ವನ್ಯಜೀವಿ ಫೋಟೋಗ್ರಫಿ ಮಾಡುವವರು ಈಗ ಡ್ರೋನ್ನ್ನು ವ್ಯಾಪಕವಾಗಿ ಬಳಸಿಕೊಳ್ಳುತ್ತಾರೆ. ಮೊದಲೆಲ್ಲ ಕಾಡಿನಲ್ಲಿ ಕ್ಯಾಮರಾ ಅಡಗಿಸಿಟ್ಟು ಪ್ರಾಣಿ-ಪಕ್ಷಿಗಳ, ಅವುಗಳ ಚಲನವಲನಗಳನ್ನು ಸೆರೆ ಹಿಡಿಯಲಾಗುತ್ತಿತ್ತು. ಈಗ ಆ ಪದ್ಧತಿ ಇದ್ದರೂ, ಡ್ರೋನ್ ತಂತ್ರಜ್ಞಾನವನ್ನೂ ಪರಿಣಾಮಕಾರಿಯಾಗಿ ಬಳಸಲಾಗುತ್ತಿದೆ. ಅಂದರೆ ಡ್ರೋನ್ಗೆ ಕ್ಯಾಮರಾ ಅಳವಡಿಸಿ, ಕಾಡು ಪ್ರಾಣಿಗಳ, ಸರೀಸೃಪಗಳ ಚಲನವಲನ ಸೆರೆಹಿಡಿಯಲಾಗುತ್ತದೆ. ವೈಲ್ಡ್ಲೈಫ್ ಫೊಟೊಗ್ರಫಿಗೆ ಇದು ಇನ್ನಷ್ಟು ಸುಲಭ ವಿಧಾನ.
ಈಗೊಂದು ಥ್ರಿಲ್ಲಿಂಗ್ ವಿಡಿಯೊ ವೈರಲ್ ಆಗಿದೆ. ಇದು ಮೊಸಳೆ ಮತ್ತು ಡ್ರೋನ್ದು. ನೀವು ಈ ವಿಡಿಯೊ ನೋಡಿ. ಯಾವ ಥ್ರಿಲ್ಲಿಂಗ್ ಸಿನಿಮಾ ದೃಶ್ಯಕ್ಕೂ ಕಡಿಮೆಯಿಲ್ಲ ಎಂದು ನಿಮಗೇ ಅನ್ನಿಸುತ್ತದೆ. ‘ಅದೊಂದು ನದಿಯಲ್ಲಿ ಮೊಸಳೆ ನದಿ ನೀರಿನಲ್ಲಿ ಈಜುತ್ತ ಹೋಗುತ್ತಿದೆ. ಅದಕ್ಕಿಂತ ಸ್ವಲ್ಪ ಮೇಲೆ ಡ್ರೋನ್ ಮೊಸಳೆಯನ್ನು ಹಿಂಬಾಲಿಸುತ್ತಿದೆ. ಹೀಗೆ ಮೊಸಳೆಯನ್ನು ಸುತ್ತುವರಿಯುತ್ತಿರುತ್ತದೆ. ಡ್ರೋನ್ಗೆ ಅಳವಡಿಸಿದ್ದ ಕ್ಯಾಮರಾ ಆ ಮೊಸಳೆಯ ಚಲನೆಯನ್ನು ಸೆರೆ ಹಿಡಿಯುತ್ತಿತ್ತು. ಅಂದರೆ ವಿಡಿಯೊ ಚಿತ್ರೀಕರಣ ಆಗುತ್ತಿತ್ತು. ಅದೇ ಹೊತ್ತಲ್ಲಿ, ಆ ಮೊಸಳೆಯ ಕಣ್ಣು ಡ್ರೋನ್ ಮೇಲೆ ಇತ್ತು. ಮೊಸಳೆ ಡ್ರೋನ್ನ್ನು ನೋಡಿ ಯಾವುದೋ ಪಕ್ಷಿ ಎಂದುಕೊಂಡಿತೋ ಏನೋ ಗೊತ್ತಿಲ್ಲ, ಈಜಿಕೊಂಡು ಹೋಗುತ್ತಿದ್ದ ಸರೀಸೃಪ ಒಮ್ಮೆಲೇ ನೀರಿನಲ್ಲಿಯೇ ಎದ್ದುನಿಂತಂತೆ, ತಲೆ ಹೊರಹಾಕಿಕೊಂಡು ಚಲಿಸಲು ಪ್ರಾರಂಭ ಮಾಡಿತು. ಹಾಗೇ, ಒಂದು ಜಂಪ್ ಹೊಡೆದು ಆ ಡ್ರೋನ್ನ್ನು ಬಾಯಲ್ಲಿ ಕಚ್ಚಿಕೊಂಡು ಮತ್ತೆ ನೀರಿನ ಆಳಕ್ಕೆ ಧುಮುಕಿ ಹೋಯಿತು. ಕೊನೇ ಕ್ಷಣ ಮಾತ್ರ ಮೈ ಜುಂ ಎನ್ನುವಂತಿದೆ’
ವಿಡಿಯೊ ನೋಡಿದ ಹಲವರು ಕಮೆಂಟ್ ಮಾಡಿದ್ದಾರೆ. ಡ್ರೋನ್ ಶಬ್ದದಿಂದ ಮೊಸಳೆಗೆ ಕೆಟ್ಟ ಕಿರಿಕಿರಿ ಆಗಿರಬಹುದು ಎಂದು ಒಬ್ಬರು ಹೇಳಿದ್ದರೆ, ಆ ಡ್ರೋನ್ನ್ನು ಕಂಟ್ರೋಲ್ ಮಾಡುತ್ತಿದ್ದ ಪೈಲೆಟ್ ಸುರಕ್ಷಿತ ಅಂತರವನ್ನು ಕಾಪಾಡಿಕೊಳ್ಳಬೇಕಿತ್ತು ಎಂದು ಮತ್ತೊಬ್ಬರು ಅಭಿಪ್ರಾಯಪಟ್ಟಿದ್ದಾರೆ. ಹಾಗೇ, ಪ್ರಾಣಿಗಳಿಗೂ ವೈಯಕ್ತಿಕ ಬದುಕು ಇರುತ್ತದೆ. ಅದನ್ನು ನಾವು ಗೌರವಿಸಬೇಕು. ಹೀಗೆ ಸಿಕ್ಕಸಿಕ್ಕಲ್ಲಿ ಕ್ಯಾಮರಾ ಹಿಡಿಯಲು ಹೋದರೆ, ಇದೇ ಗತಿ ಆಗುತ್ತದೆ ಎಂದು ಮತ್ತೊಬ್ಬಾತ ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: Viral video | ಹಗ್ಗದ ಸಹಾಯವಿಲ್ಲದೆ 122 ಮೀಟರ್‌ ಎತ್ತರದ ಕಟ್ಟಡವೇರಿದ ಸಾಹಸಿ!