ಬೆಂಗಳೂರು: ಡ್ಯಾನ್ಸ್‌ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವೈರಲ್ ಆಗುತ್ತಿರುತ್ತವೆ. ಅದೇ ರೀತಿ ಇದೀಗ ಮತ್ತೊಂದು ನೃತ್ಯದ ವಿಡಿಯೊ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡಿದ್ದು ((Viral Video), ಭಾರೀ ಸದ್ದುಮಾಡುತ್ತಿದೆ. ಅಂಗ್‌ ಲಗಾ ದೆ ಎಂದು ಜೋಡಿ ಕುಣಿಯುತ್ತಿದ್ದರೆ, ಅದನ್ನು ನೋಡುತ್ತಿರುವ ಜನರು ವಾವ್‌ ಎಂದು ಕಾಮೆಂಟ್‌ಗಳ ಸುರಿಮಳೆಯನ್ನೇ ಸುರಿಸುತ್ತಿದ್ದಾರೆ.
ಇಶಾ ಶರ್ಮಾ ಹೆಸರಿನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ನೃತ್ಯದ ವಿಡಿಯೊ ಹಂಚಿಕೊಳ್ಳಲಾಗಿದೆ. ಅದರಲ್ಲಿ ಯುವತಿ ಮತ್ತು ಯುವಕ ರಾಮ್‌ ಲೀಲಾ ಸಿನಿಮಾದ ಅಂಗ್‌ ಲಗಾ ದೇ ರೆ ಹಾಡಿಗೆ ಕುಣಿದಿದ್ದಾರೆ. ಸ್ಟುಡಿಯೊ ಒಂದರಲ್ಲಿ ಈ ನೃತ್ಯ ಮಾಡಿರಬಹುದು ಎಂದು ಮೇಲ್ನೋಟಕ್ಕೆ ಹೇಳಬಹುದಾಗಿದೆ. ಈ ಜೋಡಿ ನೃತ್ಯ ಮಾಡುತ್ತಿದ್ದರೆ, ಸಾಕಷ್ಟು ಜನರು ಅವರ ಸುತ್ತಲೂ ನಿಂತುಕೊಂಡು ಅವರಿಗೆ ಪ್ರೋತ್ಸಾಹಿಸಿದ್ದಾರೆ.
ಇದನ್ನೂ ಓದಿ: Viral News : ಮಿಸ್‌ ವರ್ಲ್ಡ್‌ ಕಿರೀಟದೊಂದಿಗೆ ನೆಲದ ಮೇಲೆ ಕುಳಿತು ಊಟ ಮಾಡಿದ್ದ ಐಶ್ವರ್ಯ ರೈ! ಫೋಟೊ ವೈರಲ್
ಈ ವಿಡಿಯೊವನ್ನು ಮಾರ್ಚ್‌ 4ರಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ 11 ಮಿಲಿಯನ್(1.10 ಕೋಟಿ)ಗೂ ಹೆಚ್ಚಿನ ವೀಕ್ಷಣೆಯನ್ನು ಪಡೆದುಕೊಂಡಿದೆ. ವಿಡಿಯೊ ನೋಡಿರುವ ಜನರು ಅದನ್ನು ತಮ್ಮ ಸ್ನೇಹಿತರೊಂದಿಗೂ ಹಂಚಿಕೊಂಡಿದ್ದಾರೆ. 9 ಲಕ್ಷಕ್ಕೂ ಅಧಿಕ ಮಂದಿ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ.
ವಿಡಿಯೊ ನೋಡಿರುವ ನೆಟ್ಟಿಗರು ವಿಡಿಯೊಗೆ ಹಲವಾರು ರೀತಿಯ ಕಮೆಂಟ್‌ಗಳನ್ನು ಮಾಡಿದ್ದಾರೆ. “ಈ ವಿಡಿಯೊವನ್ನು ಲೂಪ್‌ ರೀತಿಯಲ್ಲಿ ಹತ್ತಾರು ಬಾರಿ ನೋಡಿದೆ. ಪ್ರತಿ ಸಲವೂ ವಿಡಿಯೊ ನೋಡುವುದಕ್ಕೆ ಖುಷಿಯಾಗುತ್ತಿದೆ”, “ಅದ್ಭುತವಾದ ಕಲಾವಿದರು ಇವರಿಬ್ಬರು”, “ಅಬ್ಬಬ್ಬಾ, ಇಂತಹ ನೃತ್ಯ ನೋಡುವುದಕ್ಕೆ ಸಿಗುವುದು ಅಪರೂಪ” ಎನ್ನುವಂತಹ ಹಲವಾರು ಕಮೆಂಟ್‌ಗಳು ವಿಡಿಯೊಗೆ ಬಂದಿವೆ.