ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350-ಈ ಬುಲೆಟ್ ಬೈಕ್ನ ಮೈಮಾಟ, ಶಬ್ದ-ಅದರ ಓಟಕ್ಕೆ ಸೋಲದ ಬೈಕ್ ಪ್ರೇಮಿಗಳಿಲ್ಲ. ಈಗೀಗಂತೂ ಬಹುತೇಕ ಯುವಕರು ತಮ್ಮ ಬಳಿಯೂ ಒಂದು ಬುಲೆಟ್ ಬೈಕ್ ಇರಲಿ ಎಂದು ಬಯಸುತ್ತಾರೆ. ಅದರಲ್ಲೂ ದೂರದ ಊರುಗಳಿಗೆ ಪ್ರವಾಸ ಹೋಗುವವರು ಬುಲೆಟ್ ಮೇಲೆ ಸವಾರಿ ಮಾಡುವ ಕ್ರೇಜ್ ಇತ್ತೀಚೆಗೆ ಹೆಚ್ಚಾಗುತ್ತಿದೆ.
ಆದರೆ ಈಗ ಈ ಬುಲೆಟ್ ಬೈಕ್ ಈಗೊಂದು ಆತಂಕಕಾರಿ ವಿಷಯಕ್ಕೆ ಸುದ್ದಿಯಾಗಿದೆ. ನಿಂತಿದ್ದ ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಬೈಕ್ ಬೆಂಕಿ ಹೊತ್ತಿ ಉರಿದಿದೆ. ಅದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
trippyyogi669 ಎಂಬ ಯೂಟ್ಯೂಬ್ ಚಾನೆಲ್ನಲ್ಲಿ ವಿಡಿಯೊ ಪೋಸ್ಟ್ ಆಗಿದೆ. ಲಡಾಖ್ನ ನುಬ್ರಾ ಮತ್ತು ಪಾಂಗೋಂಗ್ ಸರೋವರದ ನಡುವಿನ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದಾಗಿ ವರದಿಯಾಗಿದೆ. ರಸ್ತೆ ಬದಿಯಲ್ಲಿ ಮೂರು ಬೈಕ್ಗಳು ಒಟ್ಟಿಗೆ ನಿಂತಿದ್ದವು. ಅದರಲ್ಲಿ ಒಂದು ಬೈಕ್ ಏಕಾಏಕಿ ಸ್ಟಾರ್ಟ್ ಆಗಿ, ತಿರುಗಿ ಬಿತ್ತು. ಕೂಡಲೇ ಅದಕ್ಕೆ ಬೆಂಕಿ ಹೊತ್ತಿಕೊಂಡಿತು. ಅಲ್ಲಿದ್ದ ಹಲವರೆಲ್ಲ ಸೇರಿ ಬೈಕ್ಗೆ ಹೊತ್ತಿದ್ದ ಬೆಂಕಿಗೆ ನೀರು ಹಾಕಿ, ಆರಿಸಿದ್ದಾರೆ. ಬೈಕ್ಗೆ ಬೆಂಕಿ ಹೊತ್ತಿಕೊಳ್ಳಲು ಕಾರಣವೇನು ಎಂಬುದು ಗೊತ್ತಾಗಿಲ್ಲ. ವೈರ್ ವ್ಯವಸ್ಥೆಯಲ್ಲಿ ದೋಷವುಂಟಾಗಿಯೇ ಈ ಸಮಸ್ಯೆ ಕಾಣಿಸಿಕೊಂಡಿರಬಹುದು ಎಂದು ಅಂದಾಜಿಸಲಾಗಿದೆ.
