಲೀಕರ ಮೀನಖಂಡವನ್ನು ತಲೆದಿಂಬಾಸಿಕೊಂಡು, ಮಸಾಜ್‌ ಮಾಡುವ ಉಪಕರಣವನ್ನು ಕೈಯಲ್ಲಿ ಗಟ್ಟಿಯಾಗಿ ಹಿಡಿದುಕೊಂಡು ಈ ಬೆಕ್ಕು ಮಸಾಜ್‌ ಮಾಡಿಸಿಕೊಳ್ಳುತ್ತದೆ.
ಇದನ್ನೂ ಓದಿ: Viral video: ಇದೆಂಥಾ ಬಸ್ಸಾ? ಒಂದೇ ಆಟೊದಲ್ಲಿ 1,2,3,4,5,6,7.. 27 ಜನ! ಬಹುಶಃ ಇದು World record!